Mae Khuru 2:11 - Buka Blahi Ka Cheke Holo

¹¹ kehare karha Jiu ba kehare theome karha Jiu nu gognaro mare leghudi nodi khiloau mae Jiure. Eghuteuna keha ka tahati mei funudi Krit nei Arebia. Neuba ngau tahati kafe nomhidi mare cheke ka noda cheke tahati re eidi glepo biꞌo te edi God igre.”

Mae Khuru 2:11 ပူးပေါင်းရင်းမြစ်များ

Ululahu Korin 12:10

Eghuteuna ka keha naikno na Tharunga te Blahi tusu ranghini nolaghi te mala eꞌei kofubobhoi. Ka keha naikno na nolaghi mala toutonuni chekegna God na jateula mae profet eghu. Eghuteuna ka keha naikno na nolaghi mala filo glanini nogna nafnata nolaghi naikno, jame te nogna God ba theo. Ka keha naikno na Tharunga te Blahi na tusu ranghini nolaghi te mala cheke ka keha nafnata cheke. Eghuteuna ka keha naikno na tusu ranghini nolaghi te mala rurutha gaoghathodi nafnata cheke tuare.

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Hibru 2:4

God jaola neke falalase chekegna te thofno tutuani na ka kmana nafnata fagaglana nei kofubobhoi eghu teke edi mana re. Jaola, mana ne falalase neke tusu ranghidi nogna nolaghi mae Tharunga te Blahi na ka kmana nafnata puhi mala toghoni nodi gloku na, leghuni nogna gaoghatho thegna na.

Taetus 1:12

Kaisei mae ka hatimare thedi, mae profet gna Krit na, mana neke cheke eghu eidi mare, “Naiknodi Krit igre naikno chaichaghi fara, puhidire jateula u khuma fakaukathu te goigonidi glepo te keli ra eghu. Mare thono thodo loku fara, eghuteuna mare magnahaghei ghamu fabiꞌo koba eghu.”

Profet Jeremaea 25:24

nei king te gnafa te au ka kantri Arebia, nei king te gnafa te au tafri ke lamna namono nagou,

Nodi Khoje Hatimare Mae Jiu 26:7

Iara na kojeni kaisei himu mala kilo fnakno nigho iagho, nei chekedi ka naiknore famane gloku te keli teke edi iagho ra.

Thoutonu Eigna Mae Job 9:10

Tahati theome raꞌe lase fakelidi glepo te biꞌo teke edi mana re. Eghuteuna kofubobhoi teke edi mana re, thono kmana fara.

Taetus 1:5

Iara neke lilisei fapulo nigho ka moumolu Krit naugna iara magnahaghe nigho te mala ke edi fagnafa keha glepo teke theome edi fagnafa nga teku ra. Nu iara magnahaghei nigho te mala vavahi keha mae mala baubatu ka khiloau gne leuleghu namono. Leghudi unha teke chekedi iara ka iagho ra.

Mae Khuru 27:12

Jaola naprona te poru mare igne theome raꞌe keli ka nhigra khoburu na. Aonu mae te kmana re magnahaghei te jifla mala fariuriu tei thoke ka namono Finiks mala poru jare. Vido igne kaisei naprona keli fara mala poru te au ka moumolu Krit, au fei te mala plulu naprai.

Mae Khuru 27:7

Eghuteuna ghehati magnahaghei fariuriu te tei thoke Nidas nu kmana narane vaka na ne theome thugha, naugna nuri na ne heta mei fara ke ulumi ghehati. Ghehati theome tangomana te tei fabrahu na. Aonu ghehati figri neke tei rhegna giughiju Salmon ne liu ke matagna moumolu Krit.

Profet Jeremaea 3:2

Filo si ghotilo ka thogele te theome karha kaisei glepo tagna ana! Ghotilo tei tarai ka nomi god re ka thogele tuare, igne jateula mae ihei te lilisei khetogna na teke tolaghi ka keha gaꞌase delei ra eghu. Leuleghu fata na ghotilo poru ka geri nabrou mala lokidi iheire te mei salaꞌu jare na. Ghotilo jateula mae blau te poru ka vido te gou te mala atha poru nodi glepo naikno te salaꞌu ka vido tuana ra eghu. Ghotilo thofno goigoni glose igne ka puhimi te diꞌare.

Profet Isaia 28:29

Lord mae ihei te au nolaghi fateote'o igne mana thono lalase fara, nei mana laseni fara te tusu mei gaoghatho te keli ka tahati na. Eghuteuna gaoghatho te keli igne mei funu ka Lord.

Profet Isaia 25:1

Lord, iagho nogu God iara. Iara ginauna cheke fakeli nigho, eghuteuna pala hagheni nanghamu iagho na. Iagho edi koba gobigna lepo te biꞌo re, la jaglo nodi fara naiknore. Naugna iagho neke ghathodi funu tifa te mala edi glepo igre, iagho neke tajini fabrahu nou nhaꞌa cheke na.

Profet Isaia 13:20

Ginauna na theo kaisei naikno nate au ka namono tuana. Eghuteuna maedi Arab ginauna na jaola theome lisei haghe nodi suga tapuale ka vido igne. Eghuteuna mae greireghi sipu ginauna theome hata mei nodi sipure mala ghamu buburu ka vido igne.

Nodi Khoje Hatimare Mae Jiu 136:4

Lord ngala teke edi kofubobhoi te biꞌo te jaglodi fara tahati gre. Mana ne namha ghita tahati tifa tifa.

Nodi Khoje Hatimare Mae Jiu 111:4

Lord magnahaghei ghita tahati te ghathodi fabrahu glepo te keli teke edi mana igrei. Eigna Lord ne thofno keli ranghi ghita nei kokhoni ghita eghu fabrahu.

Nodi Khoje Hatimare Mae Jiu 107:21

Eghume, mare ne tegioni God eigna nogna namha biꞌo mana ranghidi mare na, nei eidi glepo te biꞌo teke edi mana te toghodi mare re.

Nodi Khoje Hatimare Mae Jiu 107:15

Mana neke fadidiꞌa grengathagna suga sosolo teke hohoro mare ka bras na, nei lolhopa aean teke loku mare na. Uve, mana neke atha fajifladi hui. Eghume mare tegioni nogna namha biꞌo God na, nei glepo te biꞌo teke edi mana teke toghodi mare na eghu.

Nodi Khoje Hatimare Mae Jiu 107:8

Eghume, mare ne tegioni God eigna nogna namha biꞌo mana ranghidi mare na, nei eidi glepo te biꞌo teke edi mana te toghodi mare re.

Nodi Khoje Hatimare Mae Jiu 96:3

Ghotilo cheke thakleni nogna nolaghi mana na ka naiknodi keha kantri are. Uve, ghotilo cheke thakleni nogna gloku te biꞌo ka naikno fateote'o.

Nodi Khoje Hatimare Mae Jiu 89:5

Lord God, hatimare maedi kligna re, mare koje nei kilo fnakno nigho eghu iagho eidi glepo te keli te edi iagho ra. Uve, hatimare mae engel te blahi, mare koje eigna puhi te keli te tajidi iagho nou nhaꞌa cheke ra.

Nodi Khoje Hatimare Mae Jiu 78:4

Tahati thosei pophoru ka thudare glepo igre, nu tahati toutonu ranghidi thudare nei ranghidi iheire nate karha mei thogheiro. Tahati toutonu ranghidi eigna nogna nolaghi te mala edi koba kofubobhoi nei gloku te biꞌo teure.

Nodi Khoje Hatimare Mae Jiu 77:11

Lord God, iara ginauna ghathodi glepo biꞌo teke edi iagho ra. Uve, iara ginauna ghathodi glepo biꞌo teke edi iagho tifara.

Nodi Khoje Hatimare Mae Jiu 71:17

God, funu ka narane teke mae majaghanigu iara na, iagho neke farirhiu ghau iara, eghuteuna iara na chekedi fabrahu glepo biꞌo teke edi iagho ra.

Nodi Khoje Hatimare Mae Jiu 40:5

Nogu Lord God, iagho neke edi kmana glepo fara malami ghehati neku, jare na theo kaisei God te jateula iagho teuna! Iagho neke edi famane gaoghatho te keli te mala leghudi ghehati teku re. Iara theome tangomana te kahadi unha teke edi iagho mala togho ghami ghehati teku re.

Fapea Kronikols 26:7

Ka narane tuare, God ne toghoni mana mala uludi mana ka magra naiknodi Filistia, nei naiknodi Arab te au ka namono Gua-Baal nei naiknodi Meun.

Fapea Kronikols 17:11

Naiknodi Filistia igre hata ne mei kmana silva nei keha namha eghu ka King Jehosafat. Eghuteuna naiknodi Arab hata ne mei fitu thogha fitu gobi sipu nalhaꞌudi eghuteuna fitu thogha fitu gobi nanigot nalhaꞌudi ne tusu lao ka mana.

Ululahu Kings 10:15

Eghuteuna mana jaola hata sileni ka takis te foli hatimare mae bisnis ka mana, hatimare mae king di Arebia, nei hatimare mae gavana ka provins te gnafa Israel folini mana koba.

Galesia 4:25

Hega gne gaoghathogna na Sanai eghu, kaisei thogele Arebia, nu jaola kaisei thotoghale gna namono biꞌo Jerusalem. Naugna Jerusalem gne jateula kaisei mae sneka eghu, eghuteuna naikno Jiu teke au ka namono Jerusalem igre mare jateula mae sneka eghu. Naugna mare mala leghuni nogna vetula mae Moses na.

Galesia 1:17

Iara neke theome tei Jerusalem mala filodi mae iheire teke kulu mae khuru ke ulugu iara re. Nu iara doglo neke tei Arebia, eghuteuna ke leghugna igne iara neke pulo Damaskas.

Profet Isaia 21:13

Igne cheke eigna Arebia. Ghotilo naiknomi Dedan! Kate tei falithui ghotilo ka vido te mala sabiri nomi glepore, ghotilo tangomana te lisei haghe nomi suga tapuale re ka namono nagou Arebia.

Ululahu Korin 12:28

God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Mae Khuru 2:10

Frijia, Pamfilia, Ijep, ka nohigna Libia rhegna namono Saerini. Keha ka tahati mae Jiu mei funudi Rom kolho,

Mae Khuru 2:12

Hatimare ne kafe jaglo nodi ne faꞌihodi, ne ghusna eghu fari thedi, “Tore, unha eghu si gaoghathogna na gnea?”

Mae Khuru 27:13

Kate funu ghaghafa faꞌikoi teu ke mata u nara na, mare ne cheke eghu, “Uve, igne si nuri te magnahagheni tahati ia!” Aonu mare korho haghe sobo na ne geri rhegna moumolu Krit.