Mae Khuru 19:34 - Buka Blahi Ka Cheke Holo

³⁴ Nu kate filo glanini mare mae Aleksada gne te kaisei mae Jiu na, mare ne kafe thagru fabiꞌo nabagna phei aoa, ne cheke eghu, “Atemis, nodi god gaꞌase mae Efesus te fnakno!”

Mae Khuru 19:34 ပူးပေါင်းရင်းမြစ်များ

Mae Khuru 19:28

Kate nomhini naiknore te cheke eghu mae Demitrias, mare diꞌa tadi fara ne eha eghu fabiꞌo, “Atemis, nodi god gaꞌase mae Efesus te fnakno!”

Thakle 13:4

Naiknore ne pogho soru ka pholi biꞌo na naugna mana neke tusu lao nogna nolaghi na ka bosu na. Eghuteuna mare jaola pogho soru ne cheke fakelini bosu na, “Theo kaisei naikno te nheta jateula bosu igne teuna! Jaola theo kaisei naikno te naba te mala magra nei tapla soruni teu bosu tuana!”

Mae Khuru 16:20

Mare ne hatadi mae Pol ghe mae Silas ka maedi Rom te au ka namono igne mala fatedi phiamare. Mare ne cheke eghu, “Phei mae Jiu igre ne edi kmana puhi ka noda namono tahati gne.

Matiu 6:7

Kate tarai na, ghotilo thosei tarai jateula mae bongihehe te chekedi nafnata cheke te theo nafudi kolho ra eghu. Kate tarai brahu na ame nomhidi nga God eghu mare gaoghathodire.

Letas Teke Riso Tei Mae Pol Ka Khiloau Rom 2:22

Ghotilo cheke ka mare mala thosei tolaghi pedo, nu ghotilo themi na tolaghi pedo la ngala. Ghotilo tiromidi fara mumujure, nu ghotilo blau la ngala ke lamnadi nodi Sugablahi mumujure.

Mae Khuru 19:26

Nu ghotilo filonihi nei nomhinihi eghu themi unha te eni mae Pol igne. Mae igne baubatu fadiꞌadi fara naiknore, theome ka tahati agne Efesus kolho, nu ka Provins Esia tongana. Naugna mana ne cheke eghu, ‘God te gnafa teke hohoro naikno igre theome tutuani kolho.’

Ululahu Kings 18:26

Aonu mare ne hata keha buluka nalhaꞌugna na ne tarabana neu. Eghuteuna mare ne funu tarai ka Baal hamerane ne ghilei farihotei aublatha. Aonu mare ne eha eghu fabiꞌo, “Lord Baal! Fanomho mei ka nomi tharai ghehati gre!” Aonu mare ne ragi faligohoni olta teke horo mare na, nu theo kaisei cheke tughu te mei funu ka god Baal.

Mae Khuru 19:24

Kaisei mae jare Efesus, nanghagna na mae Demitrias. Nogna gloku mana na mala hohoro glepo ikoi ka silva jateula ngau sugagna mumuju god gaꞌase Atemis. Eghuteuna mae iheire te loku ka gloku igne thofno dedei fara.

Mae Khuru 19:33

Hatimare mae Jiu ne huju faꞌuluni mae Aleksada ke uludi naiknore mala cheke. Aonu, mana ne eꞌei fagaglana ka naiknore mala fanomho fakeli, naugna mana magnahaghei te cheke tughudi nodi cheke naiknore.

Mae Khuru 19:35

Aonu mae sekretri gna namono biꞌo na ne famuanadi naiknore ne cheke eghu, “Ghotilo maemi Efesus! Naikno te gnafa ka nauthoglu gne la kulu lasenihi tahati namono Efesus gne ngala te tajini teu sugagna Atemis biꞌo gne. Eghuteuna naiknore lase ghita la tahati te tajini nogna thina blahi naꞌa teke khoko soru funugna kligna na.