Mae Khuru 2:42 - Buka Blahi Ka Cheke Holo

⁴² Eghuteuna naikno igre ne keli tadi fara ne fanomho fabrahu ka nodi farirhiu hatimare mae khuru, nei mala toghodi mare ka nodi tothoghei thedi na, nei ghamu fodu, nei tarai fodu.

Mae Khuru 2:42 ပူးပေါင်းရင်းမြစ်များ

Hibru 10:25

Thosei babaꞌo ka puhi salofodu nei tharai, neuba ne thodohi keha naiknore. Tahati fari fahetai mala kegra maku, tulao, naugna u narane mala ke pulo meigna Lord na la namohi!

Mae Khuru 1:14

Mare te gnafa na ne kaisei salo fodu ne tarai fabrahu baludi goro gaꞌase, nei Meri idogna mae Jisas, nei hatimare mae thabusigna mae Jisas re.

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Mae Khuru 2:46

Leghu narane na mare salo fodu kau nogna Sugablahi God na mala tarai fodu nei jaola ima fodu ka sugadire balu gleale'a ka nagnafa te keli,

Mae Khuru 20:7

Ka grafi Sarere ghehati salo fodu mala tarai nei ima fodu. Mae Pol ne cheke fabrahu ranghidi naikno khiloau re ne ghilei farihotei bongi, naugna mana magnahaghei teke jifla keha narane. Eghume igne nogna toutonu leghu lahu mana ranghidi naikno khiloau igre.

Efesus 6:18

Kate edi ghotilo glepo igre, ghotilo tarai nei toreni God eghu mala togho ghami mana. Tarai fabrahu ka nogna nolaghi mae Tharunga te Blahi. Tutuani, ghotilo tarabana fakeli koba nei thosei babaꞌo nei taraidi koba hatimare nogna naikno God fateote'o.

Letas Teke Rioriso Mae Jud 1:20

Nu ghotilo kheraguro, nomi fatutuani na thono blahi fara. Eghume ghotilo loku heta mala kegra maku ka nomi fatutuani te blahi fara tuana. Eghuteuna tarai ka nogna nolaghi mae Tharunga te Blahi.

Kolose 4:2

Sasaꞌa mala tarai fabrahu nei ghaoghatho fakeli. Kate tarai na, ghotilo cheke fakelini God fabrahu.

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Fapea Timoti 3:14

Nu iagho leghudi fabrahu farirhiu teke lasedi nei fatutuanidi teu iagho ra, naugna iagho lasedi puhimi ghehati mae iheire teke farirhiu nigho iagho ra.

Efesus 2:20

Tahati naikno khiloau na jateula kaisei suga teke horo God eghu. Suga igne babana famaku ke klignadi hatimare mae khuru nei hatimare mae profet, jateula gogho thina eghu, eghuteuna thofno thina ulugna suga igne thegna mae Jisas Kraes ngala.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Mae Khuru 6:4

Eghuteuna mala tangomana tahati te tarai nei farirhiuni teu koba chekegna God na.”

Mae Khuru 4:31

Ke leghugna te tarai mare na, u suga te khapru te tarai teu mare na megei nga ne nghali. Eghuteuna mae Tharunga te Blahi na ne soru mei ka mare. Ke leghugna igne, mare ne theome mhaghu te toutonuni u chekegna God na.

Ululahu Korin 10:21

Theome naba ghotilo te koꞌu ka nogna hinao Lord na nei jaola koꞌu ka nogna hinao naitu na. Eghuteuna ghotilo theome naba la te ima ka nogna tevo Lord na nei jaola ima ka nogna tevo naitu na.

Letas Teke Riso Tei Mae Pol Ka Khiloau Rom 12:12

Gleale'a fabrahu ka unha teke nhaꞌa chekeni God ka ghotilo na. Kate au papara na, au kmu. Tarai koba.

Hibru 10:39

Nu tahati gne theome naikno mala figri fapulo mala au ka glehe te theo gnafagna. Theo. Tahati naikno mala fatutuani ni God mala au ka karha tifa tifa.

Mae Khuru 11:23

Mae Banabas gne kaisei mae keli nei Tharunga te Blahi na au balugna mana, eghuteuna mana ne biꞌo nogna fatutuani na. Kate posa mana ka namono na, mana ne gleale'a fara, naugna mana laseni God na la kulu fablahidihi naiknore. Mana ne cheke faheta ka naikno khiloaudi Antiok re mala thofno leghuni noda Lord. Eghuteuna ka narane tuana kmana naikno ne funu fatutuani ni Lord.

Ululahu Korin 11:2

Iara cheke fakeli ghami ghotilo naugna ghotilo theome ghatho ihodi puhigu iara re, eghuteuna thofno leghuni nogna farirhiu khiloau teke tusu ari iara ka ghotilo ra.

Mae Khuru 20:11

Ke leghugna igne mae Pol neke haghe ka chogho ke kligna na ne piepike bret na ne ima fodu. Mae Pol ne cheke faraugha ranghidi naikno khiloau re ne ghilei hamerane. Aonu mana jifla kokodi mare ne tei.

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Galesia 1:6

Iara jaglo nogu ka ghotilo te ghosei te figri tagruni God, mae ihei teke kilo ghami ka nogna khokofakasai mae Jisas Kraes. Gognaro na ghotilo figri mala fanomho ka keha nafnata Nonomho te Keli te nhogri.

Mae Khuru 4:23

Mae Pita ghe mae Jone ne jifla ka nodi faidu hatimare mae biꞌodi Jiure neke tei ka nodi tothoghei thedi na. Phiamare ne toutonu ranghidi gobigna lepo teke chekedi hatimare mae pris biꞌo nei hatimare mae funei ka phiamare re.

Luku 24:35

Phiamare teke funudi Emaus gre ne toutonu la ka mare eigna teke thakle mae Jisas ka nabrou na, nei eigna te glani phiamare mae Jisas ka narane teke piphike mana bret na.

Luku 24:30

Mana gnokro soru baludi phiamare ka tevo na ne hata keha bret. Mana cheke fakelidi ka God ganore ne piphike. Aonu mana ne tufa ka phiamare.

Ululahu Korin 14:6

Ba, kheraguro, jame mei te chekeni iara chekegna God ka soasopai nafnata chekei na, tuana na togho ghami ghotilo? Theo! Nu jame te toutonuni iara glepo teke falalase God ka iara na, ba keha glalase ba chekegna God, ba keha farirhiu, tuana nate togho ghami ghotilo na.

Filipae 1:5

Naugna funu ka narane ulu lahu teke fatutuani ni ghotilo mae Jisas Kraes te posa ka narane gognaro gne, ghotilo ne togho ghau iara ka gloku te mala fateiteigna u Nonomho te Keli gne.