Mae Khuru 19:21 - Buka Blahi Ka Cheke Holo

²¹ Ke leghudi te edi glepo igre, mae Tharunga te Blahi na ne batuni mae Pol ne tei thoke Jerusalem. Eghuteuna ame tei thokei nga Jerusalem teku na, mana magnahaghei te tei sala'u ka phei provins Masidonia ghe Akaia. Mana ne cheke eghu, “Ke leghugna te tei iara ka namono igre, iara ginauna na tei thokela Rom.”

Mae Khuru 19:21 ပူးပေါင်းရင်းမြစ်များ

Mae Khuru 20:22

“Nu gognaro na iara na leghuni mae Tharunga te Blahi mala tei Jerusalem, eghuteuna iara theome laseni unha nate thoke ghau jare na.

Mae Khuru 20:16

Mae Pol magnahaghei te chari liu Efesus naugna mana tirogna au jare kmana narane ka Provins Esia. Mana magnahaghei ghosei thoke Jerusalem ame thoke mei nga narane Pentekos.

Mae Khuru 23:11

Ka keha bongi na Lord mei ne kegra rhegna mae Pol ne cheke eghu, “Ghema, thosei mhaghu! Iagho neke cheke eigu iara ka naiknore Jerusalem, iagho ginauna na jaola nake enila tuana Rom.”

Letas Teke Riso Tei Mae Pol Ka Khiloau Rom 1:13

Uve kheraguro, funu tifa te mei posa gognaro gne iara magnahaghe ghami ghotilo te laseni kmana fata iara au gaoghathogu fara te mala ari posa ka ghotilo na, nu keha glepo te fanogra ghau koba iara. Iara magnahaghei te mei mala toghodi kmana naikno jare ke lamnami ghotilo te leghuni mae Jisas jateula teke edi iara ke lamnadi keha naikno te theome mae Jiu.

Mae Khuru 18:21

Nu kate namo jifla te tei na, mae Pol ne cheke eghu ka mare, “Jame te nogna gaoghatho God na, iara ginauna nake pulo mei mala ke filo ghami ghotilo.” Aonu mana saghe ka vaka ne jifla kokoni Efesus.

Ululahu Tesalonika 1:7

Eghume ghotilo mala pala batudi naikno khiloau ka namono Masidonia nei Akaia.

Galesia 2:1

Ke leghu nabotho fati finogha iara neke puloi Jerusalem balugna mae Banabas. Iara jaola neke hata mae Taetus balugu.

Ululahu Korin 16:5

Iara ginauna ari posa ka ghotilo ke leghugna te ari sala'u iara ka Provins Masidonia na.

Letas Teke Riso Tei Mae Pol Ka Khiloau Rom 1:15

Eghume ka gaoghatho igne te magnahaghei fara iara te ari posa ka ghotilo te mala toutonuni u Nonomho te Keli igne.

Mae Khuru 28:16

Kate posa lao ghehati Rom na, hatimare mae biꞌo gna namono na ne snakreni mae Pol mala au sopa thegna. Nu kaisei mae soldia te mala au balugna mana te mala reireghini mana na.

Mae Khuru 27:24

ne cheke eghu, ‘Ghema Pol, thosei mhaghu! Iagho mala kegra ke ulugna mae Funei Sisa. Eghuteuna God na keli fara ranghi nigho iagho. Mana ginauna na fakarhidi iheire te tei balumu iagho ka vaka na igre.’

Mae Khuru 27:1

Kate doglohi te mala tei ghehati Itali na, mare ne snakre laoni mae Pol baludi keha mae sosolo langau ka khamegna kaisei mae funei biꞌodi hatimare mae armi. Mae igne nogna soldia mae funei biꞌogna Rom, nanghagna na mae Julias.

Mae Khuru 21:17

Kate posa ghehati Jerusalem na, naikno khiloau re ne keli tadi fara kate filo ghami ghehati na.

Mae Khuru 21:4

Aonu ghehati tei ne ludedi keha naikno khiloau jare ne au baludi kaisei wik. Ka nogna baubatu mae Tharunga te Blahi na naikno khiloau ka namono tuana cheke faheta ranghini mae Pol mala thosei tei thoke Jerusalem.

Mae Khuru 18:12

Ka finogha te Primia mae Galio ka Provins Akaia, goro mae biꞌo Jiure khapru ne lokini mae Pol ne hatani mana ka fate.

Lamentations 3:37

Ba, ihei tangomana te eni kaisei glepo jame te theome snakreni Lord na? Thono theo fara!

Mae Khuru 16:12

Funu jare ghehati mhata ne tei ka namono Filipae, kaisei namono ulu ka nohi ke lamnagna Provins Masidonia. Ghehati ne au keha narane ka namono tuana. Namono tuana neke hohoro hatimare mae Rom.

Mae Khuru 19:22

Aonu mae Pol ne kurudi mae Timoti ghe mae Erastus, phei nogna mae thotoghore, mala kulu tei Masidonia. Mana thegna neke au katha vido ka Provins Esia.

Mae Khuru 19:29

Aonu magra tuana ghosei ne tei posa ka namono biꞌo na. Aonu naiknore lokidi mae Gaeasi ghe mae Aristakas, phei maedi ka Provins Masidonia teke tei tei balugna mae Pol. Mare ghosei ne korho ne tei ka vido te mala khapru na.

Letas Teke Riso Tei Mae Pol Ka Khiloau Rom 1:11

Naugna iara magnahaghei fara te ari filo ghami ghotilo na, eigna God magnahaghei ghau iara te ari togho ghami ghotilo mala hata ghotilo nogna nolaghi Tharunga te Blahi na te mala farhetadi nomi fatutuani re.

Ululahu Korin 4:19

Nu jame te magnahaghei ghau iara God na, iara ginauna theome raugha ari ka ghotilo. Eghuteuna ka narane tuana iara ginauna na nomhidi nodi cheke fahaehaghe mae te fahaehaghe tuare, nu jaola iara ginauna ari filoni unha nafnata nolaghi te au ka mare na.

Fapea Korin 10:16

Naugna ke leghugna na, ghehati magnahaghei te ari toutonuni u Nonomho te Keli na ka nohi ka keha philegna namono biꞌo te au ghotilo ana. Naugna ghehati theome magnahaghei te cheke fahaehaghedi gloku tela kulu edihi keha naiknore.