Mae Khuru 21:31 - Buka Blahi Ka Cheke Holo

³¹ Kate mala faleheni mae Pol teu naiknore, nonomho gna puhi biꞌo fara te eni mare igne ne tei thoke ka mae funei biꞌodi mae armi di Rom te au Jerusalem.

Mae Khuru 21:31 ပူးပေါင်းရင်းမြစ်များ

Mae Khuru 17:5

Nu goro mae biꞌo Jiure mare ne goghotu fara naugna mare ne filodi kmana naikno ne leghuni mae Pol. Aonu, mare tei ne hata mei keha mae te diꞌa ka glalaba na ne fufunu kaisei magra biꞌo ka namono na. Mare chari ne tei ka nogna suga mae Jason na, mala hirodi mae Pol ghe mae Silas. Mare magnahaghei hatadi phiamare mala tei ke uludi naikno te gnafare.

Mae Khuru 25:23

Ka keha narane na, mae Agripa ghe greghagna Benis ne ruma ka nafnakno ka suga biꞌo mala fate na, eghuteuna naiknore ghatho tahudi fara repa ne edi kmana glepo ranghidi repa leghuni nodi kastom thedi na. Hatimare mae funei biꞌodi armi nei hatimare mae biꞌogna namono na eghu haghe ne gnokro baludi repa. Eghuteuna mae Festas ne chekedi hatimare mae soldiare mala hata meini mae Pol.

Mae Khuru 24:22

Mae Gavana Filiks kulu laseni fara eigna nogna puhi mae Jisas gne. Aonu mana ne fahuhui fate na ne cheke eghu, “Kate mei mae funei biꞌo Lisias na, iara ginauna cheke tughuni nomi puhi ghotilo gne.”

Mae Khuru 24:6

Mana jaola magnahaghei fariuriu fathonani u Sugablahi na. Naugna igne site lokini ghehati mae ignea. Ghusnani sagho themu mae tuana, iagho ginauna na kafe nomhidi cheke te fathoro lao ghehati ka mana re.”

Mae Khuru 23:17

Aonu mae Pol ne cheke eghu ka kaisei mae biꞌodi hatimare mae armi, “Hata tei mae majaghani igne ka mae funei biꞌo ia. Naugna mana au kaisei nonomho malagna mana.”

Mae Khuru 22:22

Naiknore fanomho neu ka mae Pol ne ghilei chekeni mana igne. Aonu naiknore ne funu eha fabiꞌo eghu, “Faleheni! Mae igne theome nabagna te karha!”

Mae Khuru 21:38

Iara jau iagho maemu Ijep teke ei puhi ranghini gavman gna Israel tifa ia neu sia. Mana neke batudi fati thogha mae te diꞌa puhidire neke tei balugna ka namono nagou na.”

Mae Khuru 19:40

Iara chekeni igne naugna keha naiknore jame filoni magra biꞌo te eni ginei ia. Tahati ginauna theome tangomana te rurutha ka mare kaisei glepo te keli eigna unha te khapruni tahati gognaro gne.”

Mae Khuru 10:1

Jare kaisei mae gna Rom te au ka namono Sisaria, nanghagna na mae Konilias. Mana kaisei mae funei ka tothoghei te kiloni “Tothoghei gna Itali.” Mae Konilias gne batuni kaisei gobi mae soldia gna Rom.

Jone 18:12

Aonu mae soldia, balugna nodi mae funei na, nei keha mae Jiu te reireghi gna Sugablahi na eghu ne mei lokini mae Jisas. Mare haru fodu phia khamegna mana re.

Jone 16:2

Naiknore ginauna faꞌau kosi ghami ghotilo ka nodi suga tharai are. Uve, narane na mei, mare ginauna falehe ghami ghotilo. Eghuteuna mare gaoghathodire ne enihi unha te magnahagheni God na eghu.

Nonomho Te Keli Teke Risoi Mae Mak 14:2

Hatimare ne cheke eghu, “Tahati theome tangomana te lokini mana kau narane Gaghamu gre, na eghunu magra biꞌo naikno gre eghu.”

Matiu 26:5

Mare kaisei gaoghatho ne cheke eghu, “Tahati na theome eni igne ke lamnagna gaghamu na. Na glahu diꞌa tadi fara ka tahati naiknore na fufunu kaisei magra biꞌo.”

Ululahu Kings 1:41

Ka vido igne mae Adonaeja nei mae teke kilodi mana igre eghu ne namo gnafa ghamu. Kate nomhidi te thagru nei naogladi khufli teu igre, mae Joab ne cheke eghu, “Unha site nomhi teidi iara ka namono biꞌo na area?”

Matiu 27:27

Nogna soldia mae Paelat igre hatani mae Jisas ne tei ka sugagna mae gavana. Aonu hatimare mae soldia igre ne kafe mei kegra faligohoni mae Jisas.

Mae Khuru 26:21

Naugna igne hatimare mae Jiu gre ne magnahaghei te loki ghau iara ke lamnagna Sugablahi na, eghuteuna mare fariuriu mala falehe ghau iara.