Mae Khuru 24:5 - Buka Blahi Ka Cheke Holo

⁵ “Eghume te filo glanini ghehati na mae igne kaisei mae mala eꞌei puhi ke lamnadi mae Jiu gre heva heva ka nauthoglu igne. Mana kaisei mae mala baubatu ka tothoghei gna Nasaret.

Mae Khuru 24:5 ပူးပေါင်းရင်းမြစ်များ

Mae Khuru 28:22

Nu ghehati magnahaghei nomhidi nou gaoghatho iagho re. Naugna ghehati laseni naiknodi namono te gnafa igre cheke faparini koba tothoghei te au iagho tagna igne.”

Mae Khuru 24:14

Nu te chekeni iara ka iagho na igne. Iara thofno leghuni puhigna mae Jisas ngala. Nu puhi igne theome doglo ka hatimare mae Jiu. Iara pogho soruni nodi God mae ku'emi ghehati ra ka puhigna mae Jisas igne. Nu iara fatutuanidi la gobigna lepo teke risodi mare ka nogna vetula mae Moses nei ka nodi buka hatimare mae profet.

Mae Khuru 26:5

Mare lase ghau iara funu tifa. Jame te magnahagheni mare na, mare tangomana te chekeni ka iagho eigna iara gne neke kaisei mae Farasi keli. Ghehati mae Farasi gre thono heta fara te mala leghuni nogna vetula God na uludi keha tothoghei mae Jiure.

Mae Khuru 15:5

Nu keha naikno khiloau teke au ka mae tothoghei Farasire, kegra haghe ne cheke eghu, “Iheire te theome Jiu nabadi te kulu tohi fagaglana ame mei nga mare ke lamna khiloau. Tahati farirhiudi mala leghuni mare nogna vetula mae Moses!”

Ululahu Korin 4:13

Eghuteuna kate cheke fadiꞌa ghami naiknore, ghehati cheke ranghidi glepo te keli. Naiknore filo ka ghehati na jateula chara eghu kolho. Uve, mei te posa gognaro gne ghehati theo nafumi kolho ka gaoghathodi naiknore.

Mae Khuru 21:28

Mare ne eha eghu fabiꞌo, “Ghotilo maemi Israel, togho ghami ghehati! Mae igne tei tongana heva heva cheke fapari ghita tahati nei farirhiudi naiknore mala thosei leghuni nogna vetula mae Moses na, nei cheke faparini noda Sugablahi tahati igne. Eghuteuna gognaro na mana la fatothona Sugablahi gne, naugna mana hata la mei keha mae Griki la ruma ka Sugablahi gne!”

Mae Khuru 5:17

Aonu mae pris biꞌo na nei mae kheragna te gnafare, iheire te au ka kaisei tothoghei mae te kilodi Sadiusi, ne goghotudi fara mae khurure. Naugna kmana naikno magnahaghedi fara mare.

Luku 23:2

Kate posa jare na, mare ne funu vuavuha cheke eigna mae Jisas. Mare ne cheke eghu ka mae Paelat, “Ghehati lasenihi puhigna mae igne, mana batu fadiꞌadi nei chaghidi naiknore mala thosei foli takis ka Sisa, king biꞌogna Rom. Mana jaola kiloni thegna ‘Kraes’, kaisei mae king biꞌo.”

Ululahu Pita 2:19

Jame te fiti para ghami mare kate theo nafugna na, nu ghathoni God ghotilo me kegra maku teuna, God ginauna na fablahi ghami ghotilo.

Ululahu Korin 11:19

Uve, keli ka ghotilo te fnota ka phei tothoghei ka khiloau na mala laseni ihei te thofno leghuni cheke te tutuani na. Phei tothoghei igre theome nodi tothoghei mae te dedei nei mae te khuma eghu nu nodi tothoghei iheire te thofno nomhini chekegna God na ba iheire te tirodi nomhini chekegna mana na.

Mae Khuru 22:22

Naiknore fanomho neu ka mae Pol ne ghilei chekeni mana igne. Aonu naiknore ne funu eha fabiꞌo eghu, “Faleheni! Mae igne theome nabagna te karha!”

