Mae Khuru 21:13 - Buka Blahi Ka Cheke Holo

¹³ Nu mae Pol ne cheke eghu, “Ba, naugna unha site tanhi ghotilo te diꞌanagnafagu fara iara gnea? Iara gne tarabanau ngala te mala haru ghau mare Jerusalem na. Eghuteuna iara gne tarabanau ngala te mala lehe ranghini noda Lord Jisas!”

Mae Khuru 21:13 ပူးပေါင်းရင်းမြစ်များ

Mae Khuru 20:24

Nu iara theome nanga noguni nakarhagu na. Naugna glepo te ulu na te mala eni fagnafa iara u gloku mala eni iara teku teke tusu mei ka iara noda Lord Jisas. Gloku igne mala toutonuni iara ka naiknore eigna nogna namha biꞌo God.

Filipae 2:17

Nomi fatutuani ghotilo na jateula kaisei fafara te tusu lao tahati ka God ia eghu. Nu jame falehe ghau iara mare na, dadaragu iara na ginauna thofa jateula kaisei fafara te salofodu baludi nomi fatutuani ghotilo ra eghu. Iara ginauna gleale'a fara kolho balumi ghotilo.

Fapea Timoti 4:6

Iara chekeni igne, naugna gognaro na la thoke meihi nogu narane te mala jifla kokoni iara nakarha igne. Nakarhagu iara na jateula u waen te tofa mare ke kligna olta te mala fafara ka God gognaro gne eghu.

Thakle 12:11

Hatimare mae kherada ka khiloau gne neke tapla sorunihi mana naugna Lam na neke thofa dadaragna na neke lehe. Hatimare jaola neke tapla soruni mana naugna mare neke toutonuni ni u cheke te tutuani na. Mare theome mhaghu mala lehe malagna God nu mare neke snakre lao nakarhadire ranghini mana.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Fapea Pita 1:14

Naugna iara laseni nakarhagu ka nauthoglu gne theome au raugha. Noda Lord Jisas Kraes neke chekeni igne ka iara.

Mae Khuru 20:37

Eghuteuna mare ne kafe loku famaku ka mae Pol ne gnanghoni mana fabrahu balu tanhi, naugna mae Pol ne chekeni ka mare, mare ginauna nake theome filo tathani mana. Aonu mare ne tei balugna mana ka vaka na.

Mae Khuru 5:41

Mae khurure ne jifla ka nodi suga mae mala fate re balu gleale'a naugna God lasedi mae igre nabadi te au papara eigna nanghagna mae Jisas.

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.

Fapea Timoti 1:4

Gognaro na iara magnahaghei fara te ari filo nigho mala ke keli gaoghathogu na, eigna iara neke ghatho fapuloni teke tanhi ghau iagho ia.

Ululahu Korin 15:31

Tutuani fara kheraguro, iara au papara malagna Kraes leuleghu narane. Nu iara jaola gleale'a ka ghotilo kate ghathoni te kaisei tahati balugna Kraes na.

Mae Khuru 9:16

Eghuteuna iara thegu ginauna na falaseni mana niha nafnata naꞌau papara nate thokeni mana kate toutonu thakleni nanghagu iara na.”

Filipae 2:26

Mae Epafrodaetus gne thono magnahaghei teke ari filo ghami ghotilo. Mana nanga nogna fara naugna ghotilo la nomhinihi mana teke fogra agnea.

Profet Jona 1:6

Kate filoni mana na, kapten ne cheke eghu fabiꞌo ka mana, “Sei! Thuru unha sagho ia? Dofra, tarai balu eha fabiꞌo ka nou god na! Glahu kokhoni ghita mana, eghuteuna tahati ginauna theome lehe.”

Profet Esikiel 18:2

“Ghotilo naiknomi Israel gre magnahagheni fara te chekeni koba cheke naba igne: “ ‘Kuꞌedara neke ghamu fuꞌa gaju grep te theome muita re, nu raha kolho ka foflodi gradire.’

Profet Isaia 3:15

Theome doglo te goigonidi ghotilo nogu naikno iara igre, eghuteuna puhi te eni ghotilo igne, jateula te tapla ka phaꞌudi naikno te kuma ra eghu thofno diꞌa fara.” Igne nogna cheke Lord mae ihei te au nolaghi fateote'o.

Ululahu Samuel 15:14

Nu mae Samuel ne cheke eghu, “Nu ne faꞌunha site nomhidi iara buluka nei sipu eghu te eha nei tanhi teu ra?”

Ululahu Samuel 1:8

Kate laseni mae Elikana puhi igne, mana ne ghusna eghu ka naꞌa, “Hana, ne faꞌunha sagho te diꞌanagnafa, tanhi nei tirou ghamu teu gnea? Iara gne khetomu iagho, iara thofno keli fara ka iagho salaꞌuni te au iagho nabotho sua na!”

Profet Jeremaea 40:1

Ka narane igne mae soldia di Babilonia gre neke atha naikno di Jerusalem nei Juda teu igre neke tei au Babilonia. Mare jaola neke atha profet Jeremaea baludi. Eghuteuna mare neke haruni mae Jeremaea baludi naiknore ka chen, atha ne tei thoke ka namono Rama. Kate au teu mare ka namono igne, mae Nebusaradan mae funei gna nogna armi mae king gna Babilonia igne ne filoni mae profet Jeremaea ne atha fajiflani mana ka sosolo. Ka narane igne Lord ne cheke ka mae Jeremaea.

Ululahu Kronikols 11:18

Thilo mae soldia te nheta fara igre nomhini igne kegra haghe ne tei ka vido aheva te au teu soldia di Filistia tagna na, eghuteuna thilo mare doglo ne tei fari hoteidi mare ne tei hata khoꞌu ka seu igne hata neke figri ka mae Devet. Nu mana ne theome koꞌu khoꞌu igne, mana ne totofa khoꞌu igne jateula kaisei nogna fafara ka Lord neu ne tarai eghu,