Mae Khuru 20:35 - Buka Blahi Ka Cheke Holo

³⁵ Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Mae Khuru 20:35 ပူးပေါင်းရင်းမြစ်များ

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Matiu 10:8

Fakarhidi iheire te fogra, fakarha fapulodi iheire te lehe, ke faklinodi iheire te thubu biꞌo fara ka khabru te kiloi leprosi, nei bruedi naiture. Iara tusu ari ka ghotilo nolaghi te mala edi glepo igre, nu ghotilo neke theome foli ka iara. Eghume ghotilo gognarona tei mala ke jaola ranghidi keha naiknore, nu thosei toredi mare mala foli ghami eghu.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Letas Teke Riso Tei Mae Pol Ka Khiloau Rom 15:1

Te keli na tahati mala heta ka noda fatutuani na mala toghodi iheire te theome lase fakelini unha lepo God te snakredi mare te mala eni na. Tahati mala toghodi ka unha te nanga nodini mare na, eghuteuna tahati theome mala eni kolho unha te magnahagheni theda na.

Mae Khuru 20:27

Naugna iara la chekedihi ka ghotilo gobigna lepo te magnahaghedi God te mala lasedi ghotilo re.

Profet Isaia 35:3

Jame te theome nheta khamemi ghotilo are, eghuteuna ghahemi ghotilo re glaꞌe teuna, ghotilo ke farerheta fapulo.

Hibru 13:3

Ghathodi iheire te au ka sosolo, jateula te au themi baludila ka sosolo eghu. Eghuteuna ghathodi iheire te kabru, jateula te kabru themi eghu.

Efesus 4:28

Mae ihei te blau koba na, lilisei nafnata puhi tuana mala ke funu loku fakeli. Te keli na mana loku heta mala tangomana te toghoni thegna ka puhi te keli nei tangomana te toghodi iheire te kuma.

Mae Khuru 20:20

Ghotilo lasenihi te toutonuni iara ka ghotilo u Nonomho te Keli gne, eghuteuna iara farirhiu ghami ghotilo farihotei glalaba ka namono biꞌo ba ka sugami ghotilo ra. Kate eni gloku igne, iara theome ghatho peapea te chekeni ka ghotilo glepo te mala togho ghami ghotilo na.

Profet Isaia 32:8

Nu mae te keli na sasaꞌa te mala toghodi keha naiknore, eghuteuna leuleghu fata na mana ghaoghatho te mala edi glepo te kelire.

Fapea Korin 12:13

Eghume iara neke togho ghami ghotilo jateula te edi ka keha khiloaura eghu. Kaisei glepo kolho te theome eni iara ka ghotilo na, iara neke theome tore ka ghotilo mala togho ghau ka sileni. Tore! Jame te ghathoni ghotilo te jafra iara ka igne na, iara tore ghami ghotilo mala hata fadeleidi nakhibogu iara re eigna igne!

Fapea Korin 11:9

Eghuteuna kani teke au iara balumi ghotilo ia iara neke ari neke kmo'e ka glepo, eghuteuna iara neke theome chekeni kaisei naikno ka ghotilo. Hatimare mae thabusigna teke mei funu ka namono Masidonia, mare hata neke mei gobigna lepo teke kmo'edi iara re. Eghume iara neke theome fagloku biꞌo ghami ghotilo ka kaisei glepo tifa na, eghuteuna iara ginauna jaola theome fagloku biꞌo ghami ke leghu na.

Ululahu Tesalonika 4:11

Hati nhetami na au ka nakarha te muana. Loku fakelidi nomi gloku themi are, nei loku ka khamemi themi are. Naugna ghehati neke kulu chekehi ka ghotilo te mala edi glepo igre.

Fapea Korin 11:12

Keha naiknore magnahaghei fara te mala fahaehaghedi thedi nei chekeni koba nodi glokure te kaisei nanaba ka ghehati mae khuru gre teuna. Nu iara magnahaghei te mala fanogradi mare ka igne. Naugna igne, iara leghuni fabrahu kolho puhigu thegu na.

Ululahu Korin 9:12

Keha naiknore au nodi nolaghi te mala salo glepo ka ghotilo na. Tutuani fara, ghehati jaola au nolaghi biꞌo uludi mare! Nu ghehati theome loku ka nolaghi igne. Theo. Neubane ninhigrana ranghi ghami gobigna lepore, ghehati theome toreni kaisei glepo ka ghotilo, naugna ghehati theome magnahaghei te eni kaisei glepo te mala fanograni u Nonomho te Keli eigna Kraes na.

Mae Khuru 20:34

Eghuteuna ghotilo themi lase nila, iara thegu loku heta ka khamegu igre mala ludedi gobigna lepo te magnahaghedi iara ba te magnahaghedi kheragu fofodure.

Mae Khuru 20:36

Kate chekeni igne, mae Pol tuturupuku soru baludi mare gnafa ne tarai.

Fatilo Jone 1:7

Eigna mare tei toutonuni mae Kraes. Nu mare theome hata thotogho ka hatimare mae bongihehe, neuba mare ne toutonu ranghidi u Nonomho te Keli eigna mae Jisas Kraes.