Mae Khuru 21:34 - Buka Blahi Ka Cheke Holo

³⁴ Kmana naikno ka nakhapru na ne theome kaisei cheke kolho, nu soasopai nodi cheke. Kehare ne chekeni kaisei glepo, eghuteuna kehare chekeni keha glepo na. Mae funei biꞌo na ne theome nomhi fakelini kaisei glepo ka unha te chekedi naiknore. Aonu mana ne chekedi nogna mae soldiare mala hatani mae Pol tei ka sugadi thedi mae soldiare.

Mae Khuru 21:34 ပူးပေါင်းရင်းမြစ်များ

Mae Khuru 23:10

Fapholai igne ne ghilei vuhai magra biꞌo, eghuteuna mae funei biꞌodi mae armi gre mhaghu nogna glahula mei mare korho sasakani mae Pol. Aonu mana ne chekedi nogna mae soldiare mala soru hata fadeleini mae Pol ka hatimare mae mala fate, mala hata fapuloni mana ka suga aheva te au hatimare mae armi re.

Mae Khuru 19:32

Aonu naiknore ne theome muana nei faꞌihodi fara. Kaisei tothoghei ehani kaisei glepo na, eghuteuna keha tothoghei na ehani keha glepo na. Naugna kmana naikno theome laseni unha te khapruni teu mare jare na.

Mae Khuru 23:16

Nu nebugna mae Pol na ne nomhini gaoghatho te eni mare igne. Aonu mana ghosei ne tei ka sugadi mae armi re mala cheke ka mae Pol eigna igne.

Mae Khuru 22:24

Aonu mae funei biꞌodi mae armi re ne cheke ka mae soldiare mala hatani mae Pol tei ka nodi suga thedi mae soldiare. Mana ne cheke ka mare mala purini mae Pol, nei ghusnani mana mala laseni naugna unha ne diꞌa tadi nga naiknore ne eha fabiꞌo eghu jare.

Mae Khuru 21:37

Kate namo hatani mana te tei mare lamna suga na, mae Pol ne cheke eghu ka mae funei biꞌo na, “Ba, tangomana ngau iara te cheke ka iagho na?” Mae funei biꞌo na ne jaglo nogna ne cheke eghu ka mae Pol, “Iagho mae lase cheke Griki sia?

Mae Khuru 22:30

Ka keha narane na mae funei biꞌo na ne hata koko chen teke haruni mae Pol na ne snakre teini mana. Aonu mana ne chekedi hatimare mae pris ulu baludi hatimare mae mala fate teure mala faidu. Naugna mana magnahagheni te laseni ne faꞌunha mae Jiu gre ne ei puhi ranghini nga mae Pol. Eghuteuna mana hata fajiflani mae Pol mala kegra ke uludi mare.

Mae Khuru 25:26

Nu iara theo kaisei glepo te thofno doglo te mala riso tei eigna mae igne ka noda mae king biꞌo na. Eghume iara gognaro na hata meini mana ke ulumi ghotilo hui nei tulao iagho King Agripa. Eghuteuna kate ghusnani tahati na, iara ginauna na au glepo te mala rioriso eigna mana.

Mae Khuru 23:32

Eghuteuna ka keha narane na mae teke saghe ka hose re ne tei balugna mae Pol Sisaria. Nu keha mae soldia teke nonolo kolho re neke pulo ka sugadi mae armi re Jerusalem.