Mae Khuru 19:9 - Buka Blahi Ka Cheke Holo

^9-10 Keha mae Jiure ne patugama fara ne tirodi fatutuanidi nogna cheke mae Pol re. Eghuteuna mare ne cheke fadiꞌani u puhi te mala leghuni mae Jisas. Aonu mae Pol ne jifla ka suga tharai na baludi naikno khiloau re ne tei ka nogna suga sikolu mae Tiranas. Jare mae Pol ne cheke ranghidi naikno khiloau re leuleghu narane nabagna phei finogha. Eghuteuna mae Jiu nei Griki teu te au ka Provins Esia na igre neke kafe nomhini chekegna Lord na ka gloku te edi mae Pol igre.

Mae Khuru 19:9 ပူးပေါင်းရင်းမြစ်များ

Mae Khuru 19:23

Ka vido tuana, keha puhi biꞌo ne thakle haghe ka namono Efesus eigna puhi mala fatutuani ni mae Jisas.

Mae Khuru 9:2

ne toreni mana mala rioriso keha letas mala hata balugna tei Damaskas ka nodi suga tharai mae Jiure. Mae Sol ne magnahagheni mae pris biꞌo na te tusu ranghini nolaghi ka letas igre mala hirodi naiknodi Damaskas te leghuni puhi te mala fatutuani ni mae Jisas. Jame filo deni mana kaisei naikno nalhaꞌu ba gaꞌase te leghuni mae Jisas jare na, mana ginauna na lokidi mala ke hata fapulodi Jerusalem.

Fapea Pita 2:12

Nu mae velepuhi chaichaghi igre theome tangomana ghaoghatho fakeli nei mare cheke fadiꞌadi unha glepo te theome lasedire. Eghume God ginauna roꞌedi mare jateula naikno te falehe bosu ra eghu. Nu ghotilo laseni bosu na mala lolhoku nei falehe.

Mae Khuru 14:4

Nu naiknogna namono tuana na ne fnota ka phei tothoghei. Kaisei tothoghei na ne kaisei gaoghatho baludi mae biꞌodi mae Jiure, eghuteuna keha tothoghei na ne kaisei gaoghatho baludi mae khurure.

Letas Teke Rioriso Mae Jud 1:10

Nu mae velepuhi chaichaghi igre cheke fadiꞌadi unha glepo te theome lasedire. Mare mae glalase fara, nu unha te lase fakelini mare jateula glepo te laseni ngala khuma ba bosu teu, tuana ngala te eni mare na. Nafnata puhi te edi mare tuare ginauna roꞌedi kolho thedi.

Fapea Pita 2:2

Kmana naikno khiloau ginauna jaola leghudi puhi diꞌa te edi mare re. Naugna igne keha naiknore na funu cheke fadiꞌani Nonomho te Keli te thofno tutuani fara igne.

Hibru 3:13

Nu fari totoghoi leghu narane. Eni igne gognaro kani au nomi narane ngau ghotilo, mala theo kaisei naikno te dofu nei meglini eghu naoglagna God na ka nogna chaichaghi mae Satan, mae ihei te batudi nagnafada ka nakhibo.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Letas Teke Riso Tei Mae Pol Ka Khiloau Rom 11:7

Igne gaoghathogna naiknodi Israel re theome thafoni kolho nabrou te mala au doglo ka tathagna mana na, neuba mare ne fariuriu fara te mala hironi nabrou te mala au doglo na. Naugna God neke faninhigrana ranghidi te mala fanomho ka chekegna God. Nu keha naiknodi Israel ghu kolho God teke vahidi teke filo deni nabrou te doglo na.

Letas Teke Riso Tei Mae Pol Ka Khiloau Rom 9:18

Eghume te laseni tahati na, kate magnahaghei kokhonini God ihei na, God ginauna kokhonini mana, eghuteuna kate magnahaghei fameglini God ihei na, God ginauna jaola fameglini mana.

Mae Khuru 22:4

Iara neke paradi fara naikno te leghuni puhi te mala fatutuani ni mae Jisas igne. Iara neke lokidi nalhaꞌu ba gaꞌase neke koko laodi ka suga sosolo.

Mae Khuru 7:51

Mae Stivin tudu ne cheke eghu, “Icho idomi, ghotilo mae mala baubatu gre pha'umire thono romno fara. Eghuteuna nagnafami ghotilo re jateula naikno bongihehe eghu, eghuteuna ghotilo tiromi fara te fanomho ka chekegna God na. Leuleghu fata na ghotilo huhughuni fara mae Tharunga te Blahi na jateula mae ku'emi tifa ra eghu.

Fapea Timoti 4:2

mala toutonuni koba chekegna God na. Tarabana leghu fata mala eni igne, neuba naiknore ne tirodi fanomho ka iagho. Iagho toghodi naiknore mala filo glani mare unha te jafra ka nakarhadire. Eghuteuna iagho fadodoglo puhidi naiknore ka unha te jafra ba toghodi mala nheta nodi fatutuani na. Eghuteuna kate farirhiudire, iagho mala taegodi nei farirhiu fakelidi eghu.

Fapea Timoti 3:5

Mare ginauna tei tarai koba ka suga tharai, nu mare na theome magnahagheni nogna nolaghi God na te mala funei frunini nakarhadire. Iagho au fadelei ka nafnata naikno tuare.

Fapea Timoti 1:15

Iagho lasedi mae Fijela ghe mae Hemojeni baludi keha naikno ka Provins Esia mare la tei koko ghauhi iara.

Mae Khuru 28:22

Nu ghehati magnahaghei nomhidi nou gaoghatho iagho re. Naugna ghehati laseni naiknodi namono te gnafa igre cheke faparini koba tothoghei te au iagho tagna igne.”

