Mae Khuru 23:14 - Buka Blahi Ka Cheke Holo

¹⁴ Ke leghugna igne mare tei ne filodi hatimare mae pris ulu nei hatimare goro mae biꞌo. Mare ne cheke eghu, “Ghehati neke eni kaisei nhaꞌa cheke biꞌo mala theome ghamu ba ko'uni kaisei gano ghilei faleheni ghu mae Pol!

Mae Khuru 23:14 ပူးပေါင်းရင်းမြစ်များ

Mae Khuru 23:12

Hamerane keha mae Jiure ne faidu poru ne hiro phoge mala faleheni mae Pol. Mare ne eni kaisei nhaꞌa cheke mala theome ghamu ba ko'uni eghu kaisei gano ghilei faleheni ghu mae Pol.

Profet Jeremaea 8:12

Ba, mare mamaja nodi fara te edi puhi te diꞌa tuare? Theo fara. Mare theome mamaja nodi kolho nafnata puhi igne. Naugna igne, iara ginauna goigoni fahuidi mae igre mala kafe lehe mare jateula mae iheire tela lehehi ra eghu. Igne nogu cheke iara Lord.

Profet Maeka 7:3

Naiknore kafe laseni fara te mala edi glepo te diꞌa re. Mae biꞌore loku fodu mala edi gaoghatho te diꞌa. Leuleghu fata na mae mala baubatu nei mae mala fate teu igre mare famaemahedi naiknore mala chaghidi keha naiknore ka sileni. Mae biꞌo igre huhurudi naiknore mala edi kolho unha te magnahaghedi thedi re.

Profet Hosia 4:9

Iara ginauna para ghami ghotilo naikno igre, eghuteuna ghotilo mae pris ra ginauna na jaola au papara eidi puhi te diꞌa te edi ghotilo are.

Profet Isaia 3:9

Naikno igre theome jafra ka naiknodi Sodom tifa ra. Mare theome mamaja te eni puhi te diꞌa na ka tathadi keha naiknore. Kokhonidi fara naikno igre, naugna mare ei puhi biꞌo ranghidi thedi.

Profet Jeremaea 6:15

Ba, mae Israel gre mamajadi si puhi te diꞌa te edi mare igrea? Thono theo fara! Mare theome laseni te mamaja na. Naugna igne, iara ginauna paradi naikno igre eidi puhi te diꞌa te edi mare igre, eghuteuna mare ginauna na kafe lehe, jateula iheire tela lehehi tifara eghu.” Igne chekegna Lord.

Mae Khuru 23:13

Hatimare phiatutu mae teke eni u gaoghatho igne.

Mae Khuru 23:20

Mae majaghani na ne cheke eghu, “Hatimare mae Jiure ne magnahaghei tore nigho iagho mala snakreni mae Pol gne mala hata soru ka hatimare mae biꞌo mala fate gre nathuꞌu. Mare ginauna na chaghi nigho iagho te mala ghusna keha glepo eigna mana teuna.

Mae Khuru 23:21

Nu thosei fatutuanidi mare! Naugna naba phiatutu mae salaꞌui poru ofou mala faleheni mae Pol. Mare la kulu enihi kaisei nhaꞌa cheke biꞌo mala theome ghamu ba theome koꞌu ghilei faleheni mana! Gognaro mare ofoniu kolho chekemu iagho na.”