Mae Khuru 24:15 - Buka Blahi Ka Cheke Holo

¹⁵ Iara fatutuani jateula te edi mae igre eghu, eigna naikno te gnafa, te keli ba te diꞌa, ginauna nake karha fapulo ka glehe.

Mae Khuru 24:15 ပူးပေါင်းရင်းမြစ်များ

Profet Daniel 12:2

Eghuteuna kmana naikno teke lehe tifa ra ginauna nake karha fapulo. Keha ka igre ginauna gleale'a fara kau nakarha te au fabrahu te tifa te tifa igne. Nu keha ka igre ginauna na mamaja nodi fara, eghuteuna na au papara fabrahu tifa tifa.

Thakle 20:6

Naikno teke kulu fakarha fapulodi God kau glehe igre mare keli tadi fara, naugna mare ginauna na theome papara kate kafe papara naikno te diꞌare kau khaꞌaghi te theo ka gnafagna. Mare nogna naikno blahi God. Mare ginauna jaola mala nogna mae pris God nei nogna Kraes, eghuteuna mare ginauna funei fruni balugna Kraes kaisei thogha finogha.

Filipae 3:21

Eghuteuna mana ginauna tughu thinida tahati te diꞌa gre mala jateula thinigna thegna te au kligna na eghu. Mana tangomana te eni igne naugna mana au nolaghi te biꞌo. Eghuteuna ka nolaghi te biꞌo tuana mana ginauna funei frunidi gobigna lepo te au ka nauthoglu igne.

Mae Khuru 24:21

Nu igne kaisei glepo teke chekeni iara ke uludi mae mala fate re, ‘Ghotilo fate ghau iara gognaro gne naugna te fatutuani iara na, God ginauna nake fakarha fapulodi naikno teke lehehi ra!’ Jame cheke igre ngala mare te magnahaghei fate ghau iara na.”

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Luku 14:14

Te eghu iagho na, iagho tangomana te gleale'a na. Naugna neubane theome ke tughuni mare gaghamu teke eni iagho tuana, God ginauna nake tughu fapuloni ka iagho, kau narane nate kegra fapulodi naikno te kelire.”

Jone 11:24

Mafa ne cheke eghu ka mana, “Iara laseni mana ginauna nake karha fapulo ka narane mala karha fapulodi naikno te gnafare kau narane leghu lahu na.”