Mae Khuru 24:21

Nu igne kaisei glepo teke chekeni iara ke uludi mae mala fate re, ‘Ghotilo fate ghau iara gognaro gne naugna te fatutuani iara na, God ginauna nake fakarha fapulodi naikno teke lehehi ra!’ Jame cheke igre ngala mare te magnahaghei fate ghau iara na.”

Mae Khuru 20:31

Eghume fiofilo ghami eghu ghotilo ia! Jaola, ke ghathoni igne eghu, thilo finogha iara neke cheke faheta nei farirhiu ghami ghotilo bongi narane balu tanhi.

Mae Khuru 19:30

Mae Pol ne magnahaghei ruma ne cheke ke lamnagna nakhapru na, nu naikno khiloau re ne fanograni mana.

Mae Khuru 17:4

Keha mae Jiure ne fatutuani ne leghudi mae Pol ghe mae Silas. Jaola kmana naikno Griki te pogho soruni God nei kmana nakrupe eghu ne leghudi phiamare.

Mae Khuru 11:26

Kate ludeni mae Sol na, mae Banabas ne tathaleini mana neke pulo Antiok. Mae Banabas ghe mae Sol ne au kaisei finogha thongana Antiok baludi naikno khiloau re. Eghuteuna phiamare ne farirhiudi kmana naikno jare. Namono ulu lahu te kilodi mae fanomhore u nangha naikno khiloau teu igne, Antiok.

Jone 12:40

“God neke fadodofu tathadire nei famamhaku nagnafadire. Naugna igne gognaro na tathadire la dofuhi nei nagnafadire la ihohi. Naugna igne mare ginauna theome ke pulo mei ka iara mala fakarhidi.”

Matiu 26:55

Mae Jisas ne cheke eghu ka naiknore, “Ba, ne mae blau iara eghu mei balu naflahi nei nanala eghu mala mei loki ghau iara si ghotilo ia? Leuleghu narane iara gnokro farirhiudi koba naiknore ke lamna Sugablahi, nu ghotilo theome mei loki ghau ngala iara jare.

Matiu 16:4

Icho idomi! Ghotilo naikno gognaro gre thono diꞌa fara puhimire. Ghotilo magnahaghei te filoni kaisei fagaglana. Nu iara ginauna na theome fakakhana kaisei fagaglana ka ghotilo. Nu kaisei fagaglana tangomana te filoni ghotilo ginauna fagaglana teke eni God ranghini mae profet Jona tifa ia.” Gnafa tuna, mana jifla kokodi mare ne tei nogna.

Matiu 15:14

Eghume thosei ghatho tahudi ghotilo mae Farasi gre. Mare mala batudi mae te iho gre, eghuteuna mare thedi na jateula mae dofu eghu. Laseniu ngala ghotilo cheke igne, naikno te dofu nu ke batuni keha naikno te dofu la teuna, phiamare ginauna na kafe tei snoꞌo ka khora.”

Profet Jeremaea 19:15

“Lord mae ihei te au nolaghi fateote'o, nei nodi God mae Israel teu igne ne cheke eghu, ‘Fanomho fakeli ghotilo ia! Ghotilo naiknomi Jerusalem, nei iheire te au ka vido rhegna namono Jerusalem, phaꞌumi ghotilore maku fara jateula thina eghu theome magnahaghei te nomhini chekegu iara na. Eghume, puhi biꞌo ginauna thoke mei ka ghotilo.’ ”

Profet Jeremaea 7:26

Nu ghotilo theome fanomho ka nogu cheke iara igre. Phaꞌumi ghotilore jateula thina eghu edi koba glepo te diꞌare salaꞌudi mae kuꞌemi tifa ra.’

Profet Isaia 8:14

Iara jateula nomi vido keli mala poru eghu ghotilo tagna. Nu iara ginauna jateula kaisei thina biꞌo eghu ka phei vikedi Israel ghe Juda igre mala tothokei ghahedire mala uka mare pari. Iara ginauna na jaola jateula kaisei phighoro eghu mala fakhaledi mare. Eghuteuna kmana naiknodi Jerusalem ginauna uka tagna.

Proveb 8:34

Mae ihei te fanomho ka iara na, mana mei ka nogu suga iara na mala farirhiuni iara. Eghuteuna ihei te au balugu iara na, mana ginauna gleale'a.

Nodi Khoje Hatimare Mae Jiu 95:8

“Ghotilo thosei maumaku jateula teke edi ku'emi tifa ka namono nagou Meriba te kiloi Masah.

Nehemaea 9:29

“Iagho neke cheke faheta ka mare mala leghudi mare nou cheke iaghore, nu mare fahaehaghe fara nei theome leghudi eghu nou cheke iagho re. Jame ihei te leghudi nou vetula iagho re, mana tangomana te hatini u nakarha te keli na. Nu neuba ngau, mare patugama fara, eghuteuna mare figri tagruni vetula igne, eghuteuna mare tirodi fanomho nei leghu nigho eghu.

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Fapea Kronikols 30:8

Ghotilo thosei patugama jateula mare eghu. Ghotilo mala faꞌuveni Lord. Eghuteuna mana neke horo nogna Sugablahi na Jerusalem mala blahi fabrahu. Ghotilo mei ka Sugablahi igne mala tarai ka mana, mala theome diꞌatagna mana ka ghotilo.

Fapea Kings 17:14

Nu mare tirodi leghudi kolho, mare patu gama jateula kuꞌedi tifa ra eghu theome fatutuani ni Lord, nodi God na.

Ululahu Korin 16:9

Naugna gognaro na, grengatha na la thora ranghi ghauhi iara, mala tangomana iara te edi kmana gloku te keli fara, neubane kmana naoka langau te loku fanogra ghau iara na.