Mae Khuru 19:17 - Buka Blahi Ka Cheke Holo

¹⁷ Kate nomhini thoutonu igne, naikno Jiu ba Griki te au ka namono Efesus gre ne kafe mhaghu nodi fara. Eghuteuna naiknore ne ghatho tahuni nanghagna noda Lord Jisas.

Mae Khuru 19:17 ပူးပေါင်းရင်းမြစ်များ

Fapea Tesalonika 1:12

Jame eni ghotilo igne na, nanghagna noda Lord Jisas Kraes na ginau fnakno ke lamnami. Eghuteuna ghotilo tangomana te hata nafnakno ka mana. Nafnakno tuana mei funu ka nogna namha noda God nei Lord Jisas Kraes.

Fapea Tesalonika 3:1

Uve kheraguro, tarai ghami mala tangomana chekegna Lord na mala ghosei tei ka namono te gnafa heva heva, eghuteuna naiknore ginauna tangomana te nomhini nei ghatho tahuni eghu farirhiu tuana, jateula teke enihi ka ghotilo ia eghu.

Filipae 1:20

Iara thono theome magnahaghei te eni kaisei glepo te mala famamaja ghau thegu ke ulugna mae Kraes. Nu iara magnahaghedi naiknore te filo glani ka iara nogna nolaghi biꞌo mae Kraes. Neuba mare ne falehe ghau iara ginauna, iara magnahaghedi naikno khiloaure te mala kilo fnaknoni fabrahu mae Kraes.

Mae Khuru 13:12

Kate filoni mae Primia unha te eni igne, mana ne fatutuani ni mae Jisas. Naugna mana ne jaglo nogna fara kau thoutonu eigna Lord.

Mae Khuru 5:11

Naikno fateo ke lamna khiloau nei iheire fateo te nomhini u glehe kakarha igne ne mhaghu nodi fara.

Mae Khuru 5:5

Kate nomhini igne, mae Ananias khoko soru ke ulugna mae Pita ne lehe. Aonu naikno te gnafa te nomhini igne ne mhaghu nodi fara.

Mae Khuru 18:19

mala tei thoke ka namono Efesus. Aonu mae Pol ne jifla kokodi jare ne tei thegna ne ruma ka suga tharai na ne toutonu ranghidi mae Jiure.

Mae Khuru 5:13

Eghuteuna naikno te theome fatutuanire ne mhaghu ne tirodi salo fodu baludi mare. Neubane eghu ngau, mare ne ghatho tahudi fara iheire te fatutuani ni mae Jisas.

Mae Khuru 2:43

Hatimare mae khuru ne edi kmana kofubobhoi nei fagaglana eghu ka nogna nolaghi biꞌo God na. Eghuteuna kate filodi igre, naiknodi Jerusalem re ne kafe mhaghu nei ghatho tahuni God.

Luku 7:16

Iheire teke au tekeu jare ka vido tuana ne kafe jaglo nodi fara, ne kilo fnaknoni God. Mare ne cheke eghu, “Kaisei mae profet biꞌo la thakle mei farihoteida tahati! God na la mei mala toghodi nogna naiknore!”

Luku 1:65

Ke leghugna igne kheragna fofodu mana re ne mhaghu nodi fara eidi glepo te edi God ka mare igre. Aonu naikno heva te heva ka namono holo te au ka nohi Judia na ne toutonudi glepo igre.

Nodi Khoje Hatimare Mae Jiu 64:9

Naikno te gnafare ginauna mhaghu nodi fara ka God. Eghuteuna mare ginauna na ghathoni unha te eni God igne na toutonu eidi nogna gloku mana re.

Fapea Samuel 6:9

Mae Devet ne mhaghuni Lord ka narane tuana ne cheke eghu, “Faꞌunha eghu tangomana iara te hata te mei te mala au balugu nogna Bokis Blahi Lord igne na?”

Ululahu Samuel 6:20

Naiknodi Bet-Semes igre tanhi ne cheke eghu, “Lord na blahi fara! Tahati theome nabada te au rhegna Lord na. Tahati na hata tei aheva si Bokis Blahi ignea?”

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Mae Khuru 18:21

Nu kate namo jifla te tei na, mae Pol ne cheke eghu ka mare, “Jame te nogna gaoghatho God na, iara ginauna nake pulo mei mala ke filo ghami ghotilo.” Aonu mana saghe ka vaka ne jifla kokoni Efesus.

Mae Khuru 19:1

Kate au teu mae Apolosi ka namono Korin, mae Pol liu mhata ne tei thoke Efesus. Mana ne filodi keha naikno khiloau jare.

Mae Khuru 19:16

Aonu mae te au naitu tagna igne ne kegra haghe ne tapla sorudi mae Jiu gre. Naugna mana mae ke hetadi mare hui. Mana puridi ne ghilei fnera mare, eghuteuna, leghu lahu na mana ne rerheku koko nodi pohere. Aonu mare rikha soesole ne jifla ka suga na.

Mae Khuru 19:18

Kmana naikno fatutuani ne funu cheke thakledi nakhibodire ke uludi keha naiknore nei kafe chekedi glepo te diꞌa teke edi thedi tifa re.