Mae Khuru 24:25 - Buka Blahi Ka Cheke Holo

²⁵ Nu mae Filiks ne mhaghu nogna fara kate chekeni mae Pol eigna nakarha te doglo, nei puhi te mala reireghi fakelini nakarhada na, nei narane God nate fatedi naikno te gnafare. Aonu mae Filiks ne cheke eghu ka mae Pol, “Ghema, la kelihi, tei silagho. Jame au vido te snagla meuna, iara ginauna nake kilo nigho iagho.”

Mae Khuru 24:25 ပူးပေါင်းရင်းမြစ်များ

Jone 16:8

Eghuteuna, kate mei mae mala totogho na, mana ginauna falalase fakeli ka naiknogna nauthoglu igne eigna nakhibo, eigna ihei te doglo ke ulugna God na, nei eigna ihei God nate fateni na.

Ululahu Pita 3:15

Nu te keli na ghotilo lisa lao ghami themi fabrahu ka mae Kraes nomi Lord. Eghuteuna leuleghu fata na ghotilo tarabana mala cheke tughudi naikno te ghusna ghami eigna unha te fatutuani ni ghotilo mae Kraes na.

Fapea Pita 1:6

Ghotilo reireghi fakelidi thinimi are, kegra heta neubane mei narane te ninhigrana, eghuteuna eni leghuni puhigna God te keli.

Galesia 5:23

amama nei thosei leghuni unha te magnahagheni thini kolho. Theo kaisei vetula te cheke faparidi naikno te edi glepo te keli igre na.

Mae Khuru 10:42

Eghuteuna mana neke cheke faheta ka ghehati, mala cheke thakleni ghehati u Nonomho te Keli igne ka naikno te gnafare, nei chekeni ka naiknore mana ngala teke vavahi God te mala fatedi naikno te karha nga teu, ba naikno tela kulu lehehi.

Ululahu Jone 3:7

Uve thuguro, thosei snakreni kaisei naikno mala batu ghami ka puhi te diꞌa! Ihei te eni unha te doglo na mana doglo fara, jateula mae Kraes te doglo fara.

Jemes 2:19

Nu te laseni iara na, keha naikno ka ghotilo cheke eghu koba, “Ghehati fatutuani ni kaisei God ngala.” Nu te chekeni iara na, naiture jaola fatutuani ni kaisei God. Nu fatutuani igne theome mala fakarhidi mare. Eghuteuna kate nomhini mare nanghagna God na, mare thono mhaghu nodi fara.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Hibru 4:1

Tutuani fara, God neke nhaꞌa soru nhaꞌa cheke igne mala tei gnafa tahati balugna mana. Eghume fiofilo ghitai eghu, na eghunu keha ka ghotilo theome ari thokeni namono mala gnafa na jateula mae Israel tifa ra eghu.

Hibru 3:13

Nu fari totoghoi leghu narane. Eni igne gognaro kani au nomi narane ngau ghotilo, mala theo kaisei naikno te dofu nei meglini eghu naoglagna God na ka nogna chaichaghi mae Satan, mae ihei te batudi nagnafada ka nakhibo.

Galesia 3:22

Nu igne theome tutuani, naugna u grioriso te blahi na cheke eghu, “U gaoghatho te mala eni nafnata puhi te diꞌa na funei frunidi naikno te gnafa ka nauthoglu igne.” Naugna igne tahati naikno te fatutuani ni mae Jisas Kraes ra ngala te tangomana hatini unha teke nhaꞌa chekeni God ka naikno te fatutuani re.

Fapea Korin 5:10

Tahati laseni, tahati te gnafa na ginau ari kegra ka fate ke ulugna Kraes. Mana ginauna taba ghita hui, leghuni unha teke eni tahati ka nakarhada na kau nauthoglu igne, te keli ba te diꞌa.

Ululahu Jone 3:10

Eghume tahati lasedihi iheire te thugna God nei iheire te thugna mae Satan. Iheire te theome eni unha te doglo na theome thugna God. Eghuteuna ihei te theome namhani kheragna fofodu na mana theome thugna God.

