Mae Khuru 24:27 - Buka Blahi Ka Cheke Holo

²⁷ Nu mae Filiks ne liliseini mae Pol mala au mana ka suga sosolo, naugna mana magnahaghei te keli tadi hatimare mae Jiu. Nu ke leghu phei finogha, mae Posias Festas neke tughuni mae Filiks mala gavana ka provins tuana.

Mae Khuru 24:27 ပူးပေါင်းရင်းမြစ်များ

Mae Khuru 25:9

Nu mae Festas magnahaghei te keli tadi hatimare mae Jiu ne ghusna eghu ka mae Pol, “Ba, iagho magnahaghei te haghe Jerusalem mala kegra ke ulugu iara jare ka fate sia?”

Mae Khuru 25:14

Repa au jare keha narane, eghuteuna mae Festas ne cheke eigna mae Pol ka mae king. Mana ne cheke eghu, “Kaisei mae au agne ka suga sosolo, mae igne neke koko lao mae Filiks ka sosolo tifa.

Mae Khuru 12:3

Eghuteuna kate filoni mae Herod te keli tadi mae Jiure ka puhi te eni mana igne, mana ne magnahaghei loki nila mae Pita. Aonu, mare lokini mae Pita ka narane Gaghamu gna Bret te Theo Isi gna na ne koko laoni mana ka suga sosolo. Eghuteuna mae Herod ne lisa laoni mae Pita ka khamedi nabotho namno mae soldiare mala reireghini mana. Mae Herod ne magnahaghei hatani mae Pita mala fateni mana ke uludi naiknore ke leghugna Gaghamu Ghasa-Polho na.

Mae Khuru 25:1

Thilo narane ke leghugna te kegra gavana mae Festas ka provins igne, mana ne jifla Sisaria ne haghe thoke Jerusalem.

Nonomho Te Keli Teke Risoi Mae Mak 15:15

Mae Paelat magnahaghei te keli tadi naiknore ne hata fajiflani mae Barabas. Eghuteuna mae Paelat ne chekedi mae soldiare mala purini mae Jisas. Aonu mae Paelat ne snakre laoni mae Jisas mala tupijuru ka gaju fafatha.

Galesia 1:10

Ghotilo laseni, iara gne theome fariuriu mala keli tadi naiknore ka iara. Theo! Iara fariuriu mala keli tagna God ka iara. Jame tutuani me cheke famaemahedi nei muamugnadi eghu iara naiknore na, iara theome tangomana te nogna gloku mae Kraes na.

Mae Khuru 26:32

Eghuteuna mae King Agripa ne cheke eghu ka mae Gavana Festas, “Jame theome toreni mae funei biꞌogna Rom gne te mala fateni mana na meuna, tahati tangomana te snakre teini te mala snagla mana na.”

Proveb 29:25

Jame te mhaghuni iagho keha naikno na, namhaghu iagho igne jateula phighoro eghu haru famaku nigho. Nu te fatutuani heta iagho ka Lord na, iagho ginauna au fakeli.

Mae Khuru 28:30

Mae Pol ne au phei finogha thongana ka suga teke foli thegna te mala aughu na. Leuleghu fata na mae Pol ne keli tagna fara ka naikno te mei sighoni re.

Mae Khuru 25:4

Nu mae Festas ne cheke eghu ka mare, “Theo! Mae Pol la auhi ka sosolo Sisaria. Iara thegu ginauna nake pulo jare thogheiro.

Mae Khuru 23:35

Eghuteuna mae gavana ne cheke eghu ka mae Pol, “Kate mei agne mae te tirodi nigho iagho re, iara ginauna na nomhini nou cheke iagho na.” Ke leghugna igne, mana ne cheke ka mae soldiare mala hata teini mae Pol nei reireghi fakelini eghu mana ka suga biꞌo te au mae gavana teke hohoro mae King Herod na.

Eksodas 23:2

“Kate tei ka fate na, ghotilo chekeni koba ngala unha te tutuani na, neuba naikno kmana ne kafe phile ka unha te diꞌa na, ghotilo kegra maku ngala ka unha te tutuani na.

Profet Jeremaea 38:13

eghuteuna mare neke korho fajiflani mana kosi. Mare athani mana ne tei lilisei ka vido aheva te au hatimare mae soldia te reireghi gna nogna suga mae king na.