Mae Khuru 23:16 - Buka Blahi Ka Cheke Holo

¹⁶ Nu nebugna mae Pol na ne nomhini gaoghatho te eni mare igne. Aonu mana ghosei ne tei ka sugadi mae armi re mala cheke ka mae Pol eigna igne.

Mae Khuru 23:16 ပူးပေါင်းရင်းမြစ်များ

Mae Khuru 23:10

Fapholai igne ne ghilei vuhai magra biꞌo, eghuteuna mae funei biꞌodi mae armi gre mhaghu nogna glahula mei mare korho sasakani mae Pol. Aonu mana ne chekedi nogna mae soldiare mala soru hata fadeleini mae Pol ka hatimare mae mala fate, mala hata fapuloni mana ka suga aheva te au hatimare mae armi re.

Ululahu Korin 3:19

Naugna nogna glalase te keli nauthoglu gne theo nafudi kolho ka God. Tutuani, grioriso te blahi na cheke eghu, “God ginauna fatedi mae glalase te lase chaghi re.”

Mae Khuru 23:32

Eghuteuna ka keha narane na mae teke saghe ka hose re ne tei balugna mae Pol Sisaria. Nu keha mae soldia teke nonolo kolho re neke pulo ka sugadi mae armi re Jerusalem.

Mae Khuru 21:34

Kmana naikno ka nakhapru na ne theome kaisei cheke kolho, nu soasopai nodi cheke. Kehare ne chekeni kaisei glepo, eghuteuna kehare chekeni keha glepo na. Mae funei biꞌo na ne theome nomhi fakelini kaisei glepo ka unha te chekedi naiknore. Aonu mana ne chekedi nogna mae soldiare mala hatani mae Pol tei ka sugadi thedi mae soldiare.

Lamentations 3:37

Ba, ihei tangomana te eni kaisei glepo jame te theome snakreni Lord na? Thono theo fara!

Proveb 21:30

Gaoghatho te keli, nei glalase te keli eghuteuna iagho laseni puhi te keli te mala horo glepo na teuna, igne theome naba te mala togho nigho kakatha na, jame te naoka iagho ka Lord na.

Thoutonu Eigna Mae Job 5:13

Mana fakhaledi iheire ne lalasehi thedi teu igre mala goigonidi thedi mare. Eghuteuna mana goigonidi nodi gaoghatho te diꞌa mare re.

Fapea Samuel 17:17

Aonu mae Jonatan thugna mae Abiata ghe mae Ahimas thugna mae Sadok, phiamare ofo neu ka glokha khoꞌu En-Rogel ke kosi Jerusalem, naugna phiamare ne mhaghu nodi fara te tei lamna namono na. Glahu tharukhae nodi ka keha naikno. Aonu kaisei gaꞌase ne tei toutonu ka phiamare unha te edi ka narane tuare, mala tei phiamare cheke ka King Devet.

Mae Khuru 21:37

Kate namo hatani mana te tei mare lamna suga na, mae Pol ne cheke eghu ka mae funei biꞌo na, “Ba, tangomana ngau iara te cheke ka iagho na?” Mae funei biꞌo na ne jaglo nogna ne cheke eghu ka mae Pol, “Iagho mae lase cheke Griki sia?

Mae Khuru 23:17

Aonu mae Pol ne cheke eghu ka kaisei mae biꞌodi hatimare mae armi, “Hata tei mae majaghani igne ka mae funei biꞌo ia. Naugna mana au kaisei nonomho malagna mana.”

Mae Khuru 24:23

Mana ne cheke ranghini kaisei mae biꞌodi hatimare mae soldia mala reireghi fakelini mae Pol. Nu chekeni mana mala fasnaglini mae Pol katha vido kmoꞌei kolho mala tangomana kheragna mana re te mei sighoni nei tusu ranghini unha te nabagna mana.

Proveb 24:15

Iagho thosei poru jateula mae te diꞌa te poru filo teu te mala ruma te blau ka nogna suga mae te doglo ra eghu. Thosei tei goigoni nogna suga mae te keli na.