Mae Khuru 20:2 - Buka Blahi Ka Cheke Holo

² Kate tei sala'u ka namono te kmana ke lamnagna provins tuana, mae Pol ne cheke faheta ka naikno khiloau re mala thosei nigra. Aonu mana tei ne thoke ka Provins Akaia,

Mae Khuru 20:2 ပူးပေါင်းရင်းမြစ်များ

Ululahu Tesalonika 4:1

Uve kheraguro, gognaro na iara au keha glepo te mala chekedi ka ghotilo. Ghehati neke farirhiu ghami ghotilo nafnata nakarha te keli tagnani God igne. Eghuteuna ghotilo auhi ka nafnata nakarha tuana. Gognaro na ghehati tore ghami ghotilo ka nanghagna Lord Jisas mala au fabrahu ka nafnata nakarha te keli tuana.

Ululahu Tesalonika 2:3

Eghume cheke te edi ghehati te mala farerhetadi nomi fatutuani ghotilo re theome chaghi, theome gaoghatho fadiꞌa ba theome saosagro ghami.

Kolose 1:28

Eghume, ghehati toutonuni u Nonomho te Keli eigna mae Kraes na koba ranghidi naikno te gnafare, nei ghehati cheke faheta nei famane farirhiudi eghu koba. Ghehati cheke ka gaoghatho te keli mala tangomana te toghodi mare te gnafa na mala kotu haghe nei nheta ka nodi fatutuani na ka mae Kraes.

Ululahu Tesalonika 2:11

Jateula tuana, ghotilo laseni, ghehati sopa togho ghami ghotilo jateula kaisei mae te toghodi goro thugna.

Mae Khuru 20:11

Ke leghugna igne mae Pol neke haghe ka chogho ke kligna na ne piepike bret na ne ima fodu. Mae Pol ne cheke faraugha ranghidi naikno khiloau re ne ghilei hamerane. Aonu mana jifla kokodi mare ne tei.

Mae Khuru 17:10

Naikno khiloau Tesalonika re ghosei ne kuru teidi mae Pol ghe mae Silas Berea ka bongi tuana. Kate thoke jare na, mae Pol ghe mae Silas gre ne tei ka nodi suga tharai mae Jiure.

Mae Khuru 17:1

Mae Pol ghe mae Silas ne sala'udi phei namono Amfipolis ghe Apolonia ne tei thoke Tesalonika. Ka namono tuana mae Jiure au kaisei suga tharai.

Mae Khuru 16:12

Funu jare ghehati mhata ne tei ka namono Filipae, kaisei namono ulu ka nohi ke lamnagna Provins Masidonia. Ghehati ne au keha narane ka namono tuana. Namono tuana neke hohoro hatimare mae Rom.

Mae Khuru 15:41

Phiamare ne tei sala'u ka phei provins Siria nei Silisia, neke farerheta khiloau jare re.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Mae Khuru 2:40

Kmana kmana glepo fara teke chekedi mae Pita ka mare re. Eghuteuna mae Pita ne cheke faheta eghu ka mare, “Thosei leghudi puhidi naikno te diꞌa gognaro gre, na eghunu fate ghami God ginauna jateula naikno te diꞌa tuare eghu.”

Profet Sekaraea 9:13

Ghotilo naiknomi Juda! Ghotilo mala jateula nogu phaloho eghu iara. Ghotilo naiknomi Israel! Ghotilo mala jateula nogu jata eghu iara. Eghuteuna ghotilo naiknomi Saion, ghotilo mala jateula nogu naflahi mala magra eghu iara, mala goigonidi naiknodi Gris.”

Luku 3:18

Kmana nafnata phoge te edi mae Jone kate toutonuni u Nonomho te Keli na ka naikno igre. Mana neke cheke faheta mala tughu mare nagnafadire.

Mae Khuru 20:1

Kate gnafa puhi igne, mae Pol ne kilo fodudi naikno khiloau re ne cheke ranghidi mala kegra maku ka nafnata puhi te edi igre. Ke leghugna te cheke ranghidi naiknore, mae Pol kubae ne jifla ne tei Masidonia.

Mae Khuru 20:3

ne au jare thilo nhigra. Ke leghugna igne, mana tarabana mala tei ka vaka thoke ka Provins Siria, nu mana ne nomhidi keha mae Jiure ne ghaoghaho mala faleheni mana. Aonu mae Pol ne tughu nagnafa neke pulo sala'u ka Provins Masidonia.

Ululahu Korin 4:19

Nu jame te magnahaghei ghau iara God na, iara ginauna theome raugha ari ka ghotilo. Eghuteuna ka narane tuana iara ginauna na nomhidi nodi cheke fahaehaghe mae te fahaehaghe tuare, nu jaola iara ginauna ari filoni unha nafnata nolaghi te au ka mare na.