Mae Khuru 22:18 - Buka Blahi Ka Cheke Holo

¹⁸ Iara filoni Lord ne cheke eghu ka iara, ‘Faghose! Iagho gognarola jifla agne Jerusalem, naugna naiknore ginauna tirodi fanomho ka unha te chekedi iagho eigu iara na.’

Mae Khuru 22:18 ပူးပေါင်းရင်းမြစ်များ

Luku 21:21

Eghuteuna kau narane tuana naikno te au ka Provins Judia gre, ginauna rikha tei ka thogele ro. Naikno te au Jerusalem gre ginauna jifla tei. Eghuteuna naikno te au mhata gre, thosei ke pulo mei ka namono biꞌo na.

Matiu 10:23

Kate para ghami naiknogna kaisei namono na, rikha tei ka keha namono na. Tutuani fara te chekeni iara ka ghotilo na, ame gnafa nga ghotilo nomi gloku na ka namono te kmana Israel igre teuna, iara mae teke mei funu ka God na nake pulo mei.

Matiu 10:14

Eghuteuna jame te posa ghotilo ka kaisei namono eghuteuna theome magnahaghei ghami naiknogna namono tuana ba tirodi fanomho ka nomi cheke ghotilo re teuna, jifla kokoni namono tuana. Kate jifla ghotilo na, ghiha koko gnagnapa te au ka ghahemi are ke uludi eghu. Igne kaisei fagaglana te mala falalase ghotilo ka naiknore God ginauna na fatedi.

Mae Khuru 9:29

Mae Sol jaola ne cheke koba nei fapoaphola eghu baludi tothoghei mae Jiu te lase cheke Griki re. Nu mare ne tirodini mana ne hirodi keha puhi mala faleheni mana.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Ululahu Korin 9:1

Ghotilo lase ghauhi iara, eigna iara kaisei mae te snagla te eni unha te magnahagheni thegu na. Eghuteuna ghotilo jaola lase ghau iara kaisei mae khuru. Ghotilo lase ghau iara neke filoni mae Jisas noda Lord. Eghuteuna ghotilo lasenihi eigna ghotilo te gnafa na funu fatutuani ni Lord ka nogu gloku iara na.