Mae Khuru 2:41 - Buka Blahi Ka Cheke Holo

⁴¹ Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.

Mae Khuru 2:41 ပူးပေါင်းရင်းမြစ်များ

Mae Khuru 4:4

Nu kmana naikno te nomhidi nodi cheke phiamare re ne fatutuani ni mae Jisas. Eghuteuna naikno te fatutuani ni mae Jisas gognaro na thokei glima thogha.

Mae Khuru 2:47

nei kilo fnaknoni God. Eghuteuna naiknore ne keli tadi ka mare. Aonu leuleghu narane na God fakarhidi keha naikno te ruma mei ke lamnagna nodi tothoghei naikno khiloau re.

Mae Khuru 2:37

Kate nomhini naiknore unha te chekedi mae Pita igre, mare ne diꞌanagnafadi fara ne cheke eghu ka mae Pita nei ka keha mae khurure, “Kheraguro, na fanefou si ghehati ia?”

Jone 14:12

Tutuani fara te chekeni iara ka ghotilo na. Mae ihei te fatutuani ghau iara na, mana ginauna edila glepo te edi iara re. Mana ginauna na edi glepo ke kmanadi te edi iara igrei, naugna iara na tei kokoni nauthoglu igne mala tei au balugna mae Mama.

Mae Khuru 13:48

Kate nomhini te cheke eghu mae Pol na, naikno te theome Jiure ne thofno gleale'a fara. Mare ne cheke fakelini Lord eigna nogna famane nonomho te keli igne. Eghuteuna iheire God teke vahidi te mala hatini u karha fei tifa igne ne fatutuani ni mae Jisas.

Nodi Khoje Hatimare Mae Jiu 110:3

Ka narane te tei iagho ka magra na, nou naikno iagho re ginau tei balumu iagho mala togho nigho, eghuteuna ghotilo ginau haghe ka nogna thogele Lord na. Uve, iagho atha nou nolaghi majaghani mala jateula te dofra haghe hamerane ra eghu e heta thinimu na.

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Ululahu Tesalonika 1:6

Eghuteuna ghotilo mala filo leghu ka ghehati nei ka noda Lord. Eigna neubane au papara fara, ghotilo hatini Nonomho te Keli na balu gleale'a te mei ka mae Tharunga te Blahi.

Mae Khuru 3:23

Ihei te theome nomhidi nei leghudi teu nogna cheke mae profet igne na, God ginauna na hata fadeleini mana ka nogna naiknore mala au ka glehe.’

Mae Khuru 7:14

Aonu mae Josep ne kurudi keha mae mala tei chekeni mae kmagna Jekop, nei vikegna te gnafare e mala kafe soru Ijep, khaputudire fitusalei glima naikno.

Mae Khuru 27:37

Khaputumi ghehati te saghe ka vaka na phei gobi fitusalei namno naikno.

Letas Teke Riso Tei Mae Pol Ka Khiloau Rom 13:1

Ghotilo te gnafa na mala leghudi hatimare mae biꞌo ka gavman, naugna theo kaisei naikno te au nolaghi te mala funei frunidi naiknore jame te theome snakredi God na. Mae biꞌo igre God neke vahidi nei liliseidi ka sape aheva mare te mala funei frunidi naiknore.

Ululahu Pita 3:20

Igre tharungadi naikno teke huhughu fara teke ofodi fabrahu teku God ka narane teke horo vaka mae Noa tifa ia. Kehaghu kolho, nhana naikno khaputudire teke fakarhadi God ka khoꞌu na.

Thakle 16:3

Fapea engel na ne tei ne totofa nogna dis na ke kligna nhorora. Eghuteuna nhorora na ne vuhai dadara, jateula phuki dadaragna naikno te lehe neu. Gobigna lepo teke karha ke lamna nhorora re ne kafe lehe.

Jone 21:11

Mae Simon Pita neke pulo ne haghe ka mola na ne toghodi keha mae fanomhore neke korho famata fangna te fodu ka sasa biꞌo na. Kaisei gobi glimafulu thiloi khaputudire. Neuba ngau ne kmana fara sasa, fangna na ne theome tangomana te breku na.