Mae Khuru 19:16 - Buka Blahi Ka Cheke Holo

¹⁶ Aonu mae te au naitu tagna igne ne kegra haghe ne tapla sorudi mae Jiu gre. Naugna mana mae ke hetadi mare hui. Mana puridi ne ghilei fnera mare, eghuteuna, leghu lahu na mana ne rerheku koko nodi pohere. Aonu mare rikha soesole ne jifla ka suga na.

Mae Khuru 19:16 ပူးပေါင်းရင်းမြစ်များ

Nonomho Te Keli Teke Risoi Mae Mak 5:15

Eghuteuna naiknore mei ka mae Jisas ne filoni mae ihei teke au kmana naitu tagna tifa na. Nu gognarona gaoghathogna mana na kela keli fapulo, eghuteuna mana pipichi gnokro kmu neu jare. Naiknore ne thono mhaghu fara.

Luku 8:35

Aonu naiknore mei ne filoni unha te toutonuni mare na. Eghuteuna kate mei mare ka mae Jisas na, mare ne filoni mae teke brue fajifla mae Jisas naiture tagna na. Mana pipichi pohe gnokro neu rhedi ghahegna mae Jisas re, eghuteuna gaoghathognare kela doglohi. Aonu naiknore ne mhaghu nodi fara.

Mae Khuru 3:8

Mana ghasa haghe ka phei ghahegnare, ne funu nonolo tafri. Mana ruma baludi phiamare ka Sugablahi na ne nonolo tafri balu ghasa nei kilo fnaknoni God.

Mae Khuru 19:15

Nu naitu na ne cheke eghu ka mare, “Iara laseni mae Jisas, nei iara jaola lasenila eigna mae Pol. Nu ghotilo mae iheire eghu sia?”

Mae Khuru 19:17

Kate nomhini thoutonu igne, naikno Jiu ba Griki te au ka namono Efesus gre ne kafe mhaghu nodi fara. Eghuteuna naiknore ne ghatho tahuni nanghagna noda Lord Jisas.

Fapea Pita 2:19

Mare neke nhaꞌa cheke ka naiknore eigna nasnagla na. Nu mare thedi na theome snagla kolho eghu. Mare jateula te sneka eghu ka puhi nate roꞌedi teu mare. Naugna naikno na sneka ka puhi diꞌa te batuni mana na.