Fapea Timoti 4:1

Iara cheke fajiflani cheke igne ka ghotilo ke ulugna God nei ke ulugna mae Jisas Kraes. Mana ginauna fatedi naikno te gnafa te karha nga teu ba tela lehehi. Naugna mae Kraes ginauna nake pulo mei mala funei frunidi jateula mae King eghu tifa tifa, iara cheke heta ka iagho

Fapea Korin 6:2

Eigna God neke cheke eghu, “Ka vido narane te mala togho ghami na, iara neke nomhi ghami ghotilo. Ka narane te mala fakarhi ghami na, iara neke togho ghami ghotilo.” Filo si ghotilo! Gognaro gne vido narane God te mala nomhi ghami ghotilo na, eghuteuna gognaro gne u narane God te mala fakarhi ghami ghotilo na.

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Mae Khuru 24:15

Iara fatutuani jateula te edi mae igre eghu, eigna naikno te gnafa, te keli ba te diꞌa, ginauna nake karha fapulo ka glehe.

Mae Khuru 17:32

Kate nomhini naiknore ka mae Pol eigna God teke fakarha fapuloni kaisei mae kau glehe na, keha naiknore ne maꞌe ka mae Pol. Nu keha mae ne cheke eghu, “Ghehati magnahaghe nigho iagho mala ke toutonu eigna igne thogheiro.”

Mae Khuru 17:2

Mae Pol ne tei tarai baludi mare jateula te eni koba thegna na neu. Leuleghu narane Sabat nabagna thilo wik, mae Pol ne toutonu ka mare eigna u grioriso te blahi na.

Mae Khuru 2:37

Kate nomhini naiknore unha te chekedi mae Pita igre, mare ne diꞌanagnafadi fara ne cheke eghu ka mae Pita nei ka keha mae khurure, “Kheraguro, na fanefou si ghehati ia?”

Hibru 6:2

nei eidi puhi apublahi nei eigna taofi nei eigna kegra fapulo ka karha, nei eigna u fate ka narane leghu lahu.

Profet Hagae 1:2

Lord mae ihei te au nolaghi na, ne cheke eghu ka mae Hagae, “Naiknore chekeni te theome thoke ngau narane te mala fakegra fapulo nogu Sugablahi iara na.”

Profet Habaku 3:16

Iara nomhidi gobigna lepo teke edi iagho igre ne thono bobolo nogu fara balu mhaghu ne fififri foflogu na. Ghahegu nei khamegu teure kafe glaꞌe soru theome tangomana te kegra haghe na. Nu te laseni iara na, iagho Lord ginauna mei mala paradi iheire te mei goigoni ghami ghehati igre. Eghume iara au kmu ofoniu narane igne.

Profet Emos 6:12

Hose na theome tangomana te chari ke kligna phegu, eghuteuna naikno na theome tangomana te joꞌu gano lamna thongna. Nu ghotilo tughu puhi te doglo na ka puhi fameomekro, eghuteuna tughu puhi te famane na mala ke jaola ke tughu ka glepo te raha mala ke diꞌa fara salaꞌui.

Profet Emos 5:24

Nu iara magnahaghei ghami ghotilo te edi puhi te keli, nei doglo teu igre, eghuteuna puhi igne ginauna au fabrahu ka ghotilo jateula khoꞌu te theome tangomana te moja ra eghu.

Profet Hosia 10:12

Iara cheke ka ghotilo naiknomi Israel nei Juda mala lilisei ghotilo puhi te diꞌa te edi ghotilore. Eghuteuna ghotilo mala ke leghuni puhi te doglo na mala tarai tutuani ka iara jateula mae ihei te loku ka nagare majaghani te joꞌu gano te karha nei ure teu ra eghu. Gognarogne nomi narane ghotilo mala ke pulo mei ka iara nomi Lord nei nomi God eghuteuna mana ginauna fablahi ghami.

Profet Hosia 10:4

Mare edi kmana nhaꞌa cheke chaichaghi, nei fiti fatei cheke ka keha kantri delei. Mae Israel gre la kokohi puhi te doglo na la leghuni kolho puhi te diꞌa na. Mae igre jateula gnarho khori te mala falehe sasa te kotu haghe ka nagare ra eghu.

Profet Hosia 7:5

Ka narane te eni king gaghamu na baludi nogna tothoghei funei na, mare koꞌu thaviru baludi mae te diꞌare ghilei fanoinoli tafri.