Mae Khuru 6:13

Eghuteuna mare hata ne mei keha mae mala chaghi eigna mae Stivin. Mare ne cheke eghu, “Mae igne ne cheke faparini koba noda Sugablahi tahati igne nei cheke faparini la noda vetula tahati gne.

Luku 23:25

Mae Paelat ne hata fajifla ka mare mae Barabas te au ka suga sosolo na. Eghuteuna mana ne lisa laoni mae Jisas ka mare mala leghuni unha te magnahagheni mare na.

Luku 23:19

Mae Barabas gne kaisei mae sosolo, naugna mana neke fufunu kaisei magra ka namono biꞌo na. Mana jaola khale ka falehe naikno.

Luku 23:5

Naiknore ne cheke faheta fara ka mae Paelat, “Nu mae igne edi kmana puhi biꞌo ka nogna farirhiu te edi mana heva heva agne Judia ke lamnadi naiknore. Fufunu ka Provins Galili ghilei thoke agne Jerusalem.”

Matiu 10:25

Mae sikolu na nabagna te mala jateula nogna mae velepuhi na teuna, nu mae gloku na nabagna te mala jateula nogna mae funei na teuna. Nu keha naiknore kilo ghau iara Bielsebul, kaisei nanghagna mae Satan. Nu te cheke eghu mare ka iara nomi mae funei ghotilo na, mare ginauna na eghu la cheke fadiꞌa ghami ghotilo ke tulao gu iarai.”

Profet Emos 7:10

Aonu Amasaea mae ihei te pris ka namono Betel, mana ne fatei ripot eigu iara ka King Jeroboam mae ihei te king Israel. Ripot igne cheke eghu, “Mae Emos gne gognarona salo fodu mei naiknore mala ei puhi ranghi nigho iagho. Nogna cheke re, mana ginauna thofno goigoni ni noda kantri tahati igne.

Profet Jeremaea 38:4

Aonu mae biꞌo igre tei ne filoni mae king ne cheke eghu ka mana, “Mae igne nabagna te lehe! Nogna cheke mana igre faglaꞌedi fara gaoghathodi noda mae soldia tahati te au teu baludi keha naikno igre. Mae igne theome fariuriu toghodi kolho naikno igre, theo, mana magnahaghei te goigonidi kolho naiknore.”

Nogna Buka Esta 3:8

Aonu mae Haman tei ne cheke eghu ka king, “King Sekses, keha tothoghei naiknore au tafri ke lamnagna kantri te funei frunini iagho igne, nei ka provins te gnafa teu igre. Nodi kastom nei puhidi teure nhogri fara ka nodi kastom nei puhidi teu keha naikno te au igre. Naikno igre theome leghudi vetulagna nou kantri iagho igne. Eghume jame te snakredi iagho naikno igre te au teu agne na, igne ginauna na theome togho nigho iagho, nei jaola, na theome toghoni nou kantri iagho igne.

Profet Jeremaea 37:13

Nu kate posa lao mana ka grengathagna bara te kiloi mare, Nogna Grengatha Benjamin teu igne, kaisei nodi komanda mae soldia te mala reireghigna grengatha igne, ne lokini mana. Nanghagna mae komanda igne, mae Iraeja, thugna mae Selemaea, thugna mae Hananaea. Mae Jeremaea theome jifla ngau kosi, nu mae komanda igne fasnotoni mana ne cheke eghu, “Hei! Iagho rikha ghami ghehati mala tei au baludi mae Babilonia!”

Nonomho Te Keli Teke Risoi Mae Mak 1:24

“Jisas, mae gna Nasaret, mala faꞌunha ghami ghehati neku sagho ia? Iagho jau mala mei fadiꞌa ghami ghehati neku sini! Iara lase nighohi iagho thofno mae blahi nogna God!”

Mae Khuru 24:4

Nu iara theome magnahaghei te cheke brahu, na eghunu ghilei hongo nigho iagho eghu. Iara tore nigho mala keli ranghi ghami nei fanomho eghu iagho ka nomi cheke igre.

Mae Khuru 25:7

Kate thakle mei mae Pol ka chogho mala fate na, hatimare mae Jiu teke soru mei funudi Jerusalem re mare lao ne kegra faligohoni mana. Mare ne funu fathoro kmana glepo te diꞌa ranghini mae Pol. Nu mare theome tangomana te cheke thakleni kaisei glepo te tutuani.