Mae Khuru 23:15 - Buka Blahi Ka Cheke Holo

¹⁵ Eghume igne unha te magnahagheni ghehati te mala eni ghotilo na: Fatei kaisei nonomho ka mae funei biꞌodi mae armi ra mala hata meini mae Pol ka ghotilo. Cheke ka mana ghotilo magnahaghei te famane ghusnani mae Pol keha glepo eigna mana. Ghehati na ofou mala faleheni kate mei mana agne na.”

Mae Khuru 23:15 ပူးပေါင်းရင်းမြစ်များ

Profet Isaia 59:7

Leuleghu fata na, ghotilo magnahaghei fara te ghosei te eni puhi te diꞌa na. Eghuteuna ghotilo diꞌatami faleheni ihei te theome eni kaisei puhi te diꞌa na. Gaoghathomi ghotilo igre thofno diꞌa fabrahu, eghuteuna puhi te mala goigonidi nakarhadi keha naiknore igne jateula nomi nabrou biꞌo eghu ghotilo.

Proveb 1:16

Naugna leuleghu fata na mare magnahagheni fara te mala eni puhi te diꞌa na. Eghuteuna thiꞌadire kaikaliti mala falehe naikno.

Mae Khuru 22:30

Ka keha narane na mae funei biꞌo na ne hata koko chen teke haruni mae Pol na ne snakre teini mana. Aonu mana ne chekedi hatimare mae pris ulu baludi hatimare mae mala fate teure mala faidu. Naugna mana magnahagheni te laseni ne faꞌunha mae Jiu gre ne ei puhi ranghini nga mae Pol. Eghuteuna mana hata fajiflani mae Pol mala kegra ke uludi mare.

Proveb 4:16

Mare theome thuru ghilei eni mare glepo te diꞌa na, ba goigonini keha mae na.

Nodi Khoje Hatimare Mae Jiu 21:11

Mare na edi keha gaoghatho te diꞌa te mala goigoni nigho iagho na. Nu mare ginauna theome tangomana di kolho eghu.

Mae Khuru 25:3

Mare ne cheke eghu ka mana, “Ghema, ghehati thono magnahaghe nigho iagho te kuru fapuloni mae Pol Jerusalem.” Mare ne cheke eghu, naugna mare ghaoghaho mala falehe poruni mae Pol kate mei mana ka nabrou na.

Jone 18:12

Aonu mae soldia, balugna nodi mae funei na, nei keha mae Jiu te reireghi gna Sugablahi na eghu ne mei lokini mae Jisas. Mare haru fodu phia khamegna mana re.

Mae Khuru 23:1

Mae Pol ne filo lao ka hatimare mae te mala fate re ne cheke eghu, “Kheraguro, iara theome mamaja nogu ke ulugna God, naugna funu tifa te ghilei posa ka narane gognaro gne iara edi fabrahu mei ngala gobigna lepo teke chekedi mana mala edi tahati tekure.”

Mae Khuru 23:6

Mae Pol filo glanidi hatimare mae biꞌo mala fate gre. Mare phei tothoghei: keha na hatimare mae Sadiusi nei keha na hatimare mae Farasi. Aonu mae Pol ne cheke eghu fabiꞌo ka mare, “Kheraguro, iara kaisei mae Farasi, eghuteuna mae kmagu iara na kaisei mae Farasi la! Eghuteuna iara thofno fatutuani God ginauna na fakarhi fapulodi naikno teke lehehire. Naugna igne site fate ghau iara ghotilo gognaro gnea!”

Fapea Samuel 13:5

Aonu mae Jonadab ne cheke eghu ka mae Amnon, “Fogra chaghi sagho tei thuru ka nou sape na. Eghuteuna kate mei te filo nigho mae kmamu na, iagho ginauna cheke eghu ka mana, ‘Chekeni greghagu Tama mala hata ghegu gano mei. Iara magnahagheni Tama te mei tarabana gano agne mala filoni iara. Eghuteuna naꞌa thegna nate faghamu ghau iara na.’ ”