Mae Khuru 2:25 - Buka Blahi Ka Cheke Holo

²⁵ Naugna mae Devet na neke kulu cheke eghu eigna mana, “ ‘Iara filoni Lord au fabrahu ke ulugu, mana na au rhegu iara, mala theome nanga nogu iara.

Mae Khuru 2:25 ပူးပေါင်းရင်းမြစ်များ

Profet Isaia 41:13

Ghotilo thugu iara. Iara Lord, nomi God ghotilo! Iara au balumi ghotilo, eghuteuna iara ginauna loku famaku ka khame nhetami ghotilo re, na cheke eghu ka ghotilo, ‘Thosei mhaghu, iara ginauna togho ghami ghotilo.’

Nodi Khoje Hatimare Mae Jiu 62:6

Kaisei mana ngala te mala doadofra ghau nei togho ghau teu iara na. Eghuteuna kaisei mana ngala mae ihei te mala bara fothi ghau iara na. Eghume iara gne theome tangomana te nigra ka magra na eghu.

Nodi Khoje Hatimare Mae Jiu 109:31

Naugna Lord na bara fothidi iheire te kuma, nei fakarhidi ka iheire te chekeni, “Mae igre mala lehe” teu are eghu.

Nodi Khoje Hatimare Mae Jiu 62:2

Kaisei mana ngala te mala doadofra ghau nei togho ghau teu iara na. Kaisei mana ngala te mala bara fothi ghau iara na. Eghume iara gne theome tangomana te mhaghuni ihei te mei magra ghau nei tapla soru ghau teu.

Nodi Khoje Hatimare Mae Jiu 110:5

Lord na kegra balumu iagho mala faheta nigho iagho. Kate diꞌatagna na, mana ginau magra mala falehedi hatimare mae king.

Nodi Khoje Hatimare Mae Jiu 73:23

Neubane eghu ngau, iagho theome tei koko ghau iara, iagho batu ghau iara jateula mae te loku ka khamegna thugna na ia eghu.

Nodi Khoje Hatimare Mae Jiu 30:6

Tifa kani au fakeli nogu teku iara na, iara neke cheke eghu, “Theome tangomana kaisei glepo nate mei tapla fapari ghau iara na.”

Nodi Khoje Hatimare Mae Jiu 21:7

Nomi king ghehati gne thofno fatutuani ni Lord. Eghuteuna mana ginauna kegra maku fabrahu naugna God ka maloa kligna thofno namhani fara nei taji fakelini eghu mana.

Jone 16:32

Fanomho ghotilo ia. Narane te mala sopa thei ghotilo na la namohi. Ka narane tuana ghotilo ginauna kafe tei koko ghau iara nake pulo ka nomi namono themi re. Narane tuana agne hi gognarona. Nu iara ginauna theome au thegu eghu, naugna mae Kmagu iara na au balugu iara.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Mae Khuru 2:26

Naugna igne iara gleale'a fara, eghuteuna chekegu iara na fatakleni nogu gleale'a na. Neubane mae mala lehe, iara ginauna na fatutuani nigho fabrahu.