Mae Khuru 2:27 - Buka Blahi Ka Cheke Holo

²⁷ Naugna iagho ginauna na theome lisa laoni tharungagu na Hades. Eghuteuna iagho ginauna theome snakreni nou Mae Blahi na mala boto ke lamna gluma.

Mae Khuru 2:27 ပူးပေါင်းရင်းမြစ်များ

Nodi Khoje Hatimare Mae Jiu 16:10

Iagho ginauna na theome snakre tei ghau iara ka namonodi naikno tela lehehi ra. Iagho theome snakre ghau iara te mala boto ke lamna gluma na naugna iara ne namha nigho iagho.

Mae Khuru 2:31

Mana ne kulu filo glanihi unha nate eni God ginauna. Aonu mana ne cheke eigna mae Kraes nate karha fapulo na, neke cheke eghu, ‘God na theome lisa laoni mana mala au Hades. Eghuteuna mana theome snakreni thinigna na mala boto lamna gluma.’

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Thakle 20:13

Glehe ghe namono Hades ne snakre haghedi naikno te gnafa teke lehe te au ke lamnadire, eghuteuna nhorora na jaola ne snakre haghedi naikno te gnafa te au ke lamnagna. Mana ne fatedi naikno igre leghuni unha teke edi teke mei mare ka nakarhadire.

Ululahu Korin 15:55

“Glehe, aheva nou nolaghi te mala funei frunidi iagho naiknore? Glehe, aheva nou nolaghi iagho te mala goigonidi naiknore?”

Jone 11:39

Mae Jisas ne cheke eghu ka mare, “Hata fadelei u thina biꞌo tuana.” Nu, Mafa gregagna mae te lehe na ne cheke eghu ka mae Jisas, “Lord, la siri diꞌa gnahi, naugna gognarona la fati narane gnahi ke lamna gluma.”

Nodi Khoje Hatimare Mae Jiu 86:13

Nou namha iagho ranghi ghau iara na thono biꞌo fara. Uve, iagho neke fakarhi ghau iara kau glehe.

Thakle 3:7

Mae igne neke cheke eghu ka iara, “Iagho rioriso tei kaisei letas ranghini engel gna khiloau Filadelfia, eghuteuna iagho cheke eghu ka mana: Igre nogu cheke iara mae ihei te blahi nei taji fabrahuni teu nogu nhaꞌa cheke na. Iara au nolaghi te mala funei frunidi naiknore jateula mae King Devet tifa ia eghu. Tutuani iara au nolaghi te mala chekeni ihei te ruma haghe ka nogna nauthoglu majaghani God na, nei ihei nate theome ruma haghe jare na. Jateula iara te au kaisei ki ka khamegu na te mala tothora grengatha na ranghidi kehare nei bobotho ranghidi kehare teuna.

Ululahu Jone 2:20

Nu ghotilo theome jateula mare eghu, eigna mae Tharunga te Blahi neke meihi ke klignami ghotilo. Eghume ghotilo te gnafa na laseni cheke te tutuani na.

Luku 4:34

“Sei! Ghema Jisas gna Nasaret! Mala faꞌunha ghami ghehati sagho ia? Iagho jau mala mei fadiꞌa ghami ghehati neku sini! Iara lase nighohi, iagho thofno mae blahi nogna God!”

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Nonomho Te Keli Teke Risoi Mae Mak 1:24

“Jisas, mae gna Nasaret, mala faꞌunha ghami ghehati neku sagho ia? Iagho jau mala mei fadiꞌa ghami ghehati neku sini! Iara lase nighohi iagho thofno mae blahi nogna God!”

Matiu 11:23

Ghotilo naikno te au Kapanam ra, na eghunu nhaꞌa haghe ghami God kligna eghu jau si ghotilo gaoghathomi na? Theo fara! God ginauna koko soru ghami ghotilo Hades ka namonodi naikno tela lehehi ra. Nu jame filodi naikno te diꞌa ka namono Sodom kofubobhoi te edi God ka ghotilo igre meuna, naikno te diꞌa di Sodom igre jame tughu nagnafahi. Eghuteuna namono Sodom gne jame au ngala gognaro na.

Profet Jona 2:6

Iara jateula te plulu ke pari pesi thogele ra eghu. Iara jateula te au ka suga sosolo ra eghu ke pari glose eghuteuna iara theome tangomana te jifla na. Nu iagho Lord nogu God fakarhi ghau jateula iagho teke atha fajifla ghau ka beku ia eghu.

Nodi Khoje Hatimare Mae Jiu 116:3

Iara neke namo lehe kate thoke ghau hoholo te biꞌo na. Naugna igne iara thono mhaghu nogu fara nei nanga nogu fara eghu.

Nodi Khoje Hatimare Mae Jiu 89:19

Tifa tifa na, iagho neke mei ka nou mae gloku te kelire neke cheke eghu ka mare ka mifi na, “Iara neke toghoni kaisei mae sitei mala kaisei mae soldia te fnakno fara nanghagna na. Eghuteuna iara neke vahini mana ka mare mala king.

Nodi Khoje Hatimare Mae Jiu 49:15

Nu God ginauna fakarhi ghau iara kau glehe.

Mae Khuru 4:27

Tuani fara Lord, agne Jerusalem na mae Herod ghe mae Pontius Paelat neke kaisei baludi naikno te theome Jiure nei naiknodi Israel re eghu mala faleheni mae Jisas, mae nou gloku blahi iagho na. Mae ihei iagho teke vahini mala mae Mesia.

Mae Khuru 3:14

Tutuani, mana kaisei mae blahi nei doglo eghu, nu te chekeni ghotilo na ghotilo theome magnahagheni mana. Nu ghotilo toreni mae Paelat mala snakre ranghi ghau mae Barabas, kaisei mae te diꞌa teke falehe naikno ia.

Luku 16:23

Nu God ne kuruni mae te dedei ne tei ka vido aheva te au naikno te lehere ne au papara fara jare. Mae dedei ne filo gaꞌuni mae Ebraham balugna mae Lasaros.

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Mae Khuru 2:26

Naugna igne iara gleale'a fara, eghuteuna chekegu iara na fatakleni nogu gleale'a na. Neubane mae mala lehe, iara ginauna na fatutuani nigho fabrahu.

Mae Khuru 2:28

Iagho neke falalase ka iara u nabrou karha na, eghuteuna iagho ginauna au balugu iara mala faglealeꞌa ghau iara.’