Mae Khuru 2:9 - Buka Blahi Ka Cheke Holo

⁹ Tahati gne funuda ka namono Pasia, Midia, Ilam, Mesopotemia, Judia, Kapadosia, Pontas nei Esia,

Mae Khuru 2:9 ပူးပေါင်းရင်းမြစ်များ

Ululahu Pita 1:1

Iara mae Pita, kaisei nogna khuru mae Jisas Kraes. Iara riso ari letas igne ka ghotilo nogna naikno God jateula naikno phosa teu ka nauthoglu gne teu te au tafri ka Provins Pontas, Galesia, Kapadosia, Esia nei Bitinia.

Thakle 1:4

Iara riso ari ka ghotilo fitu khiloau te au ka provins Esia ra. Iara toreni God te mala tusu ranghi ghami ghotilo nogna khokofakasai nei pharikeli teuna. Tutuani, God mae ihei teke au tifa, gognaro gne, nei nake pulo mei nathuꞌu nauriha. Khokofakasai nei pharikeli teu igre jaola mei funu ka fitu tharunga te keli te au ke ulugna nogna sape nafnakno mae King na.

Fapea Timoti 1:15

Iagho lasedi mae Fijela ghe mae Hemojeni baludi keha naikno ka Provins Esia mare la tei koko ghauhi iara.

Mae Khuru 18:2

Ka namono igne mae Pol ne ludeni kaisei mae Jiu, nanghagna na mae Akuila, mana neke karha ka Provins Pontas. Nu mae Akuila ghe khetogna Prisila gre neke meila Itali. Repa mei au Korin naugna mae Klodius mae funei biꞌogna Rom na neke kafe kuru fajifladi mae Jiu te gnafare jare. Kate filodi repa jare na,

Mae Khuru 16:6

Mae Pol nei mae balugna re eghu ne tei sala'u ka Provins Frijia nei Provins Galesia. Naugna mae Tharunga te Blahi na theome snakredi mare te toutonuni u Nonomho te Keli na ka Provins Esia.

Mae Khuru 6:9

Nu keha mae Jiu te theome fatutuani ni mae Jisas re ne funu tirodini mana. Mare au ka nodi suga tharai mae Jiu te kiloni “Nodi suga tharai mae te snagla kolho.” Suga tharai igne na maladi mae Jiu te mei funudi ka namono Saerini nei ka namono Aleksadria nei ka Provins Silisia nei ka Provins Esia. Mare mei ne magra ka mae Stivin,

Profet Daniel 8:2

Ka mifi igne, iara kegra neu ke lamna bara ka namono biꞌo Susa ka provins Elam, eghuteuna iara kegra neu rhegna khoꞌu Ulai.

Profet Isaia 11:11

Ka narane tuana, Lord ginauna fakakhana nogna nolaghi na mala ke hata fapulo nogna naiknore ka nodi thofno namono re, naikno te au teu Asiria, Ijep, Sudan, Elam, Babilonia, Hamat nei ka moumolu te au ka nhorora Mediterenian.

Fapea Kings 17:6

Ke lamnadi nheva finogha te funei King Hosea Israel igre, king gna Asiria ne uluni namono biꞌo Samaria, aonu king gna Asiria igne huhurudi naiknodi Israel igre hata ne tei ka nogna kantri na. Kehare au ka namono Hala, kehare au rhegna khoꞌu biꞌo Habor ka nohi Gosan, eghuteuna kehare ka namono Media.

Jenesis 24:10

Aonu mae gloku na ne hata nogna nabotho kamel mae Ebraham ra nei hata balugna kmana soasopaigna nafnata glepo te keli eghu mala namha. Mana tarabana glepo igre ne tei ka namonogna mae Naho na jare ka kantri Mesopotemia.

Jenesis 14:1

Mae Bera neke king ka namono Sodom, eghuteuna mae Bosa neke king ka namono Gomora, eghuteuna mae Sina neke king ka namono Atma, eghuteuna mae Simeba neke king ka namono Siboim, eghuteuna mae Kedolaoma neke king ka kantri Elam. Mae Kedolaoma gne neke mae biꞌo lahu ka hatimare keha mae king gre, eghuteuna mae king gna Bela gne mana jaola neke loku ke parigna mana. Keha nanghagna na namono Bela gne Soa. Hatimare mae king igre mare neke loku ke parigna mae king Kedolaoma nabagna nabotho phei finogha, eghuteuna kate ari te khaputu nabotho thilo finogha re keha mae king gre ne tirodi leghuni chekegna mae King Kedolaoma na. Aonu kate ari te khaputu nabotho fati finoghare mae king Kedolaoma ne ehadi thilo mae kheragna fofodu re, mae Amrafel, mana mae king gna ka kantri Babilonia, mae Ariok, mana mae king gna ka kantri Elasa, eghuteuna mae Tidol, mana mae king gna ka vikegna Goim. Fati mae king igre mare ne hata baludi nodi mae armi re ne tei magra ka vikegna mae Rafa te au ka namono Astarot Kanaim, mare ne uluni magra igne. Mare jaola ne magra ka vike Sus te au ka namono Ham nei vike Emim te au rhegna namono Kiriataem, nei vike Ho te au ka thogele Seia ghilei tei posa El Paran rhegna namono nagou na. Ke leghugna igne mare figri neke pulo ka namono Kades. Namono Kades gne nangha ulu lahu gna na En-Mispa eghuni. Eghuteuna mare mei ne magra ka vike mae Amalek te au ka vido tuana nei ka vike mae Amo te au ka namono Hasason Tama. Mare jaola ne uludi magra igre. Aonu ka narane tuare hatimare mae king di Sodom, Gomora, Adma, Seboim nei Bela teu igre ne kaisei salo fodu nodi armi re ne jifla ne tei ka sare Sidim. Jare hatimare glima mae king gre ne tarabana ne jajagha ne haghe baludi nodi tothoghei armi re mala magra ka mae Kedolaoma nei thilo mae kheragna fofodu re. Aonu nodi armi glima mae king gre ne magra baludi nodi armi hatimare fati mae king gre.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Fapea Korin 1:8

Kheraguro, ghehati magnahaghe ghami ghotilo te lase fakelini eigna unha teke eni ranghi ghami ka Provins Esia. U puhi igre ninhigrana fara ranghi ghami ghehati. Tutuani fara, ghehati neke cheke eghu fari themi, “Tahati gne namo lehehi!” Nu puhi te eni igne theome mala rouronu ghami themi, nu mala rouronuni God ngala ihei te fakarha fapulodi iheire tela lehehira.

Ululahu Korin 16:19

Khiloau ka Provins Esia igre, mare kubae ghami ghotilo. Mae Akuila ghe Prisila baludi naikno khiloau te khapru leghu fata ka sugadi repa re, kubae ghami ghotilo ka nanghagna Lord.

Letas Teke Riso Tei Mae Pol Ka Khiloau Rom 16:5

Iara jaola magnahaghei kubaedi naikno khiloau te salo fodu ka sugadi repa na. Ghotilo kubaeni thofno kheragu iara mae Epaeneta, mana mae ulu lahu te leghuni Kraes ka Provins Esia.

Mae Khuru 20:18

Kate mei mare ka mana na, mana ne cheke eghu ka mare, “Leuleghu fata kate au iara balumi ghotilo na, ghotilo lasenihi puhigu iara na, funu ka narane ulu lahu teke mei thoke iara ka Provins Esia.

Mae Khuru 20:16

Mae Pol magnahaghei te chari liu Efesus naugna mana tirogna au jare kmana narane ka Provins Esia. Mana magnahaghei ghosei thoke Jerusalem ame thoke mei nga narane Pentekos.

Mae Khuru 19:31

Keha mae biꞌo ka provins tuana kheragna keli mae Pol. Mare ne fanomhini mana mala thosei tei ruma mana ka vido te mala khapru na.

Mae Khuru 19:27

Jame theome fifilo fakeli tahati na, naiknore ginau na cheke faparini noda gloku tahati gne. Kehana teuna, naiknore ginauna na theome ghatho tahuni sugagna mumuju god gaꞌase Atemis biꞌo gne. Eghuteuna naiknore ginauna na theome fafnaknoni nei naꞌa ginauna na theo nafugna kolho. Naugna naikno te gnafa ka Provins Esia ba ka nauthoglu gne pogho soruni Atemis!”

Mae Khuru 7:2

Mae Stivin ne cheke eghu, “Mamare ba kheraguro, fanomho mei ka iara. Kani au nga teku mae kuꞌeda Ebraham Mesopotemia tifa ame tei nga mana Haran teku ia, noda God te au kligna na neke mei thakle ka mana jare.

Profet Daniel 8:20

Uve, sipu nalhaꞌugna te filoni iagho te au phei honagna igne, tuana eidi phei king di Media ghe Pesia.

Profet Isaia 21:2

Lord neke fakakhana mei ka iara kaisei mifi. Ka mifi igne iara neke filodi naikno te majora, naikno te chaichaghi, nei edi puhi te thono diꞌa fara ranghidi keha naiknore. Aonu iara ne nomhini Lord na ne cheke eghu, “Ghotilo armi gna kantri Elam, ghotilo tei magra Babilonia! Ghotilo armi gna Media, ghotilo tei kegra ligohodi nodi namono phei kantri tuare mala theome tangomana mare te jifla na! Iara ginauna fahuini nafnata puhi te eni koba naiknodi Babilonia te fadiꞌa nagnafadi, nei fatanhidi teu keha naiknore.”

Esra 6:2

Mare ne theome filoni Babilonia, nu mare ne filoni rekod buka igne ka namono Ekbatana ka provins Media aheva te bara te lithui mare ka thina. Nu buka igne cheke eghu,

Ululahu Kronikols 19:6

Kate nomhini King Hanun nei hatimare mae biꞌodi Amon gre eghu te diꞌatagna fara King Devet ka mare na, mare ne foli tolufulu fati thogha kilo silva mala hata chariot mala magra ka maedi Naharaem, maedi Maka, maedi Soba nei maedi Siria.

Jajis 3:8

Aonu Lord brana ne salaꞌui diꞌatagna na ranghini Israel. Eghuteuna mana ne snakre laodi ka khamegna King Kusan-Risataem gna Mesopotemia, mala uludi mare ka magra. Eghuteuna mare ne au ke parigna mana nabagna nhana finogha.

Diutronomi 23:4

Naugna tifa kani teke jifla ghotilo Ijep ia, ghotilo neke mei salaꞌu ka nodi nohi naiknodi Amon, eghuteuna mare neke theome kelitadi te tufa gano nei khoꞌu teu ka ghotilo na. Eghuteuna kate mei ghotilo ka nodi nohi naiknodi Moab, mare neke kilo meini mae Balam thugna mae Beo, maegna ka namono Petoa jare Mesopotemia. Mare folini mae Balam mala tibri ghami ghotilo.

Jenesis 10:22

Igre nanghadi teke thugna mae Sem re, mae Elam, mae Asura, mae Apaksad, mae Lud nei mae Aram.

Profet Daniel 5:28

“Fnota teu igne, nou kantri iagho igne ginauna groꞌe fnota pea. Keha vido na Media, eghuteuna keha vido na Pesia.”

Mae Khuru 2:8

Ne faneha neu si mare te kafe lasedi noda soasopai cheke tahati grea?

Mae Khuru 20:4

Keha mae teke tei balugna mae Pol re igre: Sopata mae gna Berea, thugna mae Piras; mae Aristakas ghe mae Sekadas phei maedi Tesalonika; mae Gaeasi mae gna Debi; Tikikas ghe mae Trofimas phei maedi Esia; nei mae Timoti.

Mae Khuru 21:27

Kate namo gnafa fitu narane igre, keha mae Jiu di ka Provins Esia ne filoni mae Pol ke lamnagna Sugablahi na. Mare faꞌeiꞌei ne ghilei diꞌa tadi naiknore ne tei lokini mae Pol.

Mae Khuru 24:18

Kate eni iara igne, mare mei ne filo ghau iara ka Sugablahi na, ke leghugna tela gaehi iara ke ulugna God na. Ka vido tuana iara neke theome eni kaisei puhi, nei jare na theome kmana naikno teke khapru faligoho ghau iara na.

Mae Khuru 27:2

Ghehati saghe ka vaka teke mei funu ka namono Adramitiam te tarabana mala chara leghu namono te tei ka grathagna Provins Esia. Mae Aristakas, kaisei mae khiloau gna namono Tesalonika jare ka Provins Masidonia ne tei balumi ghehati.