Mae Khuru 22:1 - Buka Blahi Ka Cheke Holo

¹ Mae Pol ne cheke eghu, “Kheraguro ba mamare, fanomho meighu ka iara mala ke cheke tughudi ghu iara nomi cheke ghotilo ra!”

Mae Khuru 22:1 ပူးပေါင်းရင်းမြစ်များ

Mae Khuru 7:2

Mae Stivin ne cheke eghu, “Mamare ba kheraguro, fanomho mei ka iara. Kani au nga teku mae kuꞌeda Ebraham Mesopotemia tifa ame tei nga mana Haran teku ia, noda God te au kligna na neke mei thakle ka mana jare.

Fapea Timoti 4:16

Ulu lahu te hata ghau iara mare ka fate na, theo kaisei naikno te togho ghau iara na. Thono theo fara. Mare kafe tei koko ghau iara, nu iara taraidi mare mala ghatho ihodi God najafra teke edi mare re eghu.

Ululahu Pita 3:15

Nu te keli na ghotilo lisa lao ghami themi fabrahu ka mae Kraes nomi Lord. Eghuteuna leuleghu fata na ghotilo tarabana mala cheke tughudi naikno te ghusna ghami eigna unha te fatutuani ni ghotilo mae Kraes na.

Filipae 1:7

Ghotilo au fabrahu ka nagnafagu iara na, eghume iara nabagu te ghatho ghami ghotilo na. Naugna ghotilo kaisei balugu iara ka nogna khokofakasai God. Eghuteuna igne tutuani fara, neubane au iara ke lamna suga sosolo, ba au iara kosi mala cheke thakleni u Nonomho te Keli gne ba iara toghodi mare mala fatutuani ni mae Jisas.

Fapea Korin 12:19

Ba, ne riso ari ghehati glepo igre mala tafra ghami ghehati themi neu si ghotilo ia? Theo! Ghehati chekedi glepo igre ka puhi te magnahagheni Kraes te mala eni ghehati ka tathagna God na. Eghuteuna gobigna lepo te risodi ghehati gre, kheraguro, mala tangomana te farhetadi nomi fatutuani ghotilo re.

Fapea Korin 7:11

Kate ghathoni ghotilo unha te diꞌanagnafani ghotilo na, ghotilo lasenihi puhi tuana mei ka ghotilo leghuni unha te magnahagheni God na. Tutuani, puhi tuana togho ghami ghotilo mala fariuriu fara te eni glepo te keli na. Diꞌanagnafa tuana jaola tangomana te falalaseni te theome jafra ghotilo na, nei falalase diꞌatami na ka mae ihei te eꞌei puhi na. Puhi tuana neke togho ghami mala mhaghuni God, mala magnahaghei fara te filo ghau iara, mala au nomi gaoghatho faheta ka God, nei mala fateni ihei te tapla jafra. Ka gobigna lepo te edi ghotilo re, ghotilo neke falalasenihi te theome jafra ghotilo ka puhi igne na.

Ululahu Korin 9:3

Keha naiknore cheke fapari ghau iara, nu igne nogu cheke tughu iara na:

Letas Teke Riso Tei Mae Pol Ka Khiloau Rom 2:15

Tutuani, mare tathakle kaisei vetula na au ka nagnafadire, eigna mare laseni unha te doglo na nei unha te jafra na, jateula te chekeni ka vetula na ia eghu. Eghuteuna mare jaola tathakle igne ka puhi te haimini mare eigna te doglo nei jafra. Keha fata gaoghathodire cheke ranghidi najafra te eni mare na. Eghuteuna keha fata gaoghathodire cheke ranghidi te doglo te eni mare na.

Mae Khuru 28:17

Thilo narane ke leghugna igne, mae Pol ne kilo fodudi hatimare mae biꞌodi Jiu te au ka namono igne mala khapru mei ka mana. Kate mei te gnafa mare na, mae Pol ne cheke eghu ka mare, “Kheraguro, iara theome eni kaisei glepo te diꞌa ranghidi naiknore, nei theome cheke faparini kaisei nodi kastom mae ku'edara. Nu neuba ngau, maedi Jerusalem mare loki ghau iara ne snakre lao ghau iara ka khamedi mae Rom.

Mae Khuru 26:24

Kate chekedi teu mae Pol glepo igre te mala tafragna thegna na, mae Festas ne fnaja fabiꞌo, “Ghema Pol, iagho la meomekro! Iagho hiohiro fabrahu ka buka la ghilei meomekro hila!”

Mae Khuru 25:16

“Nu te chekeni iara ka mare na theome nomi kastom ghehati mae Rom te snakredi mare te fiti faleheni naikno na. Nu vetula na snakreni mana mala kegra ke uludi mae te fathoroni re mala tafrani thegna.

Mae Khuru 25:8

Aonu, igne unha teke chekeni mae Pol mala tafragna thegna na, “Iara theome eni kaisei najafra ranghini nodi vetula hatimare mae Jiu ba ranghini Sugablahi ba ranghini mae king biꞌogna Rom.”

Mae Khuru 24:10

Mae gavana ne eni kaisei fagaglana ka mae Pol mala cheke. Aonu mae Pol ne cheke eghu, “Uve, Gavana Filiks, iara lase nigho iagho kaisei mae mala fate funu tifa mei ka ghehati agne Israel. Eghume iara thofno gleale'a fara nate tafra ghau thegu kate cheke tughudi nodi cheke mare ke lamnagna fate igne.

Mae Khuru 23:6

Mae Pol filo glanidi hatimare mae biꞌo mala fate gre. Mare phei tothoghei: keha na hatimare mae Sadiusi nei keha na hatimare mae Farasi. Aonu mae Pol ne cheke eghu fabiꞌo ka mare, “Kheraguro, iara kaisei mae Farasi, eghuteuna mae kmagu iara na kaisei mae Farasi la! Eghuteuna iara thofno fatutuani God ginauna na fakarhi fapulodi naikno teke lehehire. Naugna igne site fate ghau iara ghotilo gognaro gnea!”

Mae Khuru 23:1

Mae Pol ne filo lao ka hatimare mae te mala fate re ne cheke eghu, “Kheraguro, iara theome mamaja nogu ke ulugna God, naugna funu tifa te ghilei posa ka narane gognaro gne iara edi fabrahu mei ngala gobigna lepo teke chekedi mana mala edi tahati tekure.”

Mae Khuru 19:33

Hatimare mae Jiu ne huju faꞌuluni mae Aleksada ke uludi naiknore mala cheke. Aonu, mana ne eꞌei fagaglana ka naiknore mala fanomho fakeli, naugna mana magnahaghei te cheke tughudi nodi cheke naiknore.

Mae Khuru 13:26

“Uve, kheraguro, ghotilo vikegna mae Ebraham, nei ghotilo naikno te theome Jiu te mei ka tharai te mala pogho soru ranghini God ra, fanomho fakeli ka iara! Te laseni tahati na God neke snakre meini u Nonomho te Keli eigna u thofno karha igne ka tahati.

Luku 21:14

Thosei nanga nomi eigna unha ghotilo nate chekeni na.

Luku 12:11

“Eghuteuna naiknore ginauna hata ghami ghotilo tei ka fate ke lamna suga tharai, ke uludi hatimare mae funei ba hatimare mae biꞌo naugna ghotilo nogu iara. Thosei nanga nomi eigna unha nate cheke eimi themi nei cheke tughudi nodi cheke hatimare re.