Mae Khuru 20:27 - Buka Blahi Ka Cheke Holo

²⁷ Naugna iara la chekedihi ka ghotilo gobigna lepo te magnahaghedi God te mala lasedi ghotilo re.

Mae Khuru 20:27 ပူးပေါင်းရင်းမြစ်များ

Mae Khuru 20:20

Ghotilo lasenihi te toutonuni iara ka ghotilo u Nonomho te Keli gne, eghuteuna iara farirhiu ghami ghotilo farihotei glalaba ka namono biꞌo ba ka sugami ghotilo ra. Kate eni gloku igne, iara theome ghatho peapea te chekeni ka ghotilo glepo te mala togho ghami ghotilo na.

Ululahu Tesalonika 2:4

Nu God neke fariuriu nei fatutuani ghami ghehati te mala toutonuni Nonomho te Keli gne. Kate toutonuni Nonomho te Keli na ghehati theome fariuriu mala keli tadi naiknore. Theo. Ghehati fariuriu mala keli tagna God, mae ihei te fariuriudi nagnafadare.

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Galesia 4:16

Ba, gognaro na ghotilo nogu naikno naoka iara naugna te chekeni iara glepo te tutuani na?

Efesus 1:11

Gobigna lepo igre God neke edi leghuni nogna gaoghatho nei glalase teu thegna na. Mana ne leghuni nogna gaoghatho thegna na neke vahi ghita tifa mala nogna naikno Kraes.

Ululahu Korin 11:23

Farirhiu teke hata iara ka Lord na tela tusu arihi iara ka ghotilo ana. Tutuani, ka bongi mae Judas teke snakreni Jisas ka khamedi mae naokare, Lord Jisas neke hata bret na,

Mae Khuru 20:35

Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Luku 7:30

Nu mae Farasi nei mae velepuhigna vetula nogna mae Moses teu igre, mare ne tirodi leghuni nogna ghaoghatho God te maladi thedi na. Mare theome magnahagheni mae Jone te faꞌapublahidi.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Nodi Khoje Hatimare Mae Jiu 32:11

Ghotilo naikno te doglo fara puhimira, ghotilo kelitami nei glealeꞌa eghu ka glepo te keli te edi Lord re! Ghotilo naikno te keli ka tathagna Lord ra, ghotilo mala glealeꞌa balu koje fabiꞌo!

Jone 15:15

Gognarona iara theome kilo ghami ghotilo mae gloku, naugna mae gloku na theome tangomana te laseni gaoghathogna nogna mae funei na. Nu iara kilo ghami ghotilo mae kheragu iara, naugna iara chekedi ka ghotilo gobigna lepo teke chekedi mae Mama ka iara re ngala.

Profet Jeremaea 23:22

Nu jame te kegra mare ke ulugu iara na, mare tangomana te chekeni thofno chekegu iara na ka nogu naikno iara re. Eghuteuna cheke igne tangomana nate toghodi naiknore te mala theome leghuni nabrou te diꞌa na.”

Mae Khuru 13:36

“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.

Nodi Khoje Hatimare Mae Jiu 40:10

Iagho neke togho ghau nei fakarhi ghau neku iara, eghume iara na theome poruni igne. Iara la chekenihi eigna iagho te leghuni nou nhaꞌa cheke na te fakarhi ghami ghehati na. Iagho namhadi nei tajidi eghu koba nou naiknore, eghume iara na theome poru ni igne ka naikno te khapru mei te mala tarai re.

Profet Jeremaea 26:2

“Iagho tei kegra fari hotei glalaba, mala toutonu nogu cheke iara igre ka naikno te mei funudi Juda te tarai ka nogu Sugablahi iara na are. Iagho toutonu ka mare gobigna lepo te chekedi iara ka iagho ra. Eghuteuna iagho thosei ghatho ihoni kaisei cheke ka unha te chekedi iara igre.

Profet Jeremaea 42:21

Eghume iara neke chekehi ka ghotilo gobigna lepo teke chekedi mana ka iara re, nu ghotilo theome leghudi kolho nogna cheke mana igre.

Profet Esikiel 40:4

Mae igne ne cheke eghu ka iara, “Maegna ka nauthoglu. Iagho mala filo fakeli, nei fanomho fakeli eghu, nei ghaoghatho fakeli eghu ka gobigna lepo nate fakakhana iara ka iagho gognarogne. Naugna iara hata mei nigho iagho agne mala filoni nei toutonu ranghidi iagho naiknodi Israel gobigna lepo te filodi iagho igre.”

Josua 8:35

Mae Josua ne iuꞌiju fahui cheke te gnafa teke rioriso mae Moses igre, eghuteuna maedi Israel te gnafa igre ne kafe nomhini nogna vetula mae Moses igne. Eghuteuna goro gaꞌase, goro sua, nei mae phosadi ka keha namono igre eghu jaola au neu baludi mare ne nomhini cheke igne.

Profet Jeremaea 34:6

Aonu mae profet Jeremaea tei Jerusalem ne tusu lao cheke igne ka King Sedekaea.