Profet Daniel 12:2

Eghuteuna kmana naikno teke lehe tifa ra ginauna nake karha fapulo. Keha ka igre ginauna gleale'a fara kau nakarha te au fabrahu te tifa te tifa igne. Nu keha ka igre ginauna na mamaja nodi fara, eghuteuna na au papara fabrahu tifa tifa.

Profet Daniel 4:27

Eghume king, iagho te leghu fakelidi nogu cheke iara igre. Iagho thosei ke edi puhi te diꞌa teke edi iagho ra. Iagho kokhonidi iheire te kuma nei eni ranghidi unha puhi te doglo. Jame te eghu iagho na, iagho ginauna na au fakeli eghuteuna unha te edi iaghore ginauna na thofno keli fara.”

Profet Esikiel 45:9

Lord God ne cheke eghu, “Iara Lord God te chekeni igne: Ghotilo mae iheire te funei fruni Israel ra, raugha fara te tapla jafra ghotilo ka nakhibo na. Nabahi! Ghotilo lilisei puhi te paradi, nei goigonidi teu ghotilo naiknore igne. Ghotilo mala edi kolho unha puhi te keli nei doglo. Ghotilo thosei huhurudi nogu naikno iara gre mala jifla ka nodi namonore. Igne nogu cheke iara Lord God.

Profet Jeremaea 23:29

Chekegu iara na jateula khaꞌaghi nei jateula hama biꞌo te mala tuge thina biꞌo te nghuja ra eghu.

Profet Isaia 61:8

Lord ne cheke eghu, “Iara Lord magnahagheni fara puhi te doglo na, nu iara tiroguni fara puhi te blau, ba te edi puhi te diꞌa. Naugna puhigu iara na thofno doglo fara, iara ginauna fablahidi nogu naiknore. Eghuteuna iara ginauna eni kaisei nhaꞌa cheke baludi, nhaꞌa cheke igne ginauna au fabrahu.

Profet Isaia 55:6

Ghotilo figri ka Lord! Mana gognarona au balumi ghotilo, eghume ghotilo tarai ka mana.

Profet Isaia 41:21

Igne chekegna Lord nomi king ghotilo vikegna mae Jekop. Mana neke cheke eghu, “Ghotilo nodi god keha kantri ra, ghotilo mei ka nogu fate iara igne mala cheke mei nomi chekere. Kaikaliti fakeli nomi chekere mala cheke fajifladi ka fate igne.

Profet Isaia 32:11

Ghotilo goro gaꞌase te au fakeli gognaro igre ginauna mhaghu nomi nei nanga nomi eghu. Eghuteuna ghotilo ginauna koko nomi famane pohe are mala pipichi ka pohe te thona mala tanhi nei diꞌanagnafa eghu.

Profet Isaia 16:5

Aonu ka narane igne, kaisei mae king majaghani ginauna karha mei ka vikegna mae King Devet. Mana ginauna ghatho tahudi fabrahu nogna naiknore, eghuteuna naiknore ginauna fatutuani ni mana. Mana ginauna ghosei eni glepo te keli na, eghuteuna mana na fatedi naiknore ka puhi te doglo.

Profet Isaia 1:21

Ghotilo naiknomi Jerusalem! Tifa na ghotilo neke leghuni fara chekegna Lord na, nu gognarona ghotilo tiromini mana jateula gaꞌase vine te tirognani khetogna na ia eghu. Ulu lahu na puhidi naiknogna namono igne neke doglo fara, nu gognarona mare la thofno diꞌa fara. Tutuani, naikno te falehe naikno igre la jaola kmana fara.

Hibru 12:21

Tutuani fara, kate filodi glepo igre, mare ne mhaghu nodi fara. Tulao mae Moses mhaghu ne cheke eghu, “Iara mhaghu nogu ne fififri fara.”

Letas Teke Riso Tei Mae Pol Ka Khiloau Rom 14:12

Eghume kheraguro, tahati te gnafa na ginauna mala cheke thakledi puhidare ka God.

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Letas Teke Riso Tei Mae Pol Ka Khiloau Rom 2:16

God ginauna tusu lao nolaghi ka mae Jisas Kraes mala fatedi naikno te gnafare. Mana ginauna fatedi, kehare na fate fadoglodi nei kehare mala fate falehedi. Igne ginauna thoke mei ka narane God nate fatedi gobigna lepo te poru teku ke lamnadi naiknore. Eghuteuna igne leghuni u Nonomho te Keli te toutonuni iara gne.

