Mae Khuru 21:9 - Buka Blahi Ka Cheke Holo

⁹ Mana au fati thugna gaꞌase “nau kolho”, thau igre au nodi khokofakasai mala toutonuni chekegna God na.

Mae Khuru 21:9 ပူးပေါင်းရင်းမြစ်များ

Mae Khuru 2:17

“ ‘God ne cheke eghu: Kate namo huigna nauthoglu gne, iara ginauna lisa soru Tharungagu na ke klignadi naikno te gnafare. Eghuteuna thumi nalhaꞌu nei gaꞌase teu ghotilo are ginauna na toutonuni chekegu iara na. Eghuteuna mae majaghani nei mae biꞌomi teu ghotilo re, iara ginauna na tusu ranghidi nolaghi te mala mifi na.

Thakle 2:20

Nu kaisei glepo ngala te theome magnahagheni iara ka ghotilo na. Eigna ghotilo ne snakreni Jesebel ne eni unha te magnahagheni naꞌa na. Jesebel gne kaisei gaꞌase gnognoro fara nu naꞌa chaichaghi ne cheke eghu, ‘Iara kaisei nogna profet God.’ Tutuani, Jesebel gne ne korho fadeleidi nogu naikno iara re mala leghuni nogna farirhiu thegna te jafra fara na. Naꞌa baubatudi naiknore mala gnognoro nei ghamu gano teke fafara ka mumujure eghu.

Luku 2:36

Kaisei khaekave nanghagna na Anna, naꞌa kaisei thau profet au jare ka Sugablahi na. Anna gne thugna mae Fanuel nei vikegna mae Asa. Kani thau majaghani gna tekeu na naꞌa neke tolaghi nabagna fitu finogha kolho neke lehe khetogna na.

Profet Joel 2:28

Lord ne cheke eghu, “Ke leghugna igne, iara ginauna snakreni Tharungagu na mala soru mei au baludi naikno te gnafa igre. Thumi gaꞌase nei thumi nalhaꞌu teu ghotilo are ginauna toutonuni chekegu iara na jateula mae profet eghu. Mae biꞌo gre ginauna mifi, eghuteuna mae majaghani re ginauna filodi keha nafnata mifi te nhogri.

Eksodas 15:20

Profet Miriam, gregagna mae Eron gne ne atha nogna tamborin na ne baubatudi keha gaꞌasere ne koje balu ragi.

Mae Khuru 13:1

Igre mae profet nei mae velepuhi eghu te au ka khiloau Antiok re: mae Banabas; nei mae Simion mae te kiloni mae Pipito; nei mae Lusias mae gna Saerini; nei mae Manaen mae ihei teke biꞌo haghe balugna mae funei Herod Antipas; nei mae Sol.

Nehemaea 6:14

Aonu iara ne tarai, “God, ghathodi unha te edi ranghi ghau iara mae Tobaea ghe mae Sanbalat igre. Eghuteuna iagho jaola ghathoni gaꞌase profet Noadaea baludi keha profet teke fariuriu famamhaghu ghau iara ra.”

Fapea Kings 22:14

Mae pris Hilkaea, mae Ahikam, mae Akiboa, mae Safan nei mae Asaia eghu tei ne toutonudi glepo igre ka kaisei profet gaꞌase, nanghagna na Hulda khetogna mae Salum thugna mae Tikva, thugna mae Hahas. Mae Hahas gne mae ihei te mala reireghidi pohe gna Sugablahi na. Profet Hulda gne au Jerusalem ka fapea distrik.

Jajis 4:4

Ka narane tuare, Debora khetogna mae Lapidot igne kaisei thau profet. Debora ne batudi naiknodi Israel.

Ululahu Korin 7:38

Eghume mae ihei te tolaghi na, mana eni glepo te doglo na. Nu mae ihei te theome tolaghi na, mana eni glepo ke ulu tulaoi.

Profet Esikiel 13:17

Lord ne cheke eghu ka iara, “Maegna ka nauthoglu. Iagho cheke faparidi goro gaꞌasedi Israel te toutonu chaichaghi leghudi gaoghathodi thedi re are.