Mae Khuru 23:18 - Buka Blahi Ka Cheke Holo

¹⁸ Aonu mae biꞌo na hata ne tei nebugna mae Pol na ka mae funei biꞌo na. Mae biꞌo na ne cheke eghu ka mae funei biꞌo na, “Mae Pol, mae te sosolo ia neke tore ghau iara mala hata meini mae majaghani igne ka iagho. Mana magnahaghei te toutonu ranghi nigho iagho keha glepo.”

Mae Khuru 23:18 ပူးပေါင်းရင်းမြစ်များ

Efesus 3:1

Naugna igne, iara mae Pol te au ka suga sosolo eigna iara ne leghuni mae Jisas Kraes. Iara tarai ghami ka God. U gaoghathogna te sosoloni iara gne naugna iara ne toutonuni chekegna God na ka ghotilo iheire te theome Jiu.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Mae Khuru 28:17

Thilo narane ke leghugna igne, mae Pol ne kilo fodudi hatimare mae biꞌodi Jiu te au ka namono igne mala khapru mei ka mana. Kate mei te gnafa mare na, mae Pol ne cheke eghu ka mare, “Kheraguro, iara theome eni kaisei glepo te diꞌa ranghidi naiknore, nei theome cheke faparini kaisei nodi kastom mae ku'edara. Nu neuba ngau, maedi Jerusalem mare loki ghau iara ne snakre lao ghau iara ka khamedi mae Rom.

Mae Khuru 27:1

Kate doglohi te mala tei ghehati Itali na, mare ne snakre laoni mae Pol baludi keha mae sosolo langau ka khamegna kaisei mae funei biꞌodi hatimare mae armi. Mae igne nogna soldia mae funei biꞌogna Rom, nanghagna na mae Julias.

Mae Khuru 16:25

Farihotei bongiro, mae Pol ghe mae Silas ne tarai balu koje kilo fnaknoni God. Keha mae te sosolo re ne fanomho ka phiamare.

Luku 7:40

Mae Jisas ne cheke eghu ka mana, “Ghema Simon, iara magnahaghei te chekeni kaisei glepo ka iagho.” Mae Simon ne cheke eghu ka mae Jisas, “Uve, velepuhi, facheke sagho.”

Jone 18:12

Aonu mae soldia, balugna nodi mae funei na, nei keha mae Jiu te reireghi gna Sugablahi na eghu ne mei lokini mae Jisas. Mare haru fodu phia khamegna mana re.

Mae Khuru 23:17

Aonu mae Pol ne cheke eghu ka kaisei mae biꞌodi hatimare mae armi, “Hata tei mae majaghani igne ka mae funei biꞌo ia. Naugna mana au kaisei nonomho malagna mana.”

Mae Khuru 23:19

Aonu mae funei biꞌo na hatani mae majaghani na ne tei ka vido te nagou na. Mae funei biꞌo na ne ghusna eghu, “Unha te magnahaghei toutonuni iagho ka iara na?”