Mae Khuru 26:28

Mae King Agripa ne cheke eghu ka mae Pol, “Ba, iagho fariuriu ghau iara ka vido kmoꞌei igne mala nogna naikno mae Kraes sia?!”

Mae Khuru 17:13

Nu kate nomhini mae biꞌodi Jiu te au Tesalonika te toutonuni mae Pol chekegna God Berea na, mare jifla Tesalonika ne tei thokela Berea. Mare faꞌeiꞌeidi naiknore mala diꞌa tadi ka mae Pol ghe mae Silas.

Mae Khuru 9:6

Kegra haghe sagho mala tei ka namono gno. Kaisei mae jare ginauna na cheke ranghi nigho iagho unha te mala eni iagho thogheiro na.”

Matiu 22:5

“Nu naiknore tirodi fanomho fakeli ka mae glokure. Mare sopa tei ne edi nodi glokure. Kaisei mae tei loku ka nogna nagare na, keha na tei hiro nogna sileni.

Profet Daniel 5:30

Nu ka bongi igne la, maedi Media mei ne faleheni mae Belsasa, king gna Babilonia.

Profet Jeremaea 22:3

Lord ne cheke eghu: Ghotilo mala leghuni kolho puhi te keli nei doglo teuna. Ghotilo toghoni mae ihei te blau mare nogna glepore igne. Ghotilo thosei chaghidi ba falehedi naikno te mei funudi ka kantri delei, ba thau tela lehehi khetodi, ba goro sua tela lehehi idodi ba kmadi. Eghuteuna ghotilo thosei fiti falehedi naikno te au ka namono igne.

Profet Isaia 66:2

Iara thegu teke vuavuhadi maloa ghe nauthoglu igre baludi gobigna lepo te au ke lamnadi. “Nu iara keli tagu fara ka nafnata mae te nhaꞌa faparini thegna igne, ba mae te diꞌa nagnafadi nakhibognare, mana thofno ghatho tahu ghau iara, eghuteuna leghuni nogu cheke iara na.

Profet Isaia 1:18

Lord neke cheke eghu, “Mei ghotilo mala fadoglini tahati glepo igne! Neuba ne jateula dadara ka pohe vegha ra neu ne ninhigrana fara atha kokodi nakhibomi ghotilore, iara tangomana te togho ghami ghotilo te mala thofno gae fara jateula khakla sipu teu ghotilo na.

Eklesiasti 12:14

Neuba tahati ne eni unha glepo te keli ba unha glepo te diꞌa na, God ginauna fatedi gobigna glepo te gnafa gre baludi glepo te poru teu.

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Eklesiasti 5:8

Thosei jaglo nou kate filodi mae biꞌo te fakokhoanadi iheire te kuma, ba fatedi ka puhi te theome doglo, ba theome snakredi mala au kau pharikeli. Mae biꞌo igre theome ghatho tahudi naikno te kuma igre, naugna mare au ke paridi nodi nolaghi mae iheire te funei frunidi. Keha mae biꞌo igre jaola edi kmana nafnata puhi te diꞌa igre, naugna mare jaola au ke paridi nodi nolaghi mae iheire te funei frunidire.

Proveb 16:12

Mae mala baubatu na theome magnahagheni puhi te diꞌa na, naugna puhi te doglo na kolho te mala kegra maku gavman na.

Nodi Khoje Hatimare Mae Jiu 119:120

Iara thono mhaghu nogu nigho fara ne ngegra thinigu na. Uve, kate ghathoni iara te fateni iagho naikno na, iara ne mhaghu nogu nigho fara.

Nodi Khoje Hatimare Mae Jiu 99:1

Lord na King! Kate funei fruni mana naiknore thono mhaghuni fara mana. Mana gnokro ka nogna sape nafnakno na fari hoteidi phei engel, eghuteuna u nauthoglu na nghali kate kilo fnaknoni mana.

Nodi Khoje Hatimare Mae Jiu 72:2

Te keli na iagho funei fruni ghami ghehati ka puhi te doglo, nei fadoglidi puhidi iheire te au ke paridi naikno te diꞌa puhidi gre eghu.

