Mae Khuru 25:7 - Buka Blahi Ka Cheke Holo

⁷ Kate thakle mei mae Pol ka chogho mala fate na, hatimare mae Jiu teke soru mei funudi Jerusalem re mare lao ne kegra faligohoni mana. Mare ne funu fathoro kmana glepo te diꞌa ranghini mae Pol. Nu mare theome tangomana te cheke thakleni kaisei glepo te tutuani.

Mae Khuru 25:7 ပူးပေါင်းရင်းမြစ်များ

Mae Khuru 24:13

Eghuteuna, mare theome tangomana te chekeni kaisei glepo te thofno tutuani ke ulumu iagho ka unha fathoro te eni mare ranghi ghau iara gognaro gne.

Mae Khuru 25:24

Mae Festas ne cheke eghu, “Ghema King Agripa nei ghotilo te gnafa te kafe au teu agne, ghotilo filonihi mae igne. Naikno Jiu te gnafa agne ba Jerusalem neke buiburi eigna mae igne ka iara. Mare neke eha fabiꞌo mae igne theome nabagna te karha raugha.

Luku 23:10

Hatimare mae pris ulu nei hatimare mae velepuhigna vetula nogna mae Moses eghu re kegra neu jare. Mare cheke lao kmana nafnata cheke te diꞌa eigna mae Jisas.

Luku 23:2

Kate posa jare na, mare ne funu vuavuha cheke eigna mae Jisas. Mare ne cheke eghu ka mae Paelat, “Ghehati lasenihi puhigna mae igne, mana batu fadiꞌadi nei chaghidi naiknore mala thosei foli takis ka Sisa, king biꞌogna Rom. Mana jaola kiloni thegna ‘Kraes’, kaisei mae king biꞌo.”

Nodi Khoje Hatimare Mae Jiu 27:12

Thosei snakre lao ghau ka khamedi nogu naoka gre mala magri ghau ka nodi cheke te chaichaghi nei ka nodi cheke te nheta eghu te famamhagu ghau iara gre.

Mae Khuru 21:28

Mare ne eha eghu fabiꞌo, “Ghotilo maemi Israel, togho ghami ghehati! Mae igne tei tongana heva heva cheke fapari ghita tahati nei farirhiudi naiknore mala thosei leghuni nogna vetula mae Moses na, nei cheke faparini noda Sugablahi tahati igne. Eghuteuna gognaro na mana la fatothona Sugablahi gne, naugna mana hata la mei keha mae Griki la ruma ka Sugablahi gne!”

Nodi Khoje Hatimare Mae Jiu 35:11

Naikno te diꞌa igre mare fathoro mei ka iara keha puhi te diꞌa teke theome edi iara re.

Nogna Buka Esta 3:8

Aonu mae Haman tei ne cheke eghu ka king, “King Sekses, keha tothoghei naiknore au tafri ke lamnagna kantri te funei frunini iagho igne, nei ka provins te gnafa teu igre. Nodi kastom nei puhidi teure nhogri fara ka nodi kastom nei puhidi teu keha naikno te au igre. Naikno igre theome leghudi vetulagna nou kantri iagho igne. Eghume jame te snakredi iagho naikno igre te au teu agne na, igne ginauna na theome togho nigho iagho, nei jaola, na theome toghoni nou kantri iagho igne.

Esra 4:15

mala tangomana iagho te chekedi nou mae gloku re mala filoni ripot eigna namono igne ke lamnadi buka teke rioriso soru kuꞌemu iagho tifa ra. Jame te eghu iagho na, iagho ginauna lasedi naiknogna namono igne, eigna leuleghu fata na mare theome leghudi iheire te funei frunidi re. Puhi te diꞌa igne funu tifa ghilei mei posa gognarogne, eghuteuna mae igre eꞌei puhi biꞌo koba ka hatimare mae king nei hatimare mae lida eghu gna provins igne. Leuleghu fata na ninhigrana fara te mala funei frunidi iagho naikno Jiu igre, naugna igne teke mei armi tifa teke goigoni namono igne.

Matiu 15:1

Ke leghugna igne, keha mae Farasi nei keha mae velepuhigna vetula nogna mae Moses eghu ne mei funudi Jerusalem. Mare ne ghusna eghu ka mana,

Ululahu Tesalonika 2:16

Mare fariuriu lhoti ghami ghehati te mala cheke ranghidi iheire te theome Jiu mala fakarhidi. Kate eni igne, mae Jiu tuare fodu salaꞌui ka nakhibo. Eghuteuna leghu lahu na, diꞌatagna God na la meihi ke klignadi mare.