Mae Khuru 21:8 - Buka Blahi Ka Cheke Holo

⁸ Ghehati jifla jare neke tei ka namono biꞌo Sisaria. Jare ghehati ne tei ka sugagna mae Filip ne au balugna mana. Mae Filip gne kaisei mae ka hatimare fitu mae thotogho teke vavahi mare tifa Jerusalem. Mae Filip gne nogna gloku na mala toutonuni u Nonomho te Keli na.

Mae Khuru 21:8 ပူးပေါင်းရင်းမြစ်များ

Mae Khuru 6:5

Naikno te gnafare ne keli tadini u cheke igne. Aonu mare ne vahidi fitu mae igre: mae Stivin, kaisei mae te biꞌo nogna fatutuani na, eghuteuna mae Tharunga te Blahi na au balugna mana. Mae Filip nei mae Prokoras nei mae Nikano nei mae Timon nei mae Pamenas nei mae Nikolas. Mae Nikolas gne kaisei mae gna ka namono Antiok. Tifa na mana neke theome mae Jiu, nu gognaro na mana kela leghuni puhidi mae Jiure.

Efesus 4:11

Eghuteuna Jisas mae ihei teke tusu mei ka tahati u khokofakasai te mala loku ranghini God. Mana neke vavahi keha mae mala khuru, keha mae mala profet, keha mae mala toutonu eigna Nonomho te Keli, keha mae mala velepuhi nei reireghini nogna khiloau na.

Fapea Timoti 4:5

Nu iagho ghaoghatho fakeli leuleghu fata na, nei kegra maku ka narane nate thoke mei tamu naꞌau papara na. Eghuteuna iagho heta ka gloku igne mala toutonu eigna u Nonomho te Keli na nei loku fahui nou gloku blahi teke tusu ranghi nigho God na.

Mae Khuru 28:16

Kate posa lao ghehati Rom na, hatimare mae biꞌo gna namono na ne snakreni mae Pol mala au sopa thegna. Nu kaisei mae soldia te mala au balugna mana te mala reireghini mana na.

Mae Khuru 16:13

Kau narane Sabat na ghehati ne jifla ke kosigna namono na ne soru ka geri khoꞌu na. Ghehati hironi kaisei vido aheva te au mae Jiu mala tarai. Ghehati ne filodi keha gaꞌase khapru neu jare, aonu ghehati gnokro soru ne facheke baludi.

Mae Khuru 16:10

Ke leghugna te mifi mae Pol igne, ghehati ghosei ne tarabana mala tei Masidonia. Ghehati eni igne, naugna ghehati thofno laseni God neke kilo ghami ghehati mala toutonuni u Nonomho te Keli gne ka naikno te au ka Provins Masidonia.

Mae Khuru 9:30

Eghume, kate nomhini keha naikno khiloau re eigna igne, mare hatani mana ne kuru soruni mana Sisaria. Funu jare mare neke kuru teini mana Tasis.

Mae Khuru 28:11

Ke leghugna te au thilo nhigra ka moumolu tuana ghehati ne jifla jare ka vaka gna Aleksadria. Nanghagna vaka na, “Phei god phakri.” Vaka igne neke poru jare Molta ka nhigra khoburu.

Mae Khuru 27:1

Kate doglohi te mala tei ghehati Itali na, mare ne snakre laoni mae Pol baludi keha mae sosolo langau ka khamegna kaisei mae funei biꞌodi hatimare mae armi. Mae igne nogna soldia mae funei biꞌogna Rom, nanghagna na mae Julias.

Mae Khuru 23:23

Mae funei biꞌo na ne kilodi phei mae biꞌodi hatimare mae soldiare, ne cheke eghu ka phiamare, “Ghopa tarabana phei gobi soldia mala tei Sisaria tanhi nhevai bongi. Jaola mae soldia te mala saghe ka hose na fitu salei, mae soldia te mala magra ka grojo na phei gobi.

Mae Khuru 20:13

Mae Pol magnahaghei liu mata mala ke deni ghami ghehati Asos. Aonu ghehati saghe ka vaka na ne kulu tei thoke Asos.

Mae Khuru 20:6

Nu ghehati neke au fapulo Filipae ne ghilei gnafa u “Gaghamu Bret te Theo Isi gna na.” Ke leghugna igne ghehati saghe ka vaka na funu Filipae ne tei ludedi mae Pol nei keha mae langau ke leghudi glima narane jare Troas. Eghuteuna ghehati au jare kaisei wik thongana.

Mae Khuru 18:22

Kate longa Sisaria na, mae Pol ne haghe Jerusalem ne kubaedi naikno khiloaure. Ke leghugna igne mae Pol neke pulo Antiok,

Mae Khuru 16:16

Kaisei narane kate tei ghehati ka vido te mala tarai na, kaisei gaꞌase gloku mei ne deni ghami ghehati. Kaisei naitu na au ka gaꞌase tuana mala tangomana naꞌa te toutonudi glepo te theome thoke mei nga teure. Aonu nogna mae funei naꞌa re hata sileni biꞌo fara kate eni naꞌa tuana.

Mae Khuru 10:1

Jare kaisei mae gna Rom te au ka namono Sisaria, nanghagna na mae Konilias. Mana kaisei mae funei ka tothoghei te kiloni “Tothoghei gna Itali.” Mae Konilias gne batuni kaisei gobi mae soldia gna Rom.

Mae Khuru 21:16

Keha naikno khiloaudi Sisaria re ne tei balumi ghehati. Mare hata ghami ghehati ne tei ka sugagna mae Nason mala au balugna mana. Mae Nason gne mae gna Saeprus, mana kaisei mae neke kulu fatutuani ni Lord.