Nodi Khoje Hatimare Mae Jiu 45:7

Iagho magnahaghedi fara glepo te keli re, nu iagho theome magnahaghedi glepo te diꞌa re. Naugna igne nou God iagho na neke vahi nigho hi, eghuteuna keha mae king re theome glealeꞌa jateula iagho eghu.

Nodi Khoje Hatimare Mae Jiu 11:7

Lord na mae te doglo fara, eghume mana magnahaghedi naiknore te edi puhi te doglo re eghu. Ihei ngala te leghuni chekegna God na nate filoni tathagna mana na.

Thoutonu Eigna Mae Job 29:14

Ka narane tuana, puhi te doglo na jateula nogu pohe eghu iara, eghuteuna puhi te edi te doglo gobigna lepore igne, jateula pohe te pipichi fabrahu iara igne eghu.

Esra 10:9

Ka thilo narane igre, mae iheire teke au ka phei nohidi Juda ghe Benjamin igre ne mei Jerusalem. Ka fatilo narane, ka varadaki naranegna faheva nhigra, mae te gnafa igre ne khapru mei ne gnokro soru pari ka glalaba ke ulugna nogna Sugablahi God. Nakhete biꞌo ne soru mei ka mare, mala buebugne mare, eghuteuna mare jaola ne fififri eigna gaoghathogna teke kilodi mare teke mei ka faidu igne.

Esra 10:3

Eghume gognarona tahati na eni kaisei nhaꞌa cheke ka noda God mala kuru fapulodi gaꞌase bongihehe igre balu thudi mala ke pulo ka namonodi re. Uve, tahati ginauna edi unha te cheke ranghi ghami iagho nei mae iheire te ghatho tahudi nogna nhaꞌa cheke noda God igre. Eghuteuna tahati ginauna jaola leghudi unha te chekedi ka nogna Vetula God ra.

Fapea Kings 22:19

Iagho neke diꞌanagnafa nei nhaꞌa fapari nigho themu neku ke ulugna Lord kani teke nomhini iagho teke cheke faparini Jerusalem nei naikno gna ra. Iagho neke tanhi ke ulugu iara eidi nakhibomu re, eghuteuna iagho neke rerheku nou pohere kate nomhini iagho eigna namono igne ginauna groꞌe teuna. Tutuani fara, iara la nomhidihi nou tharai ghotilo ra.

Ululahu Kings 21:27

Kate nomhini King Ehab nogna cheke mae Profet Elija igre, mana diꞌanagnafa gna fara ne rerheku nogna pohe na. Eghuteuna mana ne pipichi kolho ka pohe te thona kolho. Mana tirogna ghamu ne nolo tafri balu diꞌanagnafa.

Fapea Samuel 23:3

Noda God tahati maeda Israel, mana neke cheke. Nodi Thina rheta mae Israel, mana neke cheke eghu ka iara, ‘King igne mana funei frunidi naiknore ka puhi te doglo, nei ka puhi te ghatho tahuni God,

Ululahu Samuel 12:7

Gognarona, tahati kegra ke ulugna mana, eghuteuna iara magnahaghei ghita tahati te mala ghatho fakelidi gloku biꞌo teke fakarhi ghita, funu ka narane di kuꞌeda tifa ra te ghilei mei posa ka narane gognarogne.

Mae Khuru 24:26

Mae Filiks jaola rouronu ka mae Pol glahula tusu ranghini keha sileni mala foli nogna nasnagla. Aonu kmana fata mae Filiks toreni mae Pol mala tei toutonu balugna.

Profet Jeremaea 36:16

Kate nomhidi cheke igre, mare mhaghu nodi ne cheke eghu ka mana, “Ghehati ginauna fathoke lao cheke igre ka king.”

Taetus 1:8

Nu mana kaisei mae mala namhadi nei reireghidi eghu keha naikno te mei ka sugagna mana re. Mana kaisei mae mala magnahaghe te edi koba glepo te kelire. Nu mana kaisei mae mala reireghini thegna. Nogna gaoghatho mana re mala doglo koba nu puhigna mana re mala keli fara ke ulugna God nei edi koba unha glepo te magnahaghedi God re. Mana theome mala u nafnata naikno te snakreni u thinigna thegna na te mala funei frunini u nakarhagna na.