Mae Khuru 20:30 - Buka Blahi Ka Cheke Holo

³⁰ Jaola keha ka ghotilo themi ginauna toutonu chaichaghi ka naikno khiloau re mala leghudi thedi kolho.

Mae Khuru 20:30 ပူးပေါင်းရင်းမြစ်များ

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Proveb 23:33

Tathamu iagho are ginauna filodi thua nafnata glepo, eghuteuna gaoghathomu iagho na ginauna ghathodi thua nafnata glepo te diꞌa.

Mae Khuru 11:26

Kate ludeni mae Sol na, mae Banabas ne tathaleini mana neke pulo Antiok. Mae Banabas ghe mae Sol ne au kaisei finogha thongana Antiok baludi naikno khiloau re. Eghuteuna phiamare ne farirhiudi kmana naikno jare. Namono ulu lahu te kilodi mae fanomhore u nangha naikno khiloau teu igne, Antiok.

Proveb 19:1

Mae te kuma, nu doglo nakarhagna na teuna, mana thofno keli fara uluni mae te fameomekro na balugna nogna cheke te diꞌa na.

Thakle 2:6

Nu kaisei glepo te gleale'ani iara ka ghotilo na, ghotilo theome magnahagheni puhidi naikno te leghuni nogna farirhiu mae te diꞌa Nikolas gne. Iara jaola theome magnahaghedi puhidi naikno tuare.

Fapea Jone 1:7

Kmana mae velepuhi chaichaghi ke lamnagna nauthoglu gne gognaro na. Mare tirodi fatutuani ni mae Jisas Kraes teke mei ka nauthoglu gne te vuhai thini jateula kaisei mae ka tahati. Nafnata naikno te tirogna fatutuani igne kaisei mae chaichaghi nei kaisei nogna naoka mae Kraes.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Ululahu Timoti 5:13

Jaola thau majaghani teke lehe khetodire igre ginauna fiti au kolho nei leuleghu suga tafri kolho. Eghuteuna nafnata puhi te eni rehati igne ginauna thono diꞌa fara, eigna rehati ginauna funu vuavuha chekedi keha naiknore, eghuteuna na farugusidi thedi ka nakarhadi keha naiknore. Jaola rehati chekedi koba glepo te theome naba te mala chekedire.

Mae Khuru 21:38

Iara jau iagho maemu Ijep teke ei puhi ranghini gavman gna Israel tifa ia neu sia. Mana neke batudi fati thogha mae te diꞌa puhidire neke tei balugna ka namono nagou na.”

Matiu 23:15

“Uve, puhi biꞌo ka ghotilo mae velepuhi nei mae Farasi teu igre! Ghotilo chaghi fara! Naugna ghotilo tei kasa nhorora ba moumolu mala harini ihei te mala leghudi puhimi ghotilo re. Ke leghugna te leghudi puhimi ghotilo re, mana ginauna diꞌa fara ke tulaomi ghotiloi, eghuteuna naba te tei Gehena jateula ghotilo themi eghu.

Profet Isaia 59:3

Ghotilo naikno mala chaghi nei mala cheke diꞌa eghu! Ghotilo naikno mala magra nei mala falehe naikno eghu!

Profet Daniel 11:34

Nu kate aknu falehedi koba king nogna naikno God igre na, katha vido thotogho kolho nate mei ka mare na. Neubane kmana naikno te ruma mei ka nogna naikno God igre na, nu kehare chaichaghi kolho.

Fapea Korin 11:13

Mae tuare theome thofno mae khuru tutuani nu mare mae khuru chaichaghi kolho. Hatimare chaghi eidi nodi glokure, eghuteuna mare fariuriu mala jateula nogna mae khuru tutuani Kraes eghu ka gaoghathodi naiknore.