Mae Khuru 19:11 - Buka Blahi Ka Cheke Holo

¹¹ God ne tusu ranghini mae Pol nolaghi biꞌo mala edi keha kofubobhoi.

Mae Khuru 19:11 ပူးပေါင်းရင်းမြစ်များ

Mae Khuru 5:12

Hatimare mae khuru ne edi kmana kofubobhoi nei kmana fagaglana biꞌo eghu farihoteidi naiknore. Eghuteuna iheire fateo te fatutuani ni mae Jisas re ne kaisei nodi gaoghatho ngala ne salo fodu ka nogna varanda mae Solomon ka Sugablahi na.

Hibru 2:4

God jaola neke falalase chekegna te thofno tutuani na ka kmana nafnata fagaglana nei kofubobhoi eghu teke edi mana re. Jaola, mana ne falalase neke tusu ranghidi nogna nolaghi mae Tharunga te Blahi na ka kmana nafnata puhi mala toghoni nodi gloku na, leghuni nogna gaoghatho thegna na.

Mae Khuru 8:13

Mae Simon thegna na jaola ne fatutuani ne apublahi. Mana ne au fanamo fara rhegna mae Filip. Kate filodi mana u kofubobhoi nei glepo te nolaghi fara teu te edi mae Filip gre, mae Simon ne thono jaglo nogna fara.

Mae Khuru 16:18

Naꞌa eni koba igne leuleghu narane. Mae Pol ne ghilei hongoni, aonu mana figri ne cheke eghu ka naitu na, “Ka nanghagna mae Jisas Kraes iara te cheke ari ka iagho mala jifla mei ka naꞌa!” Eghuteuna naitu na ghosei ne jifla mei ka gaꞌase na.

Galesia 3:5

Naugna unha si God teke tusu ari nogna nolaghi mae Tharunga te Blahi na ka ghotilo te mala edi farihoteimi u kofubobhoi igrea? Ba, naugna ghotilo neke leghuni vetula na, ba naugna ghotilo neke fatutuani ni u Nonomho te Keli te nomhini ghotilo gne? Tutuani fara, mana neke eni igne naugna ghotilo neke fatutuani ni mana.

Mae Khuru 15:12

Tothoghei mae biꞌo na ne theome ghagri kaisei cheke ne fanomho kolho ka mae Pol ghe mae Banabas eidi u kofubobhoi nei fagaglana eghu teke edi phiamare ka iheire te theome Jiu.

Mae Khuru 14:3

Nu mae Pol ghe mae Banabas ne au faraugha Aekoniam, eghuteuna phiamare ne theome mhaghu te toutonuni chekegna Lord na. Aonu Lord ne falalase ka naiknore te tutuani nogna cheke na. Naugna mana ne tusu ranghidi phiamare nolaghi te mala edi kofubobhoi nei fagaglana.

Jone 14:12

Tutuani fara te chekeni iara ka ghotilo na. Mae ihei te fatutuani ghau iara na, mana ginauna edila glepo te edi iara re. Mana ginauna na edi glepo ke kmanadi te edi iara igrei, naugna iara na tei kokoni nauthoglu igne mala tei au balugna mae Mama.