Mae Khuru 23:3 - Buka Blahi Ka Cheke Holo

³ Mae Pol ne cheke eghu ka mae Ananias, “God ginauna tapo nighola iagho! Iagho jateula kaisei gringni tela diꞌahi eghuteuna ke peda vegha kolho teu ia eghu! Gnokrou sagho jare mala fate ghau iara leghuni u vetula na. Nu iagho themu na huhughu nila vetula na, naugna blahi fara ka vetula na te chekedi iagho mae igre te mala mei tapo ghau iara na.”

Mae Khuru 23:3 ပူးပေါင်းရင်းမြစ်များ

Jone 7:51

“Nu noda vetula tahati ia, theome keli te fateni naikno na kate theome nomhini teu mana na. Tahati na theome fateni mana ghilei laseni ngau tahati unha puhi teke eni mana na.”

Profet Emos 5:7

Ghotilo mae iheire te paradi naikno te doglo puhidira, eghuteuna ke tughu ka puhimi themi te diꞌare teura, fanomho mei ka iara!

Eklesiasti 3:16

Iara filoni kaisei glepo te thono diꞌa fara ka nauthoglu igne. Kate fateni naikno na, keha mae mala fate igre keha fata mare theome leghuni puhi te doglo na. Mare leghuni kolho puhi te diꞌa na.

Nodi Khoje Hatimare Mae Jiu 94:20

Iagho tiroudi fara hatimare mae funei te diꞌa fara puhidire. Uve, iagho hongo nigho fara ka hatimare mae funei te mala eni kaisei vetula mala huhurudi naiknore mala leghuni vetula igne. Nu vetula igne theome raꞌe keli kolho eghu.

Levitikas 19:35

“Ghotilo thosei chaghini ihei kate sabiri iagho kaisei glepo na. Ghotilo thosei skel ba fananaba glepo tuana ka puhi te diꞌa.

Levitikas 19:15

“Kate fateni ghotilo kherami na ka kot, ghotilo fateni mana ka puhi te doglo. Jame kaisei mae kuma tei ka kot, ghotilo thosei kaisei phile fara ka mana naugna te kuma mana na. Eghuteuna jame mae dedei tei ka kot, ghotilo theome ghatho tahuni fara mana naugna mana mae dedei. Ghotilo fatedi phia mare kaisei nanaba kolho.

Jone 18:24

Ka vido tuana mae Anas neke kuru teini mae Jisas ka mae Kaefas mae pris biꞌo na. Mare ne theome rurutha phia khamegna mana re.

Ululahu Kings 22:24

Kate nomhini igne, Profet Sedekaea haghe ne taponi mae Maekaea ne cheke faheta eghu, “Niha tharunga gna Lord teke jifla ka iara teke ari cheke ka iagho na?”

Mae Khuru 23:4

Mae te kegra rhegna mae Pol re ne cheke eghu, “Ghema, iagho theome tangomana te cheke jateula tuana teu ka nogna mae pris biꞌo God na! Iagho gne cheke faparini mana signe!”