Mae Khuru 20:19 - Buka Blahi Ka Cheke Holo

¹⁹ Iara eni nogna gloku Lord na ka puhi te theome ghatho ghau thegu, eghuteuna kmana fata iara tanhila ngau eigna gloku te biꞌo igne. Kate magnahaghei falehe ghau iara mae Jiure, iara au papara fara.

Mae Khuru 20:19 ပူးပေါင်းရင်းမြစ်များ

Fapea Korin 2:4

Tutuani fara, kate riorisoni letas tifa ia, iara neke diꞌanagnafa fara balu tanhi fabiꞌo kolho. Eghuteuna iara neke theome risoni letas tuana mala diꞌanagnafa ghotilo neku, nu mala laseni ghotilo hui te thofno namha ghami fara iara na kolho.

Letas Teke Riso Tei Mae Pol Ka Khiloau Rom 12:11

Thosei thodo kate loku ranghini God na, nu taji fakeli ghami themi mala au heta fabrahu ka nomi fatutuani. Uve, loku ranghini Lord ka nagnafami fateo.

Mae Khuru 20:3

ne au jare thilo nhigra. Ke leghugna igne, mana tarabana mala tei ka vaka thoke ka Provins Siria, nu mana ne nomhidi keha mae Jiure ne ghaoghaho mala faleheni mana. Aonu mae Pol ne tughu nagnafa neke pulo sala'u ka Provins Masidonia.

Fapea Korin 7:5

Kate tei posa ghehati Masidonia na, ghehati neke theome gnafa. Naugna thua nafnata puhi te edi ka vido tuana. Naiknore mei fapoaphola balumi ghehati eghuteuna ghehati themi na nanga nomi fara.

Profet Jeremaea 13:17

Nu jame te theome nomhini ghotilo cheke igne na, iara ginauna tei ka vido aheva nate theo kaisei naikno te filo ghau iara na mala tanhi ghami ghotilo. Naugna ghotilo ne fahaehaghe fara. Iara ginauna tanhi nogu fara, eghuteuna kholodi phei tathagu iara igre ginauna oro soru ka tathagu nei foflogu teu iara gre, naugna noda naoka tahatire ginauna mei ulu ghita tahati, eghuteuna mare ginauna atha fajifla ghita ka noda namono igne mala tei au ka keha kantri delei.

Jemes 1:2

Kheraguro, kate au teu ghotilo ka nauthoglu gne, ghotilo na thafodi kmana nafnata puhi biꞌo. Nu kate mei nafnata puhi biꞌo igre ka ghotilo na, ghotilo gleale'a.

Filipae 3:18

Iara chekeni igne ka ghotilo, naugna kmana naikno chekeni koba ne fatutuani ni mae Kraes teuna, nu theome tutuani eghu, naugna nakarhadire thono diꞌa fara ngala. Iara neke chekehi ka ghotilo eidi naikno igre tifeiro. Eghuteuna iara gognaro na nake chekei ngala ka ghotilo balu tanhi eidi naikno igre, naugna mare naoka eigna gaju fafatha nogna Kraes.

Efesus 6:7

Gleale'a ka nomi gloku na, naugna ghotilo theome loku ranghidi naiknore kolho, nu ghotilo loku ranghini noda Lord.

Galesia 1:10

Ghotilo laseni, iara gne theome fariuriu mala keli tadi naiknore ka iara. Theo! Iara fariuriu mala keli tagna God ka iara. Jame tutuani me cheke famaemahedi nei muamugnadi eghu iara naiknore na, iara theome tangomana te nogna gloku mae Kraes na.

Fapea Korin 3:5

Tutuani, ghehati theo kaisei nomi nolaghi themi te mala chekeni ghehati nabami si te mala eni gloku igne teuna. Nu God ngala te fatangomana ghami ghehati te mala eni gloku igne na.

Mae Khuru 20:31

Eghume fiofilo ghami eghu ghotilo ia! Jaola, ke ghathoni igne eghu, thilo finogha iara neke cheke faheta nei farirhiu ghami ghotilo bongi narane balu tanhi.

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.

Ululahu Pita 1:6

Naugna igne ghotilo tangomana te gleale'a, neubane au papara ghotilo katha vido kmoꞌei ka kmana nafnata fariuriu ka nauthoglu igne.

Ululahu Tesalonika 1:9

Eigna naikno te gnafa re chekeni koba unha teke eni ghotilo ranghi ghami ka teke ari sigho ghami jarea. Eghuteuna te chekeni mare na ghotilo figri tagruni mumuju god na neke pogho soruni nei loku ranghini thofno God te karha nei tutuani.

Letas Teke Riso Tei Mae Pol Ka Khiloau Rom 1:9

Iara loku ranghini God balu nagnafagu fateo mala toutonuni u Nonomho te Keli eigna Thugna God. Eghuteuna God lase ghau iara te ghatho ghami ghotilo koba ka nogu tharaire.

Letas Teke Riso Tei Mae Pol Ka Khiloau Rom 1:1

Iara mae Pol, kaisei nogna mae gloku Jisas Kraes. God neke kilo ghau iara mala nogna mae khuru nei mana neke vahi ghau iara mala toutonuni nogna Nonomho te Keli na.

Mae Khuru 27:23

Naugna bongi na kaisei nogna engel nogu God mae ihei te loku ranghini iara gne ne mei kegra rhegu iara

Mae Khuru 17:13

Nu kate nomhini mae biꞌodi Jiu te au Tesalonika te toutonuni mae Pol chekegna God Berea na, mare jifla Tesalonika ne tei thokela Berea. Mare faꞌeiꞌeidi naiknore mala diꞌa tadi ka mae Pol ghe mae Silas.

Jone 12:26

Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Luku 19:41

Kate mei namo te filo laoni Jerusalem, mae Jisas ne kokhoni nognadi naiknogna namono tuana ne tanhi.

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.

Nodi Khoje Hatimare Mae Jiu 119:136

Kate filodi iara naikno te theome leghudi nou famane farirhiu iagho re, iara ne diꞌa nagnafagu fara ne tanhi.

Thakle 7:15

Naugna igne mare kegra ke ulugna nogna sape nafnakno God na mala fafnaknoni mana. Mare theome gnafa bongi narane na pogho soru ranghini mana ke lamnagna nogna Sugablahi igne. Eghuteuna God mae ihei te gnokro ka sape nafnakno na ginauna au baludi mala reireghi fakelidi.

Fapea Timoti 1:4

Gognaro na iara magnahaghei fara te ari filo nigho mala ke keli gaoghathogu na, eigna iara neke ghatho fapuloni teke tanhi ghau iagho ia.

Mae Khuru 17:5

Nu goro mae biꞌo Jiure mare ne goghotu fara naugna mare ne filodi kmana naikno ne leghuni mae Pol. Aonu, mare tei ne hata mei keha mae te diꞌa ka glalaba na ne fufunu kaisei magra biꞌo ka namono na. Mare chari ne tei ka nogna suga mae Jason na, mala hirodi mae Pol ghe mae Silas. Mare magnahaghei hatadi phiamare mala tei ke uludi naikno te gnafare.

Mae Khuru 21:27

Kate namo gnafa fitu narane igre, keha mae Jiu di ka Provins Esia ne filoni mae Pol ke lamnagna Sugablahi na. Mare faꞌeiꞌei ne ghilei diꞌa tadi naiknore ne tei lokini mae Pol.