Mae Khuru 25:18 - Buka Blahi Ka Cheke Holo

¹⁸ Hatimare mae Jiu kegra haghe neke fathoroni mana, nu mare theome tangomana te chekeni kaisei glepo te jafra fara jateula te ghathoni iara na.

Mae Khuru 25:18 ပူးပေါင်းရင်းမြစ်များ

Mae Khuru 25:17

Kate mei mae Jiu gre agne na, iara ne theome ofo, nu ka keha narane na iara ne gnokro ka sape mala fate na ne kilodi keha mae soldia mala hata meini mana ka chogho mala fate na.

Mae Khuru 25:19

Glepo te chekedi mare eigna nodi God thedi mae Jiu kolho, nei eigna kaisei mae la lehehi tifa, nanghagna na mae Jisas. Nu te chekeni mae Pol na mae igne karhau ngala gognaro na!

Jone 18:31

Mae Paelat ne cheke eghu ka mare, “Te eghuna ghotilo athani mana mala fateni mana ka nomi vetula themi.” Mae Jiu gre ne cheke eghu ka mana, “Ghehati theome tangomana te faleheni naikno na, naugna ghotilo mae Rom theome snakre ghami ghehati te mala fateni nei faleheni teu naikno na.”

Mae Khuru 18:14

Mae Pol ne thogra cheke tughuni igne, nu mae Galio ne cheke eghu ka mae Jiure, “Jame eni mae igne kaisei puhi te diꞌa fara, ba kaisei najafra biꞌo iara jame magnahaghei fanomho ka ghotilo.

Mae Khuru 25:5

Eghume ghotilo kurudi keha nomi mae biꞌo mala tei balugu iara. Mare tangomana te chekeni jare Sisaria unha najafra teke eni mana na.”