Mae Khuru 25:12 - Buka Blahi Ka Cheke Holo

¹² Ke leghugna tela kulu chekehi baludi nogna mae mala farirhiu re, mae Festas ne cheke eghu ka mae Pol, “Iagho magnahagheni mae king biꞌogna Rom te mala fate nigho na, keli fara, ghehati ginauna na hata tei nigho ka mana!”

Mae Khuru 25:12 ပူးပေါင်းရင်းမြစ်များ

Filipae 1:20

Iara thono theome magnahaghei te eni kaisei glepo te mala famamaja ghau thegu ke ulugna mae Kraes. Nu iara magnahaghedi naiknore te filo glani ka iara nogna nolaghi biꞌo mae Kraes. Neuba mare ne falehe ghau iara ginauna, iara magnahaghedi naikno khiloaure te mala kilo fnaknoni fabrahu mae Kraes.

Mae Khuru 19:21

Ke leghudi te edi glepo igre, mae Tharunga te Blahi na ne batuni mae Pol ne tei thoke Jerusalem. Eghuteuna ame tei thokei nga Jerusalem teku na, mana magnahaghei te tei sala'u ka phei provins Masidonia ghe Akaia. Mana ne cheke eghu, “Ke leghugna te tei iara ka namono igre, iara ginauna na tei thokela Rom.”

Mae Khuru 28:16

Kate posa lao ghehati Rom na, hatimare mae biꞌo gna namono na ne snakreni mae Pol mala au sopa thegna. Nu kaisei mae soldia te mala au balugna mana te mala reireghini mana na.

Mae Khuru 26:32

Eghuteuna mae King Agripa ne cheke eghu ka mae Gavana Festas, “Jame theome toreni mae funei biꞌogna Rom gne te mala fateni mana na meuna, tahati tangomana te snakre teini te mala snagla mana na.”

Mae Khuru 25:21

Nu mana neke tore ghau iara mala reireghiniu ngala agne Sisaria. Mana magnahagheni mae funei biꞌogna Rom te mala fateni na. Aonu iara neke chekedi hatimare mae soldia mala reireghi fakelini mana ghilei tangomana iara te kuru teini mana ka mae Funei Sisa mae biꞌogna Rom.”

Mae Khuru 23:11

Ka keha bongi na Lord mei ne kegra rhegna mae Pol ne cheke eghu, “Ghema, thosei mhaghu! Iagho neke cheke eigu iara ka naiknore Jerusalem, iagho ginauna na jaola nake enila tuana Rom.”

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Lamentations 3:37

Ba, ihei tangomana te eni kaisei glepo jame te theome snakreni Lord na? Thono theo fara!

Nodi Khoje Hatimare Mae Jiu 76:10

Kate fagnafa aridi sagho nodi diꞌatadi nou mae naoka are, mare ginauna kafe ghatho tahu nigho iagho. Tutuani, neubane au neu katha vido fadiadiꞌa ka mare, tuana ginauna ari huiu ngala ka mare.

Matiu 22:17

Eghume, chekeni ka ghehati unha te ghathoni iagho na. Ba, ghema, keliu ngala te foli takis tahati ka Sisa na? Ba theo?” Sisa gne king biꞌo gna Rom.

Mae Khuru 25:11

Jame eni tutuani iara kaisei glepo te diꞌa nabagna te mala lehe na, iara ginauna theome tangomana te karha kau glehe na. Nu te theome tutuani fathoro te edi ranghi ghau iara hatimare mae Jiu igre, theo kaisei naikno te au nogna nolaghi te mala snakre lao ghau iara ka mare na. Theo! Eghume iara magnahagheni thegna mae funei biꞌogna Rom te mala fate ghau na!”

Mae Khuru 25:13

Keha narane ke leghugna igne, mae King Agripa repa greghagna Benis ne tei sighoni mae Festas Sisaria.

Mae Khuru 27:1

Kate doglohi te mala tei ghehati Itali na, mare ne snakre laoni mae Pol baludi keha mae sosolo langau ka khamegna kaisei mae funei biꞌodi hatimare mae armi. Mae igne nogna soldia mae funei biꞌogna Rom, nanghagna na mae Julias.