Mae Khuru 22:12 - Buka Blahi Ka Cheke Holo

¹² “Jare kaisei mae nanghagna na Ananias. Mana leghuni fara nogna vetula mae Moses, nei mae Jiu te gnafa te au Damaskas igre mare ghatho tahuni fara mana.

Mae Khuru 22:12 ပူးပေါင်းရင်းမြစ်များ

Mae Khuru 10:22

Thilomare ne cheke eghu ka mana, “Uve, mae Konilias mae biꞌodi mae armi re ne kuru mei ghami ghetilo. Mana kaisei mae keli fara nei tarai koba ka God. Eghuteuna mae Jiure ghatho tahuni fara mana. U engel nogna God na neke cheke ka mana mala tore nigho mala tei ka sugagna mana na mala nu tangomana mana te nomhidi unha te chekedi iagho are eghu.”

Mae Khuru 6:3

Eghume te keli na kheraguro, ghotilo vahidi fitu mae ka themi malagna gloku igne. Ka mae iheire te keli, lalase nei mae Tharunga te Blahi na au baludi.

Fatilo Jone 1:12

Naiknore te chekei na mae Demitrias gne kaisei mae keli fara. Eghuteuna unha te chekeni naiknore tutuani fara. Ghehati jaola cheke fakelini mana, eghuteuna ghotilo laseni unha te chekeni ghehati na tutuani fara.

Hibru 11:2

Vikeda tahati tifa ra, mare neke fatutuani ni God eghuteuna God neke keli tagna fara ka mare.

Ululahu Timoti 3:7

Puhigna mana na mala doglo fabrahu mala tangomana naikno te theome fatutuanire te ghatho tahuni mana na. Jaola naiknore ginauna theome filo faparini mana nei mae Satan ginauna jaola theome sagu nila mana.

Fapea Korin 6:8

Keha naiknore ghatho tahu ghami, nu keha naiknore fapari ghami. Keha naiknore cheke fakeli ghami, nu keha naiknore cheke fadiꞌa ghami. Keha naiknore kilo ghami mae velepuhi chaichaghi, nu ghehati chekeni ngala unha te tutuani na.

Mae Khuru 17:4

Keha mae Jiure ne fatutuani ne leghudi mae Pol ghe mae Silas. Jaola kmana naikno Griki te pogho soruni God nei kmana nakrupe eghu ne leghudi phiamare.

Mae Khuru 8:2

Keha mae te fatutuani ni God re ne tanhi fabiꞌo ne diꞌanagnafani mae Stivin, mare ne hata thinigna mana na ne tei giugiluni. Eghuteuna, funu ka narane te lehe mae Stivin igne na, mae Jiure ne funu paradi naikno khiloaure. Mae Sol ne tei leuleghu suga mala lokidi mae nalhaꞌu ba gaꞌase te fatutuani ni mae Jisas na mala liliseidi mare ke lamna suga sosolo. Naikno te fatutuani ni mae Jisas igre ne kafe rikha ne tei kau soasopai vido jare Judia nei Samaria. Nu hatimare mae khuru neke au fapulo Jerusalem.

Luku 2:25

Kaisei mae biꞌo te kiloi Simion, mana jaola au Jerusalem. Mana kaisei mae doglo fara nakarhagna na ke ulugna God nei tarai koba eghu. Mana ofoni u narane God nate fakarhadi naiknodi Israel re. Eghuteuna u Tharunga te Blahi na ne au balugna mana.