Mae Khuru 21:20 - Buka Blahi Ka Cheke Holo

²⁰ Kate nomhini mare nogna cheke mae Pol igne, mare ne kilo fnaknoni God. Aonu mare ne cheke eghu ka mae Pol, “Ghema thabusigna, iagho laseni kmana thogha mae Jiu la fatutuani ni mae Jisas, eghuteuna mare jaola kafe leghuni fara nogna vetula mae Moses.

Mae Khuru 21:20 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 10:2

Iara lasedi, mare thofno fariuriu fara te mala leghuni God na, nu mare theome raꞌe laseni puhi te doglo na neu.

Galesia 1:14

Eghuteuna iara heta fara mala leghu fakelini nodi kastom hatimare mae biꞌomi Jiu tifa ra. Ka puhi igne iara loku heta fara uludi kmana mae kheragu te majaghani ra.

Mae Khuru 22:3

“Iara kaisei mae Jiu, eghuteuna iara neke karha ka namono Tasis ka Provins Silisia, nu iara neke biꞌo haghe agne Jerusalem. Mae biꞌo teke farirhiu ghau iara na mae Gamalio, eghuteuna mana neke farirhiu fakeli ghau iara te mala leghuni nodi vetula mae ku'edara. Iara thofno heta fara te mala fafnaknoni God ka gobigna lepo te edi iara re, jateula te eni ghotilo gognaro gne eghu.

Mae Khuru 15:1

Keha maedi Judia ne mei posa Antiok. Mare farirhiu ne cheke eghu ka naikno khiloau re, “Te theome leghuni ghotilo nogna vetula mae Moses eigna tohi fagaglana na, God ginauna theome fakarhi ghami ghotilo.”

Mae Khuru 11:18

Kate nomhini naikno khiloau re igne, mare ne theome chekeni kaisei glepo ka mae Pita. Nu mare ne cheke fakelini God, ne cheke eghu, “Eghume, God ne snakredi naikno te theome Jiure mala figri ka mana mala karha.”

Mae Khuru 15:5

Nu keha naikno khiloau teke au ka mae tothoghei Farasire, kegra haghe ne cheke eghu, “Iheire te theome Jiu nabadi te kulu tohi fagaglana ame mei nga mare ke lamna khiloau. Tahati farirhiudi mala leghuni mare nogna vetula mae Moses!”

Fapea Tesalonika 1:10

Kate mei ka narane biꞌo tuana, mana ginauna hata nafnakno ka nogna naikno blahire. Eghuteuna naikno teke fatutuani ni mana tuare ginauna kilo fnaknoni mana. Ghotilo ginauna au ke lamnagna tothoghei naikno fatutuani tuana, naugna ghotilo ne fatutuanidi unha te chekedi ghehati ra.

Mae Khuru 15:24

Ghehati nomhinihi keha mae ka tothoghei ghehati gne ne ari ka ghotilo ne eꞌei puhi ne fadiꞌadi nagnafami ghotilo re ka unha teke chekedi mare re. Nu ghehati neke theome farirhiudi mare mala eni tuana!

Mae Khuru 6:7

Chekegna God na tei thoke heva heva ka naiknore. Tothoghei naikno khiloau te au Jerusalem ka narane tuare gognaro biꞌo la biꞌo, eghuteuna jaola kmana nodi tothoghei pris mae Jiu gre la funu fatutuani nei leghuni mae Jisas.

Mae Khuru 4:21

Hatimare mae biꞌo neke fapea fata famamhaghudi phiamare, nu ke leghugna igne na mare neke snakre teidi phiamare. Ninhigrana ranghidi mare te mala fakabrudi phiamare na. Naugna mare filo glanidi naikno te gnafare la funu kilo fnaknoni God eigna u kofubobhoi teke eni phiamare igne.

Mae Khuru 4:4

Nu kmana naikno te nomhidi nodi cheke phiamare re ne fatutuani ni mae Jisas. Eghuteuna naikno te fatutuani ni mae Jisas gognaro na thokei glima thogha.

Mae Khuru 2:41

Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.

Jone 12:24

Tutuani fara te chekeni iara ka ghotilo na. Jame kaisei sisi sopho koko soru ka glose na eghuteuna lehe, sisi tuana ginauna kotu haghe, eghuteuna ginauna ure sisi kmana. Nu jame te theome koko soru sisi tuana ka glose te lehe na, sisi tuana ginauna na kaisei fabrahu kolho.

Luku 15:32

Nu ghehati neke eni gaghamu igne, mala gleale'a fodu balugna mana, naugna mae tahimu igne neke lehehi, nu gognarona kela karha fapulo. Mana neke snivihi nu gognarona kela kakhana.’ ”

Luku 12:1

Kaisei fata, kmana thogha thogha naikno ne khapru faligohoni mae Jisas mala fanomho ka mana ne ghilei tapla kligna naikno. Ame cheke nga mae Jisas ka naiknore teuna, mana ne kulu cheke eghu ka nogna mae fanomhore, “Fiofilo ghami ka puhidi mae Farasi gre. Mare chaghidi fara naiknore.

Nodi Khoje Hatimare Mae Jiu 22:27

Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.

Nodi Khoje Hatimare Mae Jiu 22:23

Iara ginauna na cheke eghu, “Ghotilo maemi Israel, vikegna mae Jekop te ghatho tahuni nei pogho soruni teu God ra. Ghotilo mala cheke fakelini mana.

Galesia 1:24

Eghuteuna naikno khiloaure ne kilo fnaknoni God eigna unha te eni mana ka iara na.

Matiu 9:8

Naiknore filoni igne ne jaglo nodi fara balu mhaghu. Mare ne kilo fnaknoni God naugna God ne tusu lao nafnata nolaghi te biꞌo igne ka naiknore.