Mae Khuru 25:11 - Buka Blahi Ka Cheke Holo

¹¹ Jame eni tutuani iara kaisei glepo te diꞌa nabagna te mala lehe na, iara ginauna theome tangomana te karha kau glehe na. Nu te theome tutuani fathoro te edi ranghi ghau iara hatimare mae Jiu igre, theo kaisei naikno te au nogna nolaghi te mala snakre lao ghau iara ka mare na. Theo! Eghume iara magnahagheni thegna mae funei biꞌogna Rom te mala fate ghau na!”

Mae Khuru 25:11 ပူးပေါင်းရင်းမြစ်များ

Mae Khuru 28:19

Nu mae Jiu di Jerusalem re mare theome magnahagheni tuana. Eghume iara toredi mare mala mei fate ghau iara agne ke ulugna mae funei biꞌo gna Rom. Nu iara theo kaisei glepo nate fathoro lao ranghidi nogu mavitu na.

Mae Khuru 26:32

Eghuteuna mae King Agripa ne cheke eghu ka mae Gavana Festas, “Jame theome toreni mae funei biꞌogna Rom gne te mala fateni mana na meuna, tahati tangomana te snakre teini te mala snagla mana na.”

Mae Khuru 25:25

Nu ka gaoghathogu iara na, mae igne theome eni kaisei najafra nabagna te mala fate faleheni na. Nu mana magnahagheni mae funei biꞌogna Rom te mala fateni na, eghume iara neke ghaoghatho mala kuru teini mana Rom.

Mae Khuru 25:21

Nu mana neke tore ghau iara mala reireghiniu ngala agne Sisaria. Mana magnahagheni mae funei biꞌogna Rom te mala fateni na. Aonu iara neke chekedi hatimare mae soldia mala reireghi fakelini mana ghilei tangomana iara te kuru teini mana ka mae Funei Sisa mae biꞌogna Rom.”

Ululahu Tesalonika 2:15

Mae Jiu tuare neke faleheni noda Lord Jisas nei hatimare mae profet. Eghuteuna mare jaola huhuru ghita mala jifla ka namono tuana. Mare theome keli ranghini God, eghuteuna mare nodi naoka naikno te gnafa.

Mae Khuru 25:10

Mae Pol ne cheke eghu ka mana, “Theo! Iara gognaro na kegra ke ulumu iagho agne ka nogna fate mae funei biꞌogna Rom. Eghume igne ngala namono nabami ghotilo te mala fate ghau iara na! Iagho laseni igne eigna iara theome eni kaisei najafra ranghidi hatimare mae Jiu.

Mae Khuru 22:25

Kate haru mala purini mana teu mare na, mae Pol ne cheke eghu ka kaisei mae biꞌodi mae armi te kegra teu rhegna mana na, “Ba, doglou ngala ka vetula na si ghotilo te puri ghau iara maegu Rom gnea, kate theome fate ghau nga teu iara na?”

Mae Khuru 18:14

Mae Pol ne thogra cheke tughuni igne, nu mae Galio ne cheke eghu ka mae Jiure, “Jame eni mae igne kaisei puhi te diꞌa fara, ba kaisei najafra biꞌo iara jame magnahaghei fanomho ka ghotilo.

Mae Khuru 16:37

Nu mae Pol ne cheke eghu ka mae pulisire, “Tore! Ghepa maemi Rom, eghuteuna mare theome hata ghami ghepa ka fate. Theo kolho. Mare fiti puri ghami ghepa ke uludi naiknore, nei koko lao ghami ka suga sosolo. Eghuteuna gognaro na mare magnahaghei te megei nga te hata fajifla ghami ghepa. Theo tuana! Keliu mala mei mare thedi hata fajifla ghami ghepa ka suga sosolo gne.”

Thoutonu Eigna Mae Job 31:21

Jame te ei fagaglana iara ka khamegu na te mala tutidi iheire te theo kmadi, naugna iara laseni mae mala fate igne mana na phile balugu iara ka fate na,

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Josua 22:22

“Lord kolho te thofno God na! Lord, God mae ihei te au nolaghi fateote'o igne, mana tangomana te lasedi unha te edi ghehati re! Eghuteuna ghotilo tangomana te laseni jame te huhughuni ghehati Lord, nei theome fatutuani ni mana teuna, jame te keli na ghotilo falehe ghami ghehati kolho!

Profet Jeremaea 37:18

Eghuteuna mae Jeremaea neke ghusna eghu, “King, naugna unha sagho te snakredi mare te lilisei ghau iara ka sosolo gnea? Eigna iara theome eni kaisei najafra ranghi nigho iagho, ba ranghidi hatimare nou mae ofisa iagho igre, ba eni kaisei najafra ranghidi naikno te au ka namono igne. Cheke te gnafa te chekedi iara igre thofno tutuani fara.

Mae Khuru 25:12

Ke leghugna tela kulu chekehi baludi nogna mae mala farirhiu re, mae Festas ne cheke eghu ka mae Pol, “Iagho magnahagheni mae king biꞌogna Rom te mala fate nigho na, keli fara, ghehati ginauna na hata tei nigho ka mana!”