Mae Khuru 2:47 - Buka Blahi Ka Cheke Holo

⁴⁷ nei kilo fnaknoni God. Eghuteuna naiknore ne keli tadi ka mare. Aonu leuleghu narane na God fakarhidi keha naikno te ruma mei ke lamnagna nodi tothoghei naikno khiloau re.

Mae Khuru 2:47 ပူးပေါင်းရင်းမြစ်များ

Mae Khuru 16:5

Aonu khiloau jare re ne rheta nei bruara eghu leghu rane.

Ululahu Korin 1:18

Thoutonu eigna glehegna Kraes ka gaju fafatha na igne theo gaoghathogna ka iheire te leghuni nabrou te mala lehe tifa te tifa. Nu tahati te karha ka God na, u thoutonu igne nogna nolaghi God mala fakarha ghita.

Mae Khuru 2:41

Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Letas Teke Riso Tei Mae Pol Ka Khiloau Rom 14:18

Ihei te leghuni Kraes kate edi nafnata puhi igre na, God ginauna gleale'a ka mana eghuteuna naiknore ginauna jaola gleale'a ka mana.

Mae Khuru 13:48

Kate nomhini te cheke eghu mae Pol na, naikno te theome Jiure ne thofno gleale'a fara. Mare ne cheke fakelini Lord eigna nogna famane nonomho te keli igne. Eghuteuna iheire God teke vahidi te mala hatini u karha fei tifa igne ne fatutuani ni mae Jisas.

Letas Teke Riso Tei Mae Pol Ka Khiloau Rom 9:27

Mae Isaia ne eha eghu eidi maedi Israel, “Neuba naiknodi Israel gre ne kmana fara jateula nusu ka glilihi neu, God ginauna fakarhadi keha ghu kolho.

Letas Teke Riso Tei Mae Pol Ka Khiloau Rom 8:30

Eghuteuna naikno teke magnahaghedi God mala jateula thugna teure, mana jaola neke vahidi mare, eghuteuna mana toghodi mala doglo ka tathagna thegna na, eghuteuna tusu ranghidi nakarhagna mae Jisas te theo ka huigna.

Luku 2:52

Mae Jisas biꞌo haghe ne heta eghuteuna mana biꞌo ne biꞌo nogna glalase na. God ne keli tagna fara ka mana nei naiknore jaola ne keli tadi ka puhigna mana na.

Mae Khuru 4:21

Hatimare mae biꞌo neke fapea fata famamhaghudi phiamare, nu ke leghugna igne na mare neke snakre teidi phiamare. Ninhigrana ranghidi mare te mala fakabrudi phiamare na. Naugna mare filo glanidi naikno te gnafare la funu kilo fnaknoni God eigna u kofubobhoi teke eni phiamare igne.

Mae Khuru 4:33

Balu nolaghi te biꞌo mae khurure ne toutonuni ka naiknore karha fapulogna mae Jisas Kraes. Eghuteuna God ne kafe fablahidi fara mare ne hui.

Luku 19:48

Nu naiknore ne magnahaghei fanomho ka mana ne keli tadi ka gobigna lepo te chekedi mana re. Aonu mae pris ulu nei mae velepuhigna vetula nogna mae Moses, nei mae mala baubatu eghure ne theome filoni kaisei nabrou te mala faleheni mana na.

Mae Khuru 4:4

Nu kmana naikno te nomhidi nodi cheke phiamare re ne fatutuani ni mae Jisas. Eghuteuna naikno te fatutuani ni mae Jisas gognaro na thokei glima thogha.

Mae Khuru 6:1

Kau narane tuare kmana kmana naikno ne fatutuani ni mae Jisas. Eghuteuna naikno khiloau te lase cheke Griki re ne theome gleꞌani nafnata thufa sileni te eni naikno khiloau te au Jerusalem re ne cheke eghu, “Goro gaꞌase te lehe khetodire igre ne theo thufadi ka sileni te tufa ghotilo leghu narane ra.”

Mae Khuru 6:7

Chekegna God na tei thoke heva heva ka naiknore. Tothoghei naikno khiloau te au Jerusalem ka narane tuare gognaro biꞌo la biꞌo, eghuteuna jaola kmana nodi tothoghei pris mae Jiu gre la funu fatutuani nei leghuni mae Jisas.

Mae Khuru 9:31

Ka narane tuare, naikno khiloau te au heva heva ka Provins Judia nei Galili nei Samaria teure ne au ka pharikeli. Eghuteuna kau nogna thotogho Tharunga te Blahi na nodi gloku mae khiloaure ne nheta fara nei naikno te ruma haghe ka khiloau na kmana ne kmana. Eghuteuna leuleghu narane na naikno khiloaure ne ghatho tahuni nodi Lord na.

Mae Khuru 9:35

Aonu nonomhogna teke keli fapulo mae Aenias igne ne tei tongana ka naikno te au Lida nei ka sare glilihigna Saron. Mare ne funu fatutuani ni Lord kate filoni mare mae Aenias na.

Mae Khuru 11:21

Nolaghi nogna Lord na ne au baludi, eghuteuna naikno kmana Antiok ne fatutuani ne leghuni Lord.

Mae Khuru 14:1

Jare ka namono Aekoniam mae Pol ghe mae Banabas ne jaola ne ruma ka nodi suga tharai mae Jiure. Kmana naikno ne fatutuani ni mae Jisas, naugna phiamare ne cheke balu nolaghi.

Mae Khuru 14:21

Phiamare ne toutonuni u Nonomho te Keli na jare Debi, eghuteuna kmana naikno ne fatutuani ni mae Jisas. Aonu mae Pol ghe mae Banabas neke pulo ka namono Listra, Aekoniam nei Antiok.

Mae Khuru 17:12

Kmana mae Jiu ne fatutuani ni mae Jisas. Eghuteuna jaola kmana nakrupe Griki nei mae biꞌo Griki eghu ne funu fatutuani nila mae Jisas.