Mae Khuru 2:2 - Buka Blahi Ka Cheke Holo2 Kaisei naogla biꞌo jateula nuri blahi neu megei nga ne ghaghafa mei funu ka maloa na ne fodu ka suga te au teu mare na. အခန်းကိုကြည့်ပါ။ |
Eghuteuna Lord ne cheke eghu ka mana, “Iagho jifla tei kosi, eghuteuna iagho ari thafo ghau iara ke kligna thogele, naugna Iara Lord namo mei salaꞌu agne.” Eghuteuna mana ne kuru mei kaisei nuri biꞌo jateula kaisei saeklon neu ne nghali thogele igne ne phike thina re. Nu Lord na theome au ka nuri igne. Ke leghugna nuri igne, glose na nghali ka nakheu. Nu Lord na jaola theome au ka nakheu igne.
Ghathoi sagho u nuri ia. U nuri na ghaghafa nogna u ngala ka vido aheva te magnahaghei tei na. Iagho tangomana te nomhini u naoglagna u nuri na. Nu iagho theome laseni ghaghafa mei funugna aheva ba aheva tei teuna eghu. Jateula tuana eghu naikno te karha majaghani ka nogna nolaghi Tharunga te Blahi na.”
Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”
Eghume, God neke falalase ka mare u thofno gaoghathogna cheke igne, theome mala toghodi kolho thedi kate toutonu na, nu mala togho ghami ghotilo. Gognaro na mae Tharunga te Blahi teke kuru mei God funu kligna na tusu lao nolaghi ka keha naiknore mala toutonu ka ghotilo. Naikno igre neke toutonu eigna u Nonomho te Keli na ka ghotilo glepo teke toutonu dila hatimare mae profet ra. Tutuani fara hatimare mae engel, mare magnahaghei te lase fakeli nila Nonomho te Keli igne.