Mae Khuru 25:9 - Buka Blahi Ka Cheke Holo

⁹ Nu mae Festas magnahaghei te keli tadi hatimare mae Jiu ne ghusna eghu ka mae Pol, “Ba, iagho magnahaghei te haghe Jerusalem mala kegra ke ulugu iara jare ka fate sia?”

Mae Khuru 25:9 ပူးပေါင်းရင်းမြစ်များ

Mae Khuru 24:27

Nu mae Filiks ne liliseini mae Pol mala au mana ka suga sosolo, naugna mana magnahaghei te keli tadi hatimare mae Jiu. Nu ke leghu phei finogha, mae Posias Festas neke tughuni mae Filiks mala gavana ka provins tuana.

Mae Khuru 25:20

Iara theome raꞌe lasedi glepo igre. Aonu, iara neke theome ghusnadi mare mala lase fakelini kaisei glepo eigna igne. Eghuteuna iara neke ghusnani mana glahula me magnahaghei tei mana Jerusalem, mala tangomana iara te fateni mana jare na.

Mae Khuru 12:3

Eghuteuna kate filoni mae Herod te keli tadi mae Jiure ka puhi te eni mana igne, mana ne magnahaghei loki nila mae Pita. Aonu, mare lokini mae Pita ka narane Gaghamu gna Bret te Theo Isi gna na ne koko laoni mana ka suga sosolo. Eghuteuna mae Herod ne lisa laoni mae Pita ka khamedi nabotho namno mae soldiare mala reireghini mana. Mae Herod ne magnahaghei hatani mae Pita mala fateni mana ke uludi naiknore ke leghugna Gaghamu Ghasa-Polho na.

Nonomho Te Keli Teke Risoi Mae Mak 15:15

Mae Paelat magnahaghei te keli tadi naiknore ne hata fajiflani mae Barabas. Eghuteuna mae Paelat ne chekedi mae soldiare mala purini mae Jisas. Aonu mae Paelat ne snakre laoni mae Jisas mala tupijuru ka gaju fafatha.

Mae Khuru 25:3

Mare ne cheke eghu ka mana, “Ghema, ghehati thono magnahaghe nigho iagho te kuru fapuloni mae Pol Jerusalem.” Mare ne cheke eghu, naugna mare ghaoghaho mala falehe poruni mae Pol kate mei mana ka nabrou na.