Mae Khuru 21:27 - Buka Blahi Ka Cheke Holo

²⁷ Kate namo gnafa fitu narane igre, keha mae Jiu di ka Provins Esia ne filoni mae Pol ke lamnagna Sugablahi na. Mare faꞌeiꞌei ne ghilei diꞌa tadi naiknore ne tei lokini mae Pol.

Mae Khuru 21:27 ပူးပေါင်းရင်းမြစ်များ

Mae Khuru 26:21

Naugna igne hatimare mae Jiu gre ne magnahaghei te loki ghau iara ke lamnagna Sugablahi na, eghuteuna mare fariuriu mala falehe ghau iara.

Mae Khuru 24:18

Kate eni iara igne, mare mei ne filo ghau iara ka Sugablahi na, ke leghugna tela gaehi iara ke ulugna God na. Ka vido tuana iara neke theome eni kaisei puhi, nei jare na theome kmana naikno teke khapru faligoho ghau iara na.

Mae Khuru 13:50

Nu goro mae biꞌodi Jiure ne cheke faheta ka goro mae biꞌo nei goro nakrupe eghu gna nohi tuana mala thosei leghudi mae Pol ghe mae Banabas. Mare ne funu eꞌei puhi biꞌo ranghidi mae Pol ghe mae Banabas ne brue fajifladi phiamare ka nodi nohi na.

Mae Khuru 18:12

Ka finogha te Primia mae Galio ka Provins Akaia, goro mae biꞌo Jiure khapru ne lokini mae Pol ne hatani mana ka fate.

Mae Khuru 17:13

Nu kate nomhini mae biꞌodi Jiu te au Tesalonika te toutonuni mae Pol chekegna God Berea na, mare jifla Tesalonika ne tei thokela Berea. Mare faꞌeiꞌeidi naiknore mala diꞌa tadi ka mae Pol ghe mae Silas.

Mae Khuru 14:19

Keha naikno Jiure ne mei funudi Antiok nei Aekoniam. Mare mei ne huhurudi naiknore mala thosei leghuni mae Pol. Aonu mare fadi thina ni mae Pol ne korho teini mana ke kosi namono. Mare gaoghathodi na jaula lehehi mae Pol eghu.

Mae Khuru 14:5

Keha mae Jiu nei keha mae te theome Jiu nei keha mae biꞌo eghu ne roghe mala fadi falehedi mae Pol ghe mae Banabas ka thina.

Mae Khuru 14:2

Nu keha mae Jiu te tirodi fatutuanire ne toutonu chaichaghi ka naikno te theome Jiure mala diꞌa tadi nei theome magnahagheidi eghu mare naikno khiloau re.

Mae Khuru 6:12

Ka puhi igne, keha naiknore baludi mae biꞌodi hatimare mae Jiu nei hatimare mae velepuhigna vetula nogna mae Moses eghu ne thono diꞌa tadi fara ka mae Stivin. Mare mei ne lokini mae Stivin hatani mana ne tei ke uludi mae mala fate mala fateni mana.

Mae Khuru 5:18

Eghume, mare lokidi mae khurure ne koko lao kau suga sosolo.

Mae Khuru 4:3

Mare lokidi mae Pita ghe mae Jone ne tei koko laodi ka suga sosolo. Mare magnahaghei fatedi phiamare, aonu phiamare au jare ne ghilei hamerane naugna la rafihi.

Luku 21:12

“Nu ame thoke mei nga gobigna lepo igre teuna, naiknore ginauna loki ghami nei para ghami eghu ghotilo, eigna ghotilo ne fatutuani ghau iara. Mare ginauna hata ghami ghotilo tei ka fate ke lamna suga tharai. Eghuteuna mare ginauna na faruma ghami ghotilo ka suga sosolo. Mare ginauna na huhuru ghami ghotilo mala kegra ke uludi hatimare mae funei ba ke uludi hatimare mae king. Mare ginauna na edi glepo igre ka ghotilo, naugna ghotilo ne leghu ghau iara.

Ululahu Kings 21:25

(Theo kaisei mae te jateula King Ehab teu te snakreni nakarhagna na te mala eni glepo te thono diꞌa fara ka tathagna Lord na. Gobigna lepo te edi mana igre thono diꞌa fara, khetogna mana Jesebel igne te batuni mana na.

Naba 6:9

“Jame kaisei mae lehe ka dei hoholo rhegna kaisei mae ka tothoghei Nasaraet na, puhi igne ginauna fadiꞌani khaklagna mae gna Nasaraet na. Eghume mana na ofo nabagna fitu narane, ke leghu ame ke kuchi nga mana khaklagna re eghu mala klino ka tathagu iara na.

Naba 6:13

“Uve, igne vetula te mala leghuni mae Nasaraet gne kate gnafa gna nogna narane teke nhaꞌa cheke na, mare ginauna tathalei meini mana ka grengatha gna Suga Thapuale te blahi igne.

Naba 19:11

Lord ne cheke eghu, “Mae iheire te habo ka thinidi naikno te lehe re, mare theome klino ka tathagu iara na nabagna fitu narane.

Mae Khuru 2:9

Tahati gne funuda ka namono Pasia, Midia, Ilam, Mesopotemia, Judia, Kapadosia, Pontas nei Esia,

Mae Khuru 6:9

Nu keha mae Jiu te theome fatutuani ni mae Jisas re ne funu tirodini mana. Mare au ka nodi suga tharai mae Jiu te kiloni “Nodi suga tharai mae te snagla kolho.” Suga tharai igne na maladi mae Jiu te mei funudi ka namono Saerini nei ka namono Aleksadria nei ka Provins Silisia nei ka Provins Esia. Mare mei ne magra ka mae Stivin,

Mae Khuru 16:6

Mae Pol nei mae balugna re eghu ne tei sala'u ka Provins Frijia nei Provins Galesia. Naugna mae Tharunga te Blahi na theome snakredi mare te toutonuni u Nonomho te Keli na ka Provins Esia.

Mae Khuru 20:19

Iara eni nogna gloku Lord na ka puhi te theome ghatho ghau thegu, eghuteuna kmana fata iara tanhila ngau eigna gloku te biꞌo igne. Kate magnahaghei falehe ghau iara mae Jiure, iara au papara fara.

Mae Khuru 24:11

Gognaro gne nabotho phei narane ngala ke leghugna teke tei iara Jerusalem teke pogho soru ranghini God. Goro mae biꞌo are tangomana te cheke eghula ka iagho.

Fapea Korin 11:26

Kmana fata ka nogu thei na, iara namo lehe ka khoꞌu biꞌo ba ka naikno te blau, ka kheragu fofodu mae Jiu, nei ka iheire te theome Jiu. Iara namo lehe ka namono biꞌo, nei ka namhata, nei ka thongna. Eghuteuna iara namo lehe ka iheire te chekeni “Ghehati naikno khiloau” nu mare chaichaghi kolho.

Ululahu Tesalonika 2:16

Mare fariuriu lhoti ghami ghehati te mala cheke ranghidi iheire te theome Jiu mala fakarhidi. Kate eni igne, mae Jiu tuare fodu salaꞌui ka nakhibo. Eghuteuna leghu lahu na, diꞌatagna God na la meihi ke klignadi mare.