Mae Khuru 23:10 - Buka Blahi Ka Cheke Holo

¹⁰ Fapholai igne ne ghilei vuhai magra biꞌo, eghuteuna mae funei biꞌodi mae armi gre mhaghu nogna glahula mei mare korho sasakani mae Pol. Aonu mana ne chekedi nogna mae soldiare mala soru hata fadeleini mae Pol ka hatimare mae mala fate, mala hata fapuloni mana ka suga aheva te au hatimare mae armi re.

Mae Khuru 23:10 ပူးပေါင်းရင်းမြစ်များ

Jemes 3:14

Nu jame kaisei mae ne lalasehi eghu ka gaoghathogna thegna na, eghuteuna fodu ka puhi goghotu nei fangiringiri ka kheragna fofodure, ba ghathoni kolho thegna teuna, mana theome mae glalase, nu mana kaisei mae chaichaghi kolho.

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.

Mae Khuru 22:24

Aonu mae funei biꞌodi mae armi re ne cheke ka mae soldiare mala hatani mae Pol tei ka nodi suga thedi mae soldiare. Mana ne cheke ka mare mala purini mae Pol, nei ghusnani mana mala laseni naugna unha ne diꞌa tadi nga naiknore ne eha fabiꞌo eghu jare.

Mae Khuru 23:32

Eghuteuna ka keha narane na mae teke saghe ka hose re ne tei balugna mae Pol Sisaria. Nu keha mae soldia teke nonolo kolho re neke pulo ka sugadi mae armi re Jerusalem.

Mae Khuru 23:27

Mae igne neke hatahi goro mae Jiu gre neke thogra falelehehi mare. Nu iara neke tei baludi nogu mae soldiare neke tei fakarhini mana ka mare. Naugna te nomhini iara na, mae igne kaisei mae gna Rom.

Mae Khuru 23:16

Nu nebugna mae Pol na ne nomhini gaoghatho te eni mare igne. Aonu mana ghosei ne tei ka sugadi mae armi re mala cheke ka mae Pol eigna igne.

Profet Maeka 3:3

Uve, ghotilo jateula te ghamudi nei lolhopa nhubradi nei rioridodi ka vido ikodi, jateula mae te riorido nafnahi te mala kuki ka suspen eghu.”

Nodi Khoje Hatimare Mae Jiu 50:22

“Ghotilo naikno te ghatho iho ghau iara ra, ghotilo fanomho fakeli ka gobigna lepo igre. Te theo ghotilo na, iara ginauna na fadidiꞌa ghami ghotilo, eghuteuna ginauna na theo kaisei mae te nabagna te mala fakarhi ghami ghotilo na.

Nodi Khoje Hatimare Mae Jiu 7:2

Jame te theo iagho na, mare ginauna na jateula lion eghu pala ghau tei ka vido aheva te theo kaisei naikno te mala fakarhi ghau iara na. Ka vido tuana mare ginauna na kina sasakani u thinigu iara na.

Mae Khuru 21:37

Kate namo hatani mana te tei mare lamna suga na, mae Pol ne cheke eghu ka mae funei biꞌo na, “Ba, tangomana ngau iara te cheke ka iagho na?” Mae funei biꞌo na ne jaglo nogna ne cheke eghu ka mae Pol, “Iagho mae lase cheke Griki sia?

Mae Khuru 23:28

Iara magnahaghei te laseni naugna unha mae Jiu gre ne tirodini nga mae igne. Aonu iara hatani mana neke tei ka hatimare mae mala fate.

Fapea Korin 11:26

Kmana fata ka nogu thei na, iara namo lehe ka khoꞌu biꞌo ba ka naikno te blau, ka kheragu fofodu mae Jiu, nei ka iheire te theome Jiu. Iara namo lehe ka namono biꞌo, nei ka namhata, nei ka thongna. Eghuteuna iara namo lehe ka iheire te chekeni “Ghehati naikno khiloau” nu mare chaichaghi kolho.