Mae Khuru 22:5 - Buka Blahi Ka Cheke Holo

⁵ Mae pris biꞌo nei hatimare goro mae biꞌo mala fate tangomana te chekedi ka ghotilo unha te chekedi iara ka ghotilo igre tutuani fara. Naugna mare thedi neke rioriso letas na hata neke tei iara ka kherada te au ka namono Damaskas. Eghume iara neke tei lokidi naikno igre mala ke hata fapulo agne Jerusalem mala paradi.”

Mae Khuru 22:5 ပူးပေါင်းရင်းမြစ်များ

Luku 22:66

Hamerane ghagra pasa, hatimare goro mae biꞌo, nei hatimare mae pris ulu, nei hatimare mae velepuhigna vetula nogna mae Moses eghu igre ne salofodu mei. Eghuteuna mare hatani mae Jisas ne mei fakegrani mana ke uludi mare kau vido te mala fate na.

Mae Khuru 5:21

Kate nomhini igne, mare ne leghuni cheke igne ne tei ka Sugablahi na. Hamerane boibongi mare ne funu toutonu ranghidi naiknore. Mae pris biꞌo na nei nogna tothoghei na theome laseni te jifla mae khurure. Aonu mare ne kilo fodudi goro mae biꞌodi Israel re mala eni kaisei faidu biꞌo ka hatimare mae mala fate. Mare jaola ne chekedi keha mae pulis mala tei hata meidi hatimare mae khuru ke uludi mae mala fate.

Ululahu Timoti 4:14

Uve ghema Timoti, u khokofakasai te au ka iagho ana mala loku, theome mala fiti au kolho. God neke tusu ari ka iagho, kani teke cheke eimu iagho hatimare mae profet nei kani teke taofi nigho hatimare mae biꞌo ka khiloau ra.

Mae Khuru 28:21

Hatimare mae Jiu ne cheke eghu ka mae Pol, “Ghehati theome filoni kaisei letas te cheke eimu iagho te mei funugna ka hatimare mae Judia. Theo kaisei mae ka mae kherada te mei funudi jare te hata thoutonu eimu iagho ba chekeni ka ghehati kaisei thoutonu diꞌa eimu iagho na.

Mae Khuru 26:12

“Kaisei fata hatimare mae pris ulu neke tusu ranghi ghau iara nolaghi mala tei Damaskas mala lokidi naikno te fatutuani ni mae Jisas.

Mae Khuru 26:10

Tuana ngala unha teke eni iara Jerusalem na. Hatimare mae pris ulu neke tusu ranghi ghau iara nolaghi te mala koko laodi nogna naikno God re kau sosolo. Eghuteuna kate falehedi mare naiknore, iara neke kaisei gaoghatho baludi mare te mala eni igne.

Mae Khuru 22:1

Mae Pol ne cheke eghu, “Kheraguro ba mamare, fanomho meighu ka iara mala ke cheke tughudi ghu iara nomi cheke ghotilo ra!”

Mae Khuru 13:26

“Uve, kheraguro, ghotilo vikegna mae Ebraham, nei ghotilo naikno te theome Jiu te mei ka tharai te mala pogho soru ranghini God ra, fanomho fakeli ka iara! Te laseni tahati na God neke snakre meini u Nonomho te Keli eigna u thofno karha igne ka tahati.

Mae Khuru 9:14

Eghuteuna gognaro mana mei au agne Damaskas. Mae pris ulu re ne tusu ranghini mana nolaghi te mala lokini ihei te ghatho tahu nigho na.”

Mae Khuru 4:5

Ka keha narane na mae funeidi hatimare mae Jiu, hatimare mae biꞌo, nei hatimare mae velepuhi gna vetulare eghu ne faidu ka namono Jerusalem.

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Mae Khuru 2:29

“Uve, kheraguro, iara magnahaghei te toutonu fakeli ka ghotilo eigna mae kuꞌeda King Devet tifa ia. Mana neke lehe eghuteuna mare neke giugilunihi mana, eghuteuna bekugna mana na au ngala ka namonoda tahati gne ghilei posa ka narane gognaro gne.

Mae Khuru 3:17

“Uve, kheraguro, iara lase ghau ghotilo baludi mae biꞌomi ra neke eni igne ranghini mae Jisas ka puhi naꞌiho kolho.

Mae Khuru 23:1

Mae Pol ne filo lao ka hatimare mae te mala fate re ne cheke eghu, “Kheraguro, iara theome mamaja nogu ke ulugna God, naugna funu tifa te ghilei posa ka narane gognaro gne iara edi fabrahu mei ngala gobigna lepo teke chekedi mana mala edi tahati tekure.”

Mae Khuru 23:6

Mae Pol filo glanidi hatimare mae biꞌo mala fate gre. Mare phei tothoghei: keha na hatimare mae Sadiusi nei keha na hatimare mae Farasi. Aonu mae Pol ne cheke eghu fabiꞌo ka mare, “Kheraguro, iara kaisei mae Farasi, eghuteuna mae kmagu iara na kaisei mae Farasi la! Eghuteuna iara thofno fatutuani God ginauna na fakarhi fapulodi naikno teke lehehire. Naugna igne site fate ghau iara ghotilo gognaro gnea!”

Mae Khuru 26:11

Leuleghu namono na iara ruma ke lamnadi suga tharai are paradi koba nei fariuriu mala cheke fadiꞌani mare mae Jisas. Iara neke thono diꞌatagudi fara mare. Aonu iara neke tei ka keha namono te au ke kosigna namono igne mala tei hirodi nei paradi eghu.”

Mae Khuru 28:17

Thilo narane ke leghugna igne, mae Pol ne kilo fodudi hatimare mae biꞌodi Jiu te au ka namono igne mala khapru mei ka mana. Kate mei te gnafa mare na, mae Pol ne cheke eghu ka mare, “Kheraguro, iara theome eni kaisei glepo te diꞌa ranghidi naiknore, nei theome cheke faparini kaisei nodi kastom mae ku'edara. Nu neuba ngau, maedi Jerusalem mare loki ghau iara ne snakre lao ghau iara ka khamedi mae Rom.

Galesia 1:13

Ghotilo nomhihi unha teke eni iara tifa kani au teku ka nodi puhi hatimare mae Jiura. Iara neke faheaheta fara mala paradi iheire teke fatutuani ni mae Jisas. Iara neke fariuriu roꞌeni nogna khiloau God na.

Filipae 3:6

Iara thono keli tagu fara te mala paradi naikno te fatutuani ni mae Jisas Kraes. Iara leghu fakelidi koba nogna vetula mae Moses na.