Mae Khuru 20:3 - Buka Blahi Ka Cheke Holo

³ ne au jare thilo nhigra. Ke leghugna igne, mana tarabana mala tei ka vaka thoke ka Provins Siria, nu mana ne nomhidi keha mae Jiure ne ghaoghaho mala faleheni mana. Aonu mae Pol ne tughu nagnafa neke pulo sala'u ka Provins Masidonia.

Mae Khuru 20:3 ပူးပေါင်းရင်းမြစ်များ

Mae Khuru 20:19

Iara eni nogna gloku Lord na ka puhi te theome ghatho ghau thegu, eghuteuna kmana fata iara tanhila ngau eigna gloku te biꞌo igne. Kate magnahaghei falehe ghau iara mae Jiure, iara au papara fara.

Fapea Korin 11:26

Kmana fata ka nogu thei na, iara namo lehe ka khoꞌu biꞌo ba ka naikno te blau, ka kheragu fofodu mae Jiu, nei ka iheire te theome Jiu. Iara namo lehe ka namono biꞌo, nei ka namhata, nei ka thongna. Eghuteuna iara namo lehe ka iheire te chekeni “Ghehati naikno khiloau” nu mare chaichaghi kolho.

Mae Khuru 25:3

Mare ne cheke eghu ka mana, “Ghema, ghehati thono magnahaghe nigho iagho te kuru fapuloni mae Pol Jerusalem.” Mare ne cheke eghu, naugna mare ghaoghaho mala falehe poruni mae Pol kate mei mana ka nabrou na.

Fapea Korin 7:5

Kate tei posa ghehati Masidonia na, ghehati neke theome gnafa. Naugna thua nafnata puhi te edi ka vido tuana. Naiknore mei fapoaphola balumi ghehati eghuteuna ghehati themi na nanga nomi fara.

Galesia 1:21

Ke leghugna igne, iara neke tei ka phei Provins Siria nei Silisia.

Fapea Korin 1:15

Iara neke magnahagheni fara te kulu ari filo ghami ghotilo tifa na naugna iara thofno fatutuani ghami ghotilo te lase ghau iara te loku fadoglo ke ulumi. Tutuani, iara neke ghathoni kate filo ghau iara na ghotilo tangomana te phei fata gleale'a na.

Mae Khuru 21:3

Ghehati tei ne sala'u ke mata moumolu Saeprus, nu ghehati doglo ne thoke Siria, eghuteuna tei me longa ka namono biꞌo Taea. Naugna mare magnahaghei te fasoru gluja jare.

Mae Khuru 19:21

Ke leghudi te edi glepo igre, mae Tharunga te Blahi na ne batuni mae Pol ne tei thoke Jerusalem. Eghuteuna ame tei thokei nga Jerusalem teku na, mana magnahaghei te tei sala'u ka phei provins Masidonia ghe Akaia. Mana ne cheke eghu, “Ke leghugna te tei iara ka namono igre, iara ginauna na tei thokela Rom.”

Mae Khuru 18:18

Mae Pol ne au Korin kmana narane baludi naikno khiloau re. Ke leghugna igne, mana jifla ne tei ka namono Kenkria. Jare mana ne kuchi fakmoꞌei khaklagnare. Igne kaisei nogna nhaꞌa cheke mana ka God. Aonu mana saghe ka vaka ne tei Siria. Prisila ghe mae Akuila ne tei balugna mana

Mae Khuru 16:9

Ka bongi tuana mae Pol ne mifi. Ka mifi tuana mae Pol ne filoni kaisei mae gna ka Provins Masidonia mei ne kegra ke ulugna mana ne toreni fara eghu, “Liu mei sagho Masidonia mala togho ghami ghehati!”

Profet Jeremaea 5:26

“Keha mae ka ghotilo ofo naikno koba ka geri nabrou mala eni puhi te diꞌa na. Mae igre jateula mae ihei te ofo nanghaji te mala fakhale ka nogna fangna ra eghu theome keli puhidire.

Proveb 1:11

Glahu cheke eghu mare ka iagho, “Iagho mei balumi ghehati! Tahati na ari poru ofou ke mata nabrou mala aknu falehedi naikno te keli are mala nenei nodadi.

Esra 8:31

Ka fabotho phei naranegna nhigra ulu lahu igne ghehati jifla ka khoꞌu biꞌo Ahava leghu nabrou ne tei mala tei posa Jerusalem. Eghuteuna God ne au balumi nei reireghi fakeli ghami neu ghehati ka naoka ba iheire te poru teu ka geri nabrou mala blau naikno ba falehe naikno.

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Mae Khuru 16:12

Funu jare ghehati mhata ne tei ka namono Filipae, kaisei namono ulu ka nohi ke lamnagna Provins Masidonia. Ghehati ne au keha narane ka namono tuana. Namono tuana neke hohoro hatimare mae Rom.

Mae Khuru 20:1

Kate gnafa puhi igne, mae Pol ne kilo fodudi naikno khiloau re ne cheke ranghidi mala kegra maku ka nafnata puhi te edi igre. Ke leghugna te cheke ranghidi naiknore, mae Pol kubae ne jifla ne tei Masidonia.

Mae Khuru 20:2

Kate tei sala'u ka namono te kmana ke lamnagna provins tuana, mae Pol ne cheke faheta ka naikno khiloau re mala thosei nigra. Aonu mana tei ne thoke ka Provins Akaia,