Mae Khuru 2:5 - Buka Blahi Ka Cheke Holo

⁵ Uve, ka narane tuana kmana mae Jiu te posa mei Jerusalem mala tarai funudi ka namono te kmana heva heva ke lamnagna u nauthoglu gne.

Mae Khuru 2:5 ပူးပေါင်းရင်းမြစ်များ

Mae Khuru 8:2

Keha mae te fatutuani ni God re ne tanhi fabiꞌo ne diꞌanagnafani mae Stivin, mare ne hata thinigna mana na ne tei giugiluni. Eghuteuna, funu ka narane te lehe mae Stivin igne na, mae Jiure ne funu paradi naikno khiloaure. Mae Sol ne tei leuleghu suga mala lokidi mae nalhaꞌu ba gaꞌase te fatutuani ni mae Jisas na mala liliseidi mare ke lamna suga sosolo. Naikno te fatutuani ni mae Jisas igre ne kafe rikha ne tei kau soasopai vido jare Judia nei Samaria. Nu hatimare mae khuru neke au fapulo Jerusalem.

Luku 2:25

Kaisei mae biꞌo te kiloi Simion, mana jaola au Jerusalem. Mana kaisei mae doglo fara nakarhagna na ke ulugna God nei tarai koba eghu. Mana ofoni u narane God nate fakarhadi naiknodi Israel re. Eghuteuna u Tharunga te Blahi na ne au balugna mana.

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Mae Khuru 22:12

“Jare kaisei mae nanghagna na Ananias. Mana leghuni fara nogna vetula mae Moses, nei mae Jiu te gnafa te au Damaskas igre mare ghatho tahuni fara mana.

Mae Khuru 13:50

Nu goro mae biꞌodi Jiure ne cheke faheta ka goro mae biꞌo nei goro nakrupe eghu gna nohi tuana mala thosei leghudi mae Pol ghe mae Banabas. Mare ne funu eꞌei puhi biꞌo ranghidi mae Pol ghe mae Banabas ne brue fajifladi phiamare ka nodi nohi na.

Mae Khuru 10:7

Kate jifla tela teihi u engel na, mae Konilias ne kilodi phei nogna mae glokure baludi kaisei mae soldia. Mae soldia igne kaisei mae keli fara nei ghatho tahuni God nei mana loku ranghini mae Konilias.

Mae Khuru 10:2

Mana kaisei mae keli fara, eghuteuna mana nei tharaknagna teuna mare ghatho tahuni nei pogho soruni eghu God. Mana toghodi fabiꞌo fara naikno te kumare nei mana tarai koba ka God.

Mae Khuru 8:27

Aonu mae Filip tarabana ne tei. Ka nabrou na mae Filip ne filoni kaisei mae biꞌogna Itiopia. Mana kaisei mae biꞌo te mala reireghi sileni ka Kadesi, nakrupe biꞌo te funei frunini namono Itiopia. Mana neke tei tarai Jerusalem,

Mae Khuru 2:1

Kate thokeni narane Pentekos na, mare ne kafe au fodu neu kaisei vido.

Jone 12:20

Keha mae Griki neke haghe la Jerusalem mala tarai ka narane Gaghamu Ghasa-Polho na.

Luku 24:18

Kaisei mae ka phiamare nanghagna na mae Kleopas ne cheke eghu ka mana, “Tore, iagho gne ngala kaisei mae ihei te au Jerusalem te theome lasedi unha teke edi jare ka narane te liu ra?”

Luku 17:24

Naugna ka narane ke pulo meigu iara mae teke mei funu ka God na naikno te gnafare ginauna filo ghau iara jateula mare te filoni nakafli te phae funu ka keha phile maloa na te thoke ka keha phile na ia eghu.

Matiu 24:14

Mare ginauna jifla tei toutonuni Nonomho te Keli eigna nafnata puhi God nate funei frunidi nogna naiknore. Mare ginauna toutonuni igne heva heva ke lamnagna nauthoglu igne ka naikno te gnafare. Aonu, ame thoke mei nga narane leghu lahu na eghu.”

Profet Sekaraea 8:18

Keha fata, Lord mae ihei te au nolaghi fateote'o igne, mana chekeni nogna cheke na ka iara.

Profet Isaia 66:18

Lord ne cheke eghu, “Iara lasedihi gaoghathodi nei puhidi teu naikno igre. Eghume narane te mala loku fodudi iara naiknodi kantri te gnafa nei cheke te gnafa teu igre la namo thoke meihi. Kate kafe loku fodu meidi iara naikno te gnafa igre na, mare ginauna filoni naphaegna nogu nolaghi biꞌo iara na.

Diutronomi 2:25

Funu gognarogne, iara ginauna edi naikno ka namono te gnafa igre mala mhaghu ghami ghotilo. Kate nomhidi mare thoutonu eimi ghotilo na, mare ginauna mhaghu nodi fara na fififri fara thinidi re.’ ”

Eksodas 23:16

“Ghotilo mala jaola ke ghatho fapuloni narane biꞌo teke funu atha gano majaghani teke joꞌu ghotilo ka nomi nagare ra. “Nei ghotilo mala ke ghatho fapuloni narane biꞌo teke au teku ghotilo ka suga tapuale ra, ghotilo neke kulu ukli sisi grep mala eni waen nei oliv mala eni oliv oel neku neke thokei mei nga ka nhigra nakhete na.