Mae Khuru 2:1 - Buka Blahi Ka Cheke Holo

¹ Kate thokeni narane Pentekos na, mare ne kafe au fodu neu kaisei vido.

Mae Khuru 2:1 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 15:6

Ka puhi igne, ghotilo te gnafa na ginauna mala kaisei nagnafa ngala mala kilo fnaknoni God Kmagna noda Lord Jisas Kraes.

Filipae 2:2

Eghume iara thono tore ghami ghotilo mala kaisei nagnafa ngala ka unha puhi te magnahaghei eni teu ghotilo na nei biꞌo nomi namha na fari themi. Te eni ghotilo igne, iara na thono gleale'a fara ka ghotilo.

Filipae 1:27

Uve, glepo te ulu na puhimi ghotilo re mala leghuni nogna Nonomho te Keli mae Jisas Kraes. Eghume neubane mei iara ne sigho ghami ba ne tei koko ghami, iara ginauna nomhidi thoutonu te keli eimi ghotilo re. Iara magnahaghei te nomhi ghami ghotilo te kaisei nomi gaoghatho ngala nei kegra maku ka nomi fatutuani na ka mae Jisas Kraes.

Ululahu Korin 16:8

Nu iara ginauna au agne Efesus ghilei thokei narane Pentekos.

Profet Sefanaea 3:9

“Ka Narane igne, iara ginauna tusu lao gaoghatho majaghani ka naikno te au ka kantri igre. Uve, gaoghathodi naikno igre ginauna majaghani mala pogho soru ghau iara, nei mala kaisei nagnafa eghu mala leghuni chekegu iara na.”

Mae Khuru 4:32

Naikno te fatutuani ni mae Jisas re ne kaisei nagnafa ngala nei kaisei gaoghatho ngala. Theo kaisei naikno te chekeni ne khotogna thegna ngala kaisei glepo teuna. Nu mare tufa gobigna lepore.

Eksodas 23:16

“Ghotilo mala jaola ke ghatho fapuloni narane biꞌo teke funu atha gano majaghani teke joꞌu ghotilo ka nomi nagare ra. “Nei ghotilo mala ke ghatho fapuloni narane biꞌo teke au teku ghotilo ka suga tapuale ra, ghotilo neke kulu ukli sisi grep mala eni waen nei oliv mala eni oliv oel neku neke thokei mei nga ka nhigra nakhete na.

Mae Khuru 20:16

Mae Pol magnahaghei te chari liu Efesus naugna mana tirogna au jare kmana narane ka Provins Esia. Mana magnahaghei ghosei thoke Jerusalem ame thoke mei nga narane Pentekos.

Mae Khuru 4:24

Kate nomhini igne, naiknore kaisei nagnafa ngala ne kafe tarai fodu ka God ne cheke eghu, “Lord God, iagho mae neke vuavuhani maloa, nei glose, nei nhorora, nei gobigna lepo te au ke lamnadi.

Profet Jeremaea 32:39

Eghuteuna iara ginauna toghodi mare mala kaisei loku fodu ka kaisei nodi gaoghatho ka unha nate eni mare na. Leuleghu fata na mare te gnafa na mala ghatho tahu ghau iara ka nakarhadi na, eghuteuna mare balu thudi nate karha mei ke leghudire tangomana nate au fakeli na.

Eksodas 34:22

“Ka narane te tei atha wit saro ulu ka nomi nagare are, leuleghu fata na ghotilo eni gaghamu ka Narane Biꞌo gna Fitu Wik. Eghuteuna ka narane igne gloku ka nagare ra ginauna hui, ghotilo jaola mala eni Narane biꞌo te mala Au ka Grorofe Ikoi.

Mae Khuru 5:12

Hatimare mae khuru ne edi kmana kofubobhoi nei kmana fagaglana biꞌo eghu farihoteidi naiknore. Eghuteuna iheire fateo te fatutuani ni mae Jisas re ne kaisei nodi gaoghatho ngala ne salo fodu ka nogna varanda mae Solomon ka Sugablahi na.

Fapea Kronikols 30:12

Eghuteuna God ne toghodi naiknodi Juda ne kaisei gaoghatho kolho ne leghuni nogna cheke Lord teke chekeni king baludi nogna mae biꞌo mana re.

Nodi Khoje Hatimare Mae Jiu 133:1

Kheraguro! Thofno keli fara te au fodu tahati nogna naikno God ra te kaisei gaoghatho ngala jateula kaisei thabusigna teuna.

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,

Mae Khuru 2:46

Leghu narane na mare salo fodu kau nogna Sugablahi God na mala tarai fodu nei jaola ima fodu ka sugadire balu gleale'a ka nagnafa te keli,

Mae Khuru 1:5

Naugna mae Jone ia neke faꞌapublahidi naiknore kau khoꞌu kolho nu keha narane ke leghugna igne, iara ginauna na faꞌapublahi ghami ghotilo kau Tharunga te Blahi.”

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Mae Khuru 4:31

Ke leghugna te tarai mare na, u suga te khapru te tarai teu mare na megei nga ne nghali. Eghuteuna mae Tharunga te Blahi na ne soru mei ka mare. Ke leghugna igne, mare ne theome mhaghu te toutonuni u chekegna God na.