Mae Khuru 2:33 - Buka Blahi Ka Cheke Holo

³³ God neke hata hagheni mana kau sape nafnakno na mala gnokro rhegna thegna. Eghuteuna God mae Kmagna na neke tusu ranghini mana Tharunga te Blahi na, mala leghuni nogna nhaꞌa cheke na. Eghume unha te filoni nei nomhini teu ghotilo gognaro gne, glepo neke tusu meini God ka ghehati.

Mae Khuru 2:33 ပူးပေါင်းရင်းမြစ်များ

Mae Khuru 1:4

Kaisei fata kate ghamu baludi nogna mae khurure, mana neke cheke faheta ka mare mala thosei jifla Jerusalem nu au kolho jare. Nu mana ne cheke eghu ka mare, “Mae Mama neke nhaꞌa cheke ka ghotilo jateula teke kulu chekeni iara ka ghotilo ia eghu. Ofou agne Jerusalem mala hata u nhaꞌa cheke igne.

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Mae Khuru 2:17

“ ‘God ne cheke eghu: Kate namo huigna nauthoglu gne, iara ginauna lisa soru Tharungagu na ke klignadi naikno te gnafare. Eghuteuna thumi nalhaꞌu nei gaꞌase teu ghotilo are ginauna na toutonuni chekegu iara na. Eghuteuna mae majaghani nei mae biꞌomi teu ghotilo re, iara ginauna na tusu ranghidi nolaghi te mala mifi na.

Jone 14:26

Nu mae Tharunga te Blahi te mala togho ghami ghotilo na, mae Mama ginauna kuru meini mana ka nanghagu iara. Kau narane te mei mana na, mana ginauna farirhiu ghami ghotilo gobigna lepore, eghuteuna mana ginauna eni igne mala ke ghatho fapulodi ghotilo gobigna lepo teke chekedi iara ka ghotilo ra.

Nonomho Te Keli Teke Risoi Mae Mak 16:19

Kate gnafa cheke Lord Jisas ka nogna mae fanomhore, God ne hata hagheni mae Jisas kligna. Eghuteuna mana gnokro fei nhetagna God.

Ululahu Pita 3:22

Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.

Galesia 3:14

Mae Kraes neke foli fajifla ghita mala tangomana iheire te theome Jiu te mala hatini unha God teke nhaꞌa cheke ka mae Ebraham na mala tusu ranghini mana. God fablahidi naugna mae Jisas Kraes. Eghuteuna ka puhi igne, tahati naikno fateo te fatutuani ra, tahati tangomana te hata Tharunga te Blahi God teke nhaꞌa chekehi ka tahati.

Mae Khuru 10:45

Naikno Jiu te fatutuani ni mae Jisas teke mei balugna mae Pita re ne jaglo nodi fara, eigna God ne tusu lao u Tharunga te Blahi na ka naikno te theome Jiure.

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Jone 14:16

Iara ginauna toreni mae Mama mala kuru meini mana ka ghotilo keha mae te mala togho ghami ghotilo, mana ginauna au fabrahu balumi ghotilo. Mana mae Tharunga te Blahi, mae ihei nate falalase glepo te tutuani eigna God na. Naikno te leghuni puhigna nauthoglu igne na, naikno tuana theome snakreni mae Tharunga te Blahi te mala mei ka mana, naugna mana ne theome laseni nei filo glanini neu mana. Nu ghotilo lasenihi mana, naugna mana au balumi ghotilo, eghuteuna mana ginauna theome tei koko ghami ghotilo.

Ululahu Pita 1:21

Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.

Hibru 10:12

Nu mae Kraes neke eni kaisei fafara kolho te nolaghi te mala atha koko nakhibodi naiknore tifa tifa. Eghuteuna ke leghugna igne mana tei ne gnokro fei nhetagna God.

Letas Teke Riso Tei Mae Pol Ka Khiloau Rom 5:5

Eghuteuna u grouronu igne theome mala fadiꞌa nagnafa ghita tahati. Naugna God neke falalasehi nogna namha na ka tahati nei mana neke kuru mei nogna Tharunga te Blahi na mala au ke lamnada.

Profet Isaia 53:12

Naugna igne iara ginauna ghatho tahuni mana baludi mae biꞌo te au nodi nolaghi. Mana snakreni thegna mala lehe jateula mae te diꞌa eghu. Nu mana lehe tughudi kmana naikno te tapla jafra ka nakhibo, eghuteuna mana tore ghau iara mala atha koko nakhibodire.”

Nodi Khoje Hatimare Mae Jiu 89:24

Nu iara ginauna namhani fara mana, nei mala kaisei phile balugna mana eghu fabrahu. Eghuteuna iara ginauna mala toghoni mana fabrahu mala nheta mana kau magra na.

Nodi Khoje Hatimare Mae Jiu 89:19

Tifa tifa na, iagho neke mei ka nou mae gloku te kelire neke cheke eghu ka mare ka mifi na, “Iara neke toghoni kaisei mae sitei mala kaisei mae soldia te fnakno fara nanghagna na. Eghuteuna iara neke vahini mana ka mare mala king.

Taetus 3:6

God tusu mei neke salaꞌui u Tharunga te Blahi na ka tahati, naugna mae Jisas Kraes neke lehe tughu ghita ke kligna gaju fafatha.

Efesus 4:8

Naugna igne grioriso te blahi na ne cheke eghu agne, “Kate haghe kligna ka thofno namono na, mana na sesekai kmana naikno balugna. Eghuteuna tusu lao khokofakasai ka naiknore.”

Jone 17:5

Mama, gognarona fafnakno ghau iara ke ulumu. Tusu mei ka iara nafnakno teke kulu au ka iara kani teke au tekeu iara balumu iagho ia, ame eni nga iagho nauthoglu gne teku ia.

Jone 15:26

“Iara ginauna kuru meini ka ghotilo mae mala thotogho na. Mae igne mae Tharunga te Blahi, mae te mala falalase glepo te tutuanire. Mana na mei ka ghotilo funugna ka mae Mama mala toutonu eigu iara.

Luku 24:49

Iara ginauna kuru mei ka ghotilo mae ihei teke nhaꞌa cheke mae Mama na. Nu ghotilo mala au ngala Jerusalem ghilei hatini nogna nolaghi God te mei funu kligna na.”

Profet Isaia 52:13

Lord ne cheke eghu, “Unha nate edi nogu mae gloku iara igne ginauna ari thofno horoghoto fara. Naiknore ginauna ghatho tahuni nei pala hagheni eghu nanghagna mana na kligna.

Nodi Khoje Hatimare Mae Jiu 118:16

Mana ne eni igne ka nogna nolaghi. Uve, ka nogna nolaghi te edi mana glepo te biꞌo igre!”

Efesus 1:13

Ghotilo jaola mala nogna naikno God kate nomhini thofno farirhiu te tutuani igne, u Nonomho te Keli eigna u thofno nakarha te malami ghotilo. Kate fatutuani ni ghotilo Kraes na, God neke tusu ranghi ghami mae Tharunga te Blahi teke nhaꞌa chekeni mana na, mala laseni ghotilo te nogna naikno mana re.

Hibru 2:9

Nu tahati filoni mae Jisas! God neke nhaꞌa soruni mana katha vido ikoi ke paridi mae engel re. Nu gognaro na tahati filoni nafnakno nei siasigla ka mana mala tithini mae King naugna mana neke au papara nei lehe tughu ghita gnafa. God neke snakreni igne naugna mana ne namha ghita gnafa.