Mae Khuru 26:13 - Buka Blahi Ka Cheke Holo

¹³ Ghema King Agripa, farihotei aublatha, iara megei nga ne filoni kaisei naphae ka maloa na. Naphae tuana siasigla fara uluni naprai na ne siasigla faligoho ghau iara nei mae iheire teke tei balugu iara re.

Mae Khuru 26:13 ပူးပေါင်းရင်းမြစ်များ

Matiu 17:2

Kate filo teu thilomare na, thilomare ne filoni thinigna mae Jisas na ne tughu. Tathagna nei foflogna teu manare ne siasigla fara jateula naprai neu. Eghuteuna nogna pohere ne jaola ne thono vegha fara.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Thakle 1:16

Mana louloku fitu nathunu fei khame nheta, nei kaisei naflahi te fnonu piepile ne jifla mei ka foflogna na. Eghuteuna tathagna na siasigla fara jateula naprai farihotei aublatha eghu.

Mae Khuru 22:6

“Farihotei aublatha kate mei namo iara Damaskas, kaisei naphaegna kligna te thono siasigla fara megei nga ne siasigla faligoho ghau iara.

Mae Khuru 9:3

Kate tei te namo mae Sol Damaskas na, kaisei naphae te siasigla fara funugna kligna ne megei nga ne phae faligohoni mana.

Profet Isaia 30:26

Fei bongiro na glaba gne ginauna phae jateula naprai eghu, eghuteuna fei narane na, naprai gne ginauna brana salaꞌuni fitu fata. Glepo igre ginauna thakle mei kate fakeli fapulodi Lord thubu teke paradi mana nogna naiknore.

Profet Isaia 24:23

Ka narane igne, naprai ghe glaba gre ginauna jaola theome agha. Naugna Lord mae ihei te au nolaghi fateote'o igne ginauna funei fruni jateula king eghu. Mana ginauna funei Jerusalem ke kligna Thogele blahi Saion, eghuteuna noda mae mala baubatu tahati igre ginauna filoni siasiglagna nogna nolaghi biꞌo mana na.

Mae Khuru 22:9

Mae teke tei balugu iara re, mare ne filoni u naphae na. Nu mare theome nomhi fakelini chekegna mana na.

Mae Khuru 26:12

“Kaisei fata hatimare mae pris ulu neke tusu ranghi ghau iara nolaghi mala tei Damaskas mala lokidi naikno te fatutuani ni mae Jisas.

Mae Khuru 26:14

Ghehati ne kafe khoko soru ka glose na. Aonu iara ne nomhini kaisei naogla ne cheke mei ka iara ka cheke Hibru. Mana ne cheke eghu, ‘Sol, Sol, naugna unha sagho te para ghau iara gnea? Iagho khogla para nigho themu kolho kate fariuriu magrini nogu gaoghatho